أنا خطبت من أسبوع وإحنا بلد أرياف علي أد مااحنا متمسكين بالعادات والتقاليد بس أحيانا ممكن نتصرف عشان اي حاجة
بعد خطوبتي بكام يوم اشتريت قميص نوم لخطيبتي وكلمتها في قولتلها انا عاملك مفاجأة ولما ميبقاش حد في البيت كلميني عدي يومين وكلمتني أن مفيش حد.
اخدت القميص وروحت وديته ليها أول ما شافته اتكسفت وال وشها احمر رحت قولتلها عاوز اشوفه عليكي في الاول رفضت بس انا اصريت ودخلت لبسته فعلا وخرجت ليا بيه اول ماشوفتها لابساه قدامي قمت وقفت وقولتلها حلو عليكي قوي خليهولك بس انتي متنفعنيش زوجة .
وسبت الدبلة ليها ومشيت
هو انا كده غلطان .
هي موجودة بالجروب, Society Problems
أغسطس 05, 2024
-
الشهر ده
مشاكل الخطوبه
- كتبو Society Problems
مواقف: كل الاوقات | النهارده بس | الاسبوع الماضي | الشهر ده | السنه دى
دلوقتي جوزي في الامارات بيقولي انا هحجزلك زيارة عندي هنا تقعدي معايا شهرين بس قبل ما تيجي لازم تكوني عارفة اني قاعد في استوديو وكده فمش عارفة ايه الاستوديو ده صورهولي لقيته اوضة مفيهاش غير سرير وكنبة وشاشة صغيرة وحتة يصلي فيها وبوتجاز شعلتين بس والغسالة في الحمام وتلاجة مكتب ، قالي عشان متكونيش جاية غصب عنك شوفي نفسك الاول كده كده جايبك عشان افسحك بس اكيد وانا في الشغل مش هتنزلي منها غير لما اجي والمكان ضيق جدا والله مش بهزر ، قولت لماما قالتلي متروحيش دي قلة قيمة ويقعدك في استوديو ليه ميأجر شقة ولما تمشي يقعد فيها تاني ، بابا قالي مكان ما جوزك بيقعد اقعدي معاه وبرضه انتي حرة فمش عارفة والله اعمل ايه ؟
اروح وخلاص واستحمل ♥️
لا المكان ضيق هتبقي في خنقة 😭, Society Problems
أغسطس 02, 2024
-
النهارده بس
مشكلات زوجية
- كتبو Society Problems
انا كنت متجوزه من ٤ سنين ونص كانت الجوازه التانيه ليا ومعايا ولد .. ويعلم ربنا انا اطلقت اول مره وكنت مظلومه ظلم محدش كان يستحمله المهم ربنا اشاء ان اتجوز تاني وقولت ده عوض ربنا ليا وابني بقي معايا بعد ماحملت وجبت ولد والاتنين هيتربو سوا من اول يوم انا ليا دخل وشغلانه خاصه وربنا فتح عليا من وسعه عشان ابني من اول يوم وانا بصرف عليه بحجه ان اي حاجه بجيبها ف البيت كانت عشان ابني.. قروض تتاخد انا اللي كنت ادفع وانا مبسوطه كفايه بقا ان ربنا عوضني بواحد قبل بيا وبي ابني وذلني ٤ سنين ونص عارف نقطه ضعفي وهي طلاق لتاني مره وكان يدوس عليها مكنتش بعمل اي حاجه مش عجباني الا عليا الطلاق لتعمليها لتتطلقي كل حاجه كانت تبقي ع الراجل انا اللي كنت شيلاها مسوليتي انا نحيته وناحيه بيته وابنه مافيش انا اللي كنت شايله كل حاجه من دكاتره للبس لدخله مواسم لكله مكنتش لاقيه كلمه شكر كل اللي بسمعه انتي بتجيبي عشان ابنك .. بتصرفي عشان ابنك كنت نفسي يقولي كتر خيرك انا مش عاوزه اكتر من كدا والله كنت هديله اكتر من اللي كنت بعمله مكنش ليا مصروف زي اي ست .. مكنش ليا حياه ان اخرج واروح معاه .. انا لو حكيت هتقولولي