السلام عليكم ممكن رايكم انا خطيبي شهرياً كان بيديني الف جنيه مصروف عشان لسه في الجامعه ، كان فيه فرح وحده زميلتي في محافظه تانيه وقالي متروحيش فأنا روحت ، وهو مقالش حاجه من يومين كان المعاد اللي بيديني فيه المصروف ، لمحت له كده ، قالي زي مانتي بتقولي مالكش حق تقولي روحي وتعالي الا لما اكون مراتك فانا مش ملزم اديكي مصروف وانتي مش مراتي ولو مش عاجبك نفركش عادي ، وقام قافل المكالمه ، انا مش فاهمه ازي ربطت الموقفين ببعض ، مش عارفه اكمل معه ولا اسيبه, Society Problems
like
Dislike
أبريل 25, 2024 - - كتبو Society Problems
انا عندي ٣٧ سنة و كنت مخطوبة لشخص ١٠ سنين حرفيا و كل الصبر ده هتقولو ليا ليه هقولكم عشان والدته كانت مريضة كنسر و كان بيعالجها لأنه ابنها الوحيد و اكيد مش هيرمي امه و بقيت اشتغل و اديله الفلوس لدرجة اني بقالي ١٠ سنين بلبس هدوم اختي القديمة و مش بجيب حتى قلم روج عشان الفلوس تكفى و شكلي بقي مبهدل اوي اوي اوي و عشان يكمل فلوس علاجها انا اتبهدلت اوي من اهلي عشان قاعدة مستنياه و من سنة والدته اتوفت و قعد حزين عليها و من كام يوم قالي انا تعبت من الوحدة و لازم اتجوز قلتله تمام ي حبيبي فعلا احنا كبرنا قاللي احنا مين لا طبعا انا مش هينفع اتجوزك انتي مش شايفة منظردك انتي كبرتي و انا عاوز ست حلوة و خلفة و عيال و سابني تخيلوا انا مش عارفة اعمل ايه انا غلطت عشان كنت بنت اصول ادعولى, Society Problems
like
Dislike
أبريل 23, 2024 - - كتبو Society Problems
جوزي شتم ابويا في التلفون وقاله انت وبنتك متسووش عندي وبابا راجل محترم جدا وم يومها حلف عليا بالله ماعاد داخل لي بيت و لما قلت لجوزي اعتذر لبابا رافض حاليا انا وهو في الشارقه مسافرين وجوزي نزل يمضي ورق قطعة أرض في العاشر وانا مقرره في نفسي لو مزارش بابا وعيلتي عموما هتطلق منه ف نفس اليوم الي هيرجع فيه الشارقه و هو عموما طول عمره بيسئ لي هو و أهله ومش بيعرفني فلوسه فين ولا اشتري ايه ولا باع ايه بعرف بالصدفه مثلا انه باع ارض وانه اشترى ارض ومرات بكتبها باسم ابوه ويقولي بابا أولى من ولادي وهو الي رباني و حماتي طول عمرها بتبدهلني في شغل البيت بس متعوده ع دا من ايام ماما لكن كانت دايما تقولي اهلك عاملين لنفسهم منظر وطلعوا ع فشوش و انتي كنتي وحشه يوم الخطوبه بس اتحرجت اكسر قلب ابني لما خطبك و كلام يوجع اوي و دلوقتي بعد ماهو شتم بابا بيا امي واخواتي الولاد مقاطعينهم ماعدا اختي البنت ال ف اعدادي لسا بتكلمني و بتحكيلي انهم يوميا بيتكلموا عني وانا دلوقتي معايا طفل ٥ سنين وولد تاني سنتين اعمل ايه تعبت جدا والله حسبي الله ونعم الوكيل حقيقي كل مره بقوله كفى بالمرء اثما ان يضيع من يعول وانا دكتورة صيدلانيه بس مش بشتغل هنا لكن اقدر اشتغل حكومي ف مصر عادي لو نزلت بس كل الناس بتقولي ابوكي لو تسبب في طلاقك بعنده ضد جوزك دا هيفضل يشيل ذنبك عمره كله وف نفس الوقت ابويا فوق ماتتخيلوا م الأدب و الأخلاق وكان موجه عام واعلى نسب يمكن اي شاب يتمناه دلوقتي انا تسببت ف دموعه واختي أستاذة طب أطفال في الجامعه و اخويا مهندس في ألمانيا والله والله اي انسان يتمنى يبق مننا وانا الوحيده الي فيهم اتهانت مع جوزي دا قلولي رايكم ايه بالله عليكم , Society Problems
