اختلفت مع مراتي شويه وعليت صوتي عليها شويه لقيتها بتقولي ما انت تربية مره انت وأخواتك فقدت اعصابي ولقيتني بقولها انتي قليلة الادب ومش متربيه خدت بعضها وغضبت عند ابوها وقفلت موبيلها وخت معايه سلسله وخاتم دهب عشان هي بتحب الدهب وقلت اصالحها رفضت تقابلني وبعت امي واختي ببوكس هدايه 60 في 60 وقالت لامي ابنك بيعلي صوته عليا يا طنط وبيقولي انا مش متربيه وابنك ما يلزمنيش انا عارف اني غلطان وآسيت عليها ومكنش المفروض اشتمها بس غصب عني وانا مش عارف اعيش من غيرها وبقالها تلت ايام غضبانه ومش عارف اعمل ايه او اجيبلها ايه عشان تروح بيتها وتسامحني, Society Problems
like
Dislike
أكتوبر 06, 2024 - - كتبو Society Problems
انا 34سنة منفصلة مش معايا اولاد وشغلي كويس الحمد لله واتقدملي شخص كويس 42 سنة شغال مهندس وحالته المادية كويسة يعني عربية و شقتين تمليك كبار في اكتوبر سبق ليه الجواز ومعاه ولدين مع مامتهم من خمس سنين و هو بيصرف عليهم وكويس معاهم وده حاجة طمنتني لما قعدنا انا سألته هل مرتبك يكفي تفتح بيت مع مصاريف اولادك رد عليا قالي ايوة و زيادة الحمد لله سألته مرتبك كام مرداش يقول وأصر علي كده وفي القعدة التانية سألته برضه ولما لاقيته مش عايز يقول وبعد كلامنا لمدة أسبوع قالي بيقبض كام 30 الف والصراحة من بعد ما قال المبلغ حسيت ان مبلغ زي ده مش هيكفي خصوصا اني عايزة اخلف علطول بعد الجواز وحسيت ان الحياة مش هتبقي احسن حاجة. للأمانة هو مش بخيل والله المشكلة مش فيك. هل انا تفكيري مادي ولا فعلا الحياة هتبقي صعبة الواحدة بقت تشوف الاسعار تترعب, Society Problems
like
Dislike
أكتوبر 05, 2024 - - كتبو Society Problems
هى مش عارفه اقول مشكله ولا فضفضه بختصار كان مكتوب كتابي وكنت بعشق جوزى وهو بيعشقنى وليا جارة صحبتى جداا قاعدين مع بعض علطول في يوم جابلتى طقم كاسات وفضت له مكان تحت سريري عشان تحطه وكنت مبسوطه جدا وبديها امان وعدت فترة وبقيت بتخانق مع جوزى لحد ما تطلـقنى قبل الفرح وهى كانت جمبي بعدها بفترة بعدت عنى تدريجيا وانا ادمرت في كل حاجه مش جوزى وبس ومر اكتر سنه ونص وكنت بصلى وعيط وصعبان عليا نفسي وفي يوم بقلب تحت السرير وبفتح هديتها لقيت سحر ايوه سحر بشعرى وكلام غريب وزيوت انا مكنتش عارفه استوعب ازى وليه وهى اصلا بعدت بعد ماطلقت انا معملتش حاجه اكتر من ان جبت ملح وقرات قران موجوعه اوى نفسي اوجهها وخايفه تأذينى تانى حسبي الله وكمان في ناس قالتلى لو جوزك حاول يرجلك بعد ماكتشفت يعنى ارجعى لان مكنش في وعيه هو بعد طلاقنا اتغير اوى بقي بنى ادم بيكرهنى وعمل كتير حاجات تضيقنى وتكرهنى فيه وهوواصلا مكنش كدة حقيقه كان انسان كويس جدا وبيراعي ربنا فيا هو فعلا مش كان في وعيه؟؟ واعمل ايه مع البنت هى متجوزة للعلم يعنى, Society Problems
like
Dislike
أكتوبر 05, 2024 - - كتبو Society Problems
أنا في مصيبة ومش عارفه اعمل ايه أنا دلوقتي متجوزة بقالي 4 سنين وعندي طفل المهم خال جوزي جه عندي مرة واحدة بسبب مشكلة هو أصلا من البلد وكان عند أخته فجه زيارة عندي في البيت وجوزي كان موجود بعدها سافر وبعد أسبوع كلمني بليل وبدأ بكلام غريب معايا زي بحبك وانتي روحي المهم أنا كلمته وقولتله كده مينفعش والكلام ده قالي أنه بيختبرني وأنا نجحت قالي احنا صحاب وعادي وأنا زي ابوكي واخوكي الكبير بس متقوليش لجوزك إني بكلمك بليل ده لو كلمتك يعني ومتحكيش على إللي حصل ده وقالي لو قولتلك أي حاجة أو حد عرف إني بكلمك بليل أو قولتلك أي سر وحكتيه لحد هتزعلي مني وأنتي كمان لو أنا قولت لحد انك بتكلميني ازعلي مني وعاتبيني أنا تجنبت أكلمه أصلا جه النهارده بعتلي صورة مش محترمة خالص وكاتب أنا وأنتي بعتله أنه مش محترم وعملت بلوك المهم بقي أقول لجوزي ولا أعمل أي أنا خايفة جدا ومش عارفه اعمل ايه اقول لي جوزي ♥️ ولا كفايه لي عملتوا 🥲, Society Problems