انتي كنتي مستحمله اازاي بس مستحمله عشان ولادي جيت ف مره كان هيطلق رجعتله اتذلله واعيط له عشان خاطر ابنك اللي مكملش سنه ويقولي مش عاوزك واتذلييت واتحطيت تحت رجله عشان ولادي وكان يزيد فيها اكتر . من غير دخول ف تفاصيل اكتر من كدا شغله وقفه وقعد منه واخر مكالمه بييني وبينه بيتخانق وبيقولي نصا ( لو مشلتيش معايا ف الصغيره قبل الكبيره انتي ماتلزمنيش) جيت تعبت من الوضع ده وجبت اهله وحكيت كل اللي عندي وكنت منهاره وصريخ وف وسط القاعده قعد والده يعتزر ومااقبلش ع بنتي اللي حصل.. تاني يوم مجرد ماراحه لمامته وحكي كلام باباه اتغير احنا عاوزين نطلق انتي واحده غير امينه مستحملتهوش وفضحت سر من اسرار بيتها وتنزل من شقتها بهدومها هي وولادها هي فضحتني وكرامتي ومنظري قدام الناس مع العلم لو انا كدابه كان انكر اي كلمه بس ده محصلش .. جيت من كتر الضغط اللي كنت فيه ف ظرف يومين جالي جلطه ونزلت من بيتي ع مستشفي وهو مجاليش ولا عتبها مع ان نازله من بيته ف نفس اليوم كلم زميل والدي عشان يطلق وانا كنت ف مستشفي بين ايادي ربنا وولادي الاتنين عياط عليا وكنت بموت مافكرش فيا ولا ف ابنه كل همه هو واهله الشقه واالدتي رااحت تاخد هدوم ليا اخدو مفتاحي وانا كنت داخله المستشفي حافيه يومين ونزلو عفشي وسابو شقتي كانت ايجار وسلموها ومااعرفش عنه حاجه لحد دلوقتي واتظلمت ظلم انا حاسه ان ف كابوس قلبي انكسرر ع ابني ونفسي و ادمرت حياتي بيت بيتخرب وبيتهد عشان اي عشان اول مره اتكلم واطلب حق من حقوقي مااعرفش انا عملت اي اوصل لكدا كل اللي عملته ان مااقولتش مش هصرف انا قولتله شاركني شيل معايا الشيله تقلت عليا اوي بقت مسوليه طفلين ونفسي وبيت وكل حاجه كانت عليا ده يبقي جزاتي دلوقتي انا بقالي ٦ شهور وسايبني زي بيت الوقف وهو عاوز يطلق واتنازل عن كله بس هيديني نفقه الولد والقايمه بس انا المفروض اعمل اي اوافق وابقي طلعت بالجوازه دي بولد وخسرت نفسي وحياتي وعمري معاه جوازه سهله كدا مقدرش السنين اللي كنت ف ظهره معاه ولا اعمل اي عشان انا بجد تايهه ادخل محاكم وماسبش حقي من حقوقي وحق ابني, Society Problems
أغسطس 01, 2024
-
النهارده بس
مشكلات زوجية
- كتبو Society Problems
انا بقى جوزى خانى مع أختى بمعرفه أمى انتوا متخيلين وكنت وقتها حامل وكتبتلوا عقد علشان يجبرني انزل الحمل وقالتلى فى وشى مش عايز منك عيال ومش هيكتبه شوفى بقى هتكتبيه ازاى سنتين سفر مع بعض خروجات وسهر مع بعض بيات عند أهل جوزى ويقولوا لحماتي متقوليش علشان بتغير اوى
امي واختي خربوا بيتي وضيعوا حياتي ومستقبل بنتين علشان الفلوس والطمع والاستكتار حسبي الله ونعم الوكيل
4 سنين بتعالج ومازلت اقسم بالله وحياه بناتي زي ما بقولك كده
بنت بنوت كان بيصرف عليها سنتين من ليزر كامل لسفر ولبس وخروج
كان لما تحصل مشكله في بيتي من غير سبب واقول
لماما اني هروح المكتب اصالحه واسيبلها بنتي. كانت تتصل بيها بسرعه علشان تنزل من عنده .