like
Dislike
أبريل 22, 2024 - - كتبو Society Problems
انا خطيبي بيعشق حاجه اسمها أختي الصغيرة ، وهي بتعشق خطيبي ، خطيبي لما بييجي بيسأل عليها قبل اي حد وتيجي تقولوا شيلني ويسلم علينا كلنا وهو شايلها وطول ما احنا قاعدين شايلها حتى بابا يقعد يزعقلها لما خطيبي يتعشى معانا وتقوله قومي من على رجله خليه ياكل براحته وهو يقعد يوكلها ويلعب معاها ، ولما يعدي من عندنا ويلاقيني مش موجودة بياخد اختي يوديها حديقة الحيوان يتفرجوا على الحيوانات ويجيبها تاني ، ولما اطلع معاه واحنا مروحين يفكر قبل ما يجيبلي حاجه يقولي هجيب لأختك معاكي حتى فستان العيد بتاعها هو الي جايبه ، مش عارفه ده طبيعي ولا لا حاسه أنه اهتمامه مش بيا ؟ ايوة عادي  لا مش عادي المفروض يوازن الأمور
, Society Problems
like
Dislike
أبريل 19, 2024 - - كتبو Society Problems
اتقدمت 7 مرات و اترفضت و ابوها اتوفي استنيت بعد وفاته بشهرين و رحت اتقدم للمرة 8 لقيته سايب وصيه اني لو اتقدمت اترفض حد عنده حل يا جماعه في الموضوع ده..!, Society Problems
like
Dislike
أبريل 19, 2024 - - كتبو Society Problems
السلام عليكم بعد إذن حضرتك أنا خطيبي مسافر عمان ومش هيعرف ينزل في العيد وبعتلي عیدیتى 5000 ج على فودافون كاش بقولو المفروض كنت تبعت 50 جنيه زيادة حق سحب الفلوس من عند الراجل اتخانق معايا وبيقولي آنتي استغلاليه وزعلني من كلامه معايا بالطريقة ديه ومش بكلمه من يومها ومش عارفه أعمل إيه ؟, Society Problems
like
Dislike
أبريل 16, 2024 - - كتبو Society Problems
انا كنت مخطوبه لمحامي وهو لما كان خاطبني كان معه عربية بعد الخطوبه بست شهور باع العربية عشان بيدعى أنه عنده ظروف فبقوله مينفعش تخطبني وانت عندك عربية وبعد الخطوبه تبيعها ،قالي انتي مخطوبه لي ولا مخطوبه للعربية قولتله عادي البنت بتوافق علي العريس لعدة أسباب وانك معك عربية دا من ضمن الأسباب ، قالي تمام وانا مش هعرف اكمل معاكي وكل شئ نصيب انا فكرته مضيق وبيهزر ولكن أخته جت عايزة حاجته وفركش بقالي اربع شهور معرفش عنه حاجه ومش بينشر حاجه علي صفحته ، لحد ما لقيت من شوية بوست أن كتب كتابه بعد العيد والفرح بعد العيد الكبيرعلي وحده تانية ، انا مقهوره اوي مش عارفه انا عملت و غلطت في ايه ، حسبي الله ونعم الوكيل, Society Problems
like
Dislike
أبريل 14, 2024 - - كتبو Society Problems
القوانين | ازاى تستخدم الموقع | احنا مين | اعلن فى الموقع | اتصل بينا | الفيد

حقوق الطبع غير محفوظه © اعمل اللى انتا عايزو