انا من ٦ شهور و كنت شاري شبكة من سنتين ب ٤٠ الف الحمد لله يعني حاليا اكتر من ٨٠ الف بعد الخطوبة اشتريت كمان فون هدية شوية و طريقتها تنطيت كل ما اطلب منها تلبس واسع بلاش صور استوري ع الفيس لاني شاب و عارف نظره الشباب بتقاوح ، بلاش تروح البيت متأخر ترجعلي بعد الساعه ١٠ باليل و بتحب تشرب العصير فالبلكونه حذرتها م الوقفة كتير فالبلكونه تزعل و تلوي بوزها كلمت ابوها كذا مرة تتعدلي يومين و ترجع لطريقتها تاني و بتعاند و كل حاجة انت مالك لا انا ف بيت بابا المهم طلبت نفسىخ قالوا معندناش حاجة وانت اللي فىاسخ سكت و هديت الجو و قولت خلاص هسيبها براحتها بل كنت بعلقلها بحب ع صورها فالفيس و بعد شهر بالظبط كنا بره و طبعا لابسه الدهب قولتلها حققت بوينتس و طلعلي مبلغ محترم تعالي اغيرلك الشبكة و قلعتها فعلا و نقينا طقم تاني و صورناه بموبايلها وقولتلها اقفي ادخل اسأل الراجل بكام الجرام و نغير القديم وشوفي حاجة تانيه لو عجباكي و انا دخلت المحل ومعايا الفون اللي اشتريته ليها و الشبكة و خرجت م الباب التاني و روحت بلغت والدها اني فسىخت الخطوبة بعتت مع امة محمد تحسبن عليا و بتصيح هي و اهلها زي الديوك ع الدهب مش متأثر بكلامها قد منا فرحان فيها و ف حىرقة قلبها, Society Problems
مايو 28, 2023
-
النهارده بس
مشاكل الخطوبه
- كتبو Society Problems
مواقف: كل الاوقات | النهارده بس | الاسبوع الماضي | الشهر ده | السنه دى
انا سيدة أبلغ من العمر ٤٧ عام مطلقة وعندي بنت جامعة خاصة وابن باعدادي خاص.لكن سبب الطـلاق قلم اخدته وانا مش واخده بالي تزوج واحدة اكبر بالسن ولها بنات بالجامعة وكل ما ورثه صرفه عليهم وبخل عليا بعد ما كان بيحاسبني بالورق والقلم واحنا متزوجين لدرجة شهادات ادخار اولادي فكها واشترى ليها شقة وفتح ليها سوبر ماركت .طبعا دي مش اول مرة يبق ندل كدة بردو بنتي كانت عندها ٤ سنوات وكنت بالشغل وجيت بدري ووجدته مع واحدة واخدت بنتي وجريت وأهلي وأهله قالوا الصلح وانا وافقت غصبن عني واستمرت الحياة واستحملت كتير لكن بعد زواجه من اخرى واشترلها كل حاجة وانا باعني ما استحملتش وخلعت منه بالمحاكم والحمد لله بقى على الحميد المجيد واصحابه بيقولولي ربنا جاب حقك وقال ايه كان معمله عمل طبعا انا ركزت في اولادي وشغلي لكن كبرت وجالي أمراض الدنيا ضغط كولوسترول خشونة بالركب وشيلت الرحم طبعا من٢٠٢٠ وانا بشتغل وبضغط على نفسي علشان الاولاد وبصرف عليهم وبسدد الجامعة والمدارس الخاصة وايجار شقتي والكهربا والمياه والاكل ومصروفات المواصلات للأولاد. لكن ابو الاولاد جذب الاولاد ليه وراحوا عاشوا معاه بشقة اهله وعايز يرجع بس وانا بشتغل . يعني القفة ام ودنين يشلوها اتنين رفضت طبعا . لكن المفاجأة ان جالي عريس مش غريب يعرف ربنا ودينه ومسافر بره وح ياخدني معاه وعايزني اعيش معاه العمر اللي جاي لما وجده مني من خلق ودين وقدر من الجمال وانا الان بين نارين نار اني ح ارتاح ويبق ليا سند وظهر واكون زوجة متفرغة لطاعة ربها وزوجها وارتاح من الغلب . ونار اني مش هكمل مصروفات اولادي بالجامعة والمدرسة علشان هتجوز وخايفة قوي اتحاسب عليهم علشان هتجوز ياترى ايه رايكم, Society Problems
مايو 28, 2023
-
النهارده بس
مشكلات زوجية
- كتبو Society Problems
اهل خطيبي كانو عندي ف بنت عمه كانت مصممه تاخد حاجه مني ف وهي ماشية دخلت اوضتي ولقت المشط اللي بسرح بيه شعري قالتلي ممكن اخدو انا بدور عليه من زمان ومش لقياه قولتلها عيني بس ثواني هنضفهولك عشان كان ف شعري وكدا قالتلى لالا سيبيه سيبيه انا هنضفه انا هنضفه راحت وخداه وحطته ف شنطتها وقاالتي يلا سلام بقي ومشيت علي طول ومن ساعتها وانا خايفه المشط في شعري هي ممكن تأذيني بحاجه؟؟ وكمان هي اصلا كانت بتحب خطيبي زمان وهتموت وتتجوزو, Society Problems
مايو 27, 2023
-
النهارده بس
مشاكل الخطوبه
- كتبو Society Problems
انا مرتبطة بواحد بحبو جدا وبيحبني جدا وبيعمل اي حاجه تبسطني وبيقولي بيحوش علشان نسافر اروبا سياحيه وكداومبسوطة معاة هوا دلوقتي مسافر شهرين علشان شغلو عرفت شخص تاني وانا معرفاة إني مرتبطة وخرجت معاة مرتين واعجبت بية وقالي انو حبني من اول نظرة وباين بجد علية الحب وقولتو انا بحب المرتبطة بية ومعجبة بيك في نفس الوقت ولما مرتبطة بية بيتصل بيتعصب وبيقولي بغير وكدا ف سيبني يوم اقرر ابقي مع مين فيهم, Society Problems
مايو 26, 2023
-
النهارده بس
مشاكل حب
- كتبو Society Problems
ياريت محدش يتكلم اني غلطت عشان انا مش غلطان ده حقي انا فاضل علي فرحي أنا وخطيبتي شهر خدتها نخرج ننبسط بره شوية ونشتري حاجات لينا وإحنا مروحين خدتها عند دكتورة نسا صاحبة اختي فهمت خطيبتي ان ده كشف عليها وعليا علي كل جزء في جسمنا عشان ميكونش عندنا حاجة تمنع من الخلفه وأنا كان في نيتي اتأكد هي بنت ولا لاء وهي طلعت بنت فعلا الحمد لله بس هي فهمت من الدكتورة سبب الكشف ورمت الدبلة في وشي ومشيت وأنا دلوقتي أنا عايز اروح اعتذر ليها عشان تسامحني بس هي رافضة تماما اعمل ايه, Society Problems
مايو 25, 2023
-
النهارده بس
مشاكل الخطوبه
- كتبو Society Problems
انا رجل متزوج من ١٥ سنه وعندي اولاد وزوجتي بتحبني وبحبها مش ده موضوعنا الموضوع ان حماتي بقالها ٣ شهور قاعده عندي في البيت علشان جالها جلطه وفقدت المشي من الزعل على حمايا بعد وفاته وانا زوجتي بنتها الوحيده وليها ٣ اخوات صبيان متجوزين كلهم وانا صممت انها تقعد عندي لانها ست طيبه وبتحبني جدا وياما ساعدتني في حاجات كتير حتى من قبل زواجي وايام الخطوبه المهم هي دلوقتي نفسيتها تعبانه وجسمها كل يوم في النازل وبجيبلها دكتور علاج طبيعي ومش متقبلاه وحاسس انها نفسها مسدوده عن الحياة كلها ومش عارف اساعدها ازاي وكل يومين تقولي وديني بيتي وانا هبقى كويسه وانا مش موافق دلوقتي ولادي خلصوا امتحانات فممكن اخلي زوجتي تقعد معاها في بيتها بدل ما اخواتها بيقولوا انهم هيبدلوا عليها كل واحد يومين لو رجعت بيتها يعني وانا بصراحه الست صعبانه عليا وحاسس ان لو هما عملوا كده هيبقوا بيقضوا واجب هما وزوجاتهم وحماتي مش هتكون مستريحه لكده لانها حساسه زياده شوية اعمل ايه اوديها ولا اخليها في بيتي ولا اودي زوجتي تقعد معاها ولا ايه الأحسن بالنسبه لحالتها دي لو حد مر عليه حاجه زي دي يا تنصحوني انا و زوجتي مع بعض, Society Problems
مايو 24, 2023
-
النهارده بس
مشكلات زوجية
- كتبو Society Problems
انا خاطب بقالي ٧ شهور ولما خطبت قولتلهم ان إمكنياتي على قدي ومش هقدر اجيب شقة غير بعد سنتين او اكتر فـ هما اقترحوا ان عندهم شقة في ٦ اكتوبر اجيب انا العفش كله والمطبخ والشقه تبقى عليهم وهي اصلا باسم خطيبتي في سبيل يعني اننا نعجل الزواج علشان عاوزين يفرحوا بالبنت لانها عدت ٣٠ هما مقالوش كده لكن انا استنتجت وفعلا ان شاء الله هقبض جمعية في شهر ٧ وهجيب العفش بس دلوقتي حصل موقف في شغلي ان اتنقلت فرع جديد في مدينة نصر و ٦ اكتوبر بقت بعيده عني جدا فانا قولتلهم نبيع الشقة دي ونشتري في مدينة نصر في اماكن متوسطة الاسعار وممكن يدفعوا فرق بسيط بس هما مش موافقين نهائي لانهم خلصوا تشطيب الشقة ف دي نقطة خلاف بينا حاليا ومش عارف احلها وخايف بعد ما اتجوز مقدرش على المشوار واجبرها انها تبيعها وننقل وبالشكل ده هيحسوا اني ضحكت عليهم فعاوز حل الموقف ده يبقى ايه من رايكم, Society Problems
مايو 23, 2023
-
النهارده بس
مشاكل الخطوبه
- كتبو Society Problems
نموذج الاتصال