تفاصيل كتييييير كتييير مش عارفه اتخطاها لدلوقتي وفي الاخر الشيخ يقولك الدين بيقول دى امك ولازم تبريها علشان ربنا يرضا عنك بشوفها واكلمها بس قلبي بيكون نار عرفيهم يارانيا ان زى ما في
عقوق والدين في عقوق أبناء وهيتحاسبه والله لازم يتحاسبه
على الوجع والظلم والتفرقه والتفضيل بين أولادهم, Society Problems
أغسطس 01, 2024
-
النهارده بس
مشكلات زوجية
- كتبو Society Problems
انا شاب متجوز من سنه و زوجتي بنت كويسه ومتربيه كويس وبنت ناس تعليم وأدب لسه محصلش نصيب للحمل مشكلتي معاها تعلقها باخوها لانه هو اخوها الوحيد وهما اتنين هي واخوها بس ومامتها وباباها موجودين بس موضوع تعلقها باخوها ده بسبب انه كان حصله حادثه من ٧ سنين وجاله شلل نصفي وقاعد على كرسي متحرك وهي اللي كانت بتخدمه خدمه كامله لأن والديها ناس كبيره في السن لدرجه اني عرفت انها كانت رافضه الجواز نهائي عشان تفضل جنبه وتخدمه بس النصيب وافقت عليا انا في الاخر
حصلت بيني وبينها مشكله من حوالي شهر بعد العيد لانها جابته عندي في البيت وقعدته اكتر من اسبوعين ولما اعترضت على وجوده وصممت انه يمشي عشان مش عارف اخد راحتي في بيتي زعلت وعشان ارضيها خليته يومين تاني وبعدين قالتلي طيب هروح اقعد معاه اسبوع وارجع وانا رفضت وخليتها رجعته البيت وجات تاني يوم بس زعلانه وطلبت مني اني أطلقها عشان تتفرغ له هل في كده يا جماعه انا طبعا رفضت
الطلاق بس هي دايما تفكيرها فيه وعلى طول معاه ومع مامتها على التليفون حتى وانا موجود في البيت ودايما تفكيرها فيه لان الولد ملوش اصحاب
ومنطوي وكل حياته على الكمبيوتر وشغله كله فريلانس انا مش عارف ايه الطريقه اللي اقدر احل بيها الموضوع ده هي البنت كويسه جدا وصعبان عليا اطلقها بس مش لاقي حل تاني عشان اقدر اعيش حياة طبيعيه غير الطلاق واشوف واحده تاني غيرها واتجوزها قبل ما يحصل حمل والموضوع يتصعب اكتر من كده اعمل ايه افيدوني الله يباركلكم, Society Problems
أغسطس 01, 2024
-
النهارده بس
مشكلات زوجية
- كتبو Society Problems
السلام عليكم ورحمة الله وبركاته
انا اخويا طلق مراته وطلقها في قعده بالود واتفقوا النفقه
تبقي 500 جنيه للعيل هما 2 وبقت تزيد كل سنه 200 جنيه من كام سنه ووصلو النهارده 1000 للعيل واتجوز وخلف ومبسوط مع مراته الجديده وباين ان العيب كان في مراته الاولى بدليل انه مستريح ومبسوط مع مراته دلوقتي و كان بيشوف العيال مره كل اسبوع وبعد كده بقي يكسل بقي يروح لهم مره كل شهر واحيانا بيطلب العيال يتغدوا معاه ويروحوا معاه بيته شويه ويرجعوا وجدهم مش بيرفض بصراحه وبالامانه جدهم بيكمل مصاريفهم وحاولنا نفهم اخويا يزود المصاريف قال كده كفايه 1000 للعيل وبنته في تانيه اعدادي كل شويه تطلب طلب مره هدوم مره كتب بس هو بيرفض علشان متاخدش علي كده ماهو مش هايديهم نفقه ويصرف لبس وكتب كمان
انا سؤالي هو حرام عليه انه بيروحلهم كل شهر وانه ميبرضيش يطاوع بنته في دلعها ده ولا مافيش عليه ذنب بس هو مش قاطع رحم هو لو خمس دقايق يطمن عليهم كفايه ولا احنا فاهمين غلط. بس هو اب مثالي مع ولاده التانيين ومتعلق بيهم زي اي اب مع ولاده, Society Problems
أغسطس 01, 2024
-
النهارده بس
مشكلات زوجية
- كتبو Society Problems