like
Dislike
أكتوبر 05, 2024 - - كتبو Society Problems
انا كاتب كتابي و خطيبتي من قبل كتب الكتاب ادتني فكرة ان شعرها خفيف و كده ودلوقتي بقت بتقعد قدامي بشعرها و اخر مره واحنا قاعدين مع بعض قولتلها أرضية راسك باينة كده شكلك مقرف اوي ده مش منظر شوفي علاج و لا اي حاجة مامتها سمعتني وزعلت من كلامي ويعتبر طردتني وقالتلي مش هتشوف طرفها تاني انا مش فاهم انا عملت ايه و حاجتي كلها عندهم و مش عاوز اسيبها بصراحة بس انا كنت بطلب منها تصلح الغلط اللي عندها اعمل ايه دلوقتي ؟, Society Problems
like
Dislike
أكتوبر 05, 2024 - - كتبو Society Problems
انا شاب ٣١ سنه واتصدمت لما سمعت كلام مراتي في التليفون عني. الموضوع من الاول ان مراتي ديما بتكبر اي مشكله وديما بتهددني انها هاتمشي وتسيب الاولاد وفعلا كل شهرين تلاته تسبب البيت والولاد وهي عارفه اني مش هاعرف اتصرف ولا اعرف اروح شغلي واهلي في البلد مش قرييبن مني وبفضل اصالح فيها بالعافيه علي مابترجع موقف من المواقف كانت حماتي عندنا وهي كانت عامله كبده لقيتها زفره دخلت المطبخ ونادلتها عشان محرجهاش وعرفتها قعدت تزعق وتقولي هاروح مع امي واسيبلك العيال امها سمعت جت تاكل اتفأجات لقيتها بتقول لمراتي فعلا يابنتي الكبده محتاج تستوي دي بدمها لسه طبعا سكتت وبعد امها مامشيت رجعت كبرت الموضوع وبتقولي احرجتني قدام ماما كنت كل منها وانت ساكت او كل اي حاجه تانيه والموضوع كبر لاني ماتحملتش غبأها وبرضو سابت البيت ورجعت عن امها الموضوع بقي ان هي متفقه مع صحابها اي حد جوزها يزعلها ترميله عياله عشان يتذل المهم صالحتها ورجعتها واتصدمت لما سمعتها بتكلم واحده صحبتها عني وبتقولها رجعني زي الكلب. انا دلوقتي مش طايق اتعامل معاها وفعلا مش هاقدر اربي ولادي لوحدي بسبب شغلي انا موظف في بنك اعمل ايه وليه كل الستات دلوقتي بتـرمي ولادها بسهوله كدا وتسيب البيت., Society Problems
like
Dislike
أكتوبر 04, 2024 - - كتبو Society Problems
انا متجوزة بقالي ٦ اشهر اتجوزت راجل كان متجوز قبلي وزوجتو توفت صعق بالكهرباء وكانت يا دوب والدة ابنها من ٦ شهور يعني الواد دلوقتي عمره سنة تقريبا مشىكلتي هى اني مش قادرة احب الولد خالص مع انه طفل هادي جدا ومابيىغلبنيش ابدا بس مبحبوووش ودلوقتي انا حامل وحولد بعد ٥ شهورالولد حيبقى منافس لابني بكل حاجة وحيقاسمه كل حاجة الدلال والحب والألعاب والفسحة والاكل وكل شيء انا عاوزة طريقة اقنع بيها جوزي اننا نحط ابنه في دار الايتام اكيد فيها رعاية واهتمام ومش حينقصه حاجة وهنبقى نشقر عليه كل فترة والتانية انا جهزت حاجاته وهدومه كلها في شنطة وركنتها جنب الباب علشان اما يوافق جوزي اختصر الوقت قبل مايفكر او يتراجع ادوني طريقة اقنع فيها جوزي بالكلام ده, Society Problems
like
Dislike
أكتوبر 04, 2024 - - كتبو Society Problems
مراتي اتعاكست و احنا مع بعض و كانوا اكتر من شخص حفاظا عليها متكلمتش خالص خاصا ان محصلش حاجة غير لفظية و هيا طبعا مصرة ان انا غير امين عليها قلتلها لبسك هو السبب قالتلي هو ده اللي انت قدرت عليه و سابت البيت اتصرف ازاي من غير اسم, Society Problems
like
Dislike
أكتوبر 04, 2024 - - كتبو Society Problems
يا بنات انا حامل في تؤام وعندي سلفتي ليها 20 سنه متجوزه و ربنا لسه مرزقهم بعيال إن شاءالله ربنا يديها يارب انا الشهر الجاي هولد واهل جوزي كلهم طلبو مني طفل من التوم ل سلفتي هما صح معايا في نفس العماره والدور و مش هيمشو ف حته لكن أنا مش هاين عليا افرق التؤم عن بعض ونفس الوقت نظرت سفلتي وسلفي ليا تقطع القلب و قلبي وجعني عليهم و سلفي قالي عيالك هما عيالنا و مش هينقص عليهم حاجه إبداء 😥