السلام عليكم ورحمة الله وبركاته لو سمحت نزل دي من غير اسم هو انا ارمله عندي ٢٩ سنه وعندي طفلين ربنا يباركلي فيهم عندهم ٩ سنين و ٥ سنين حاليا بيتقدموا ليا عرسان كتير مناسبين لسني بس لما بيعرفوا اني متمسكه بولادي يكونو معايا مش بيكملوا ودلوقتي اعرف واحد كويس وبنا كلام من شهرين منفصل عن مراته بس مش مطلقها رسمي وعاوز يتجوزني انهارده قبل بكره بس مشكلة ولادي هي برضه العائق لانه كمان دخله على قده وانا جوزي الله يرحمه مكنش سايب حاجه غير معاش تامينات باخده فهو بيقولي شوفي هتودي ولادك فين عشان نتجوز بدل ما نفضل مع بعض في علاقه محرمه واهلي وصحباتي بيقنعوني انه مناسب ومش هلاقي زيه تاني وسيبي عيالك لاهلك واديهم المعاش يصرفوا عليهم منه قبل ما تكبري وتعجزي وهو يشوف واحده غيرك والستات كتير ومحدش بيربي عيال غيره ولا يصرف عليهم في الزمن ده برايكم اعمل ايه اسيبهم لماما فعلا زي ما الناس بتقول ووقت ما احب اشوفهم اروح لهم ولا اعمل ايه لان الموضوع صعب اوي في القرار ولو حد عنده تجربه ياريت يحكيلي عنها عمل ايه في موقف زي ده, Society Problems
يونيو 26, 2024
-
النهارده بس
مشكلات زوجية
- كتبو Society Problems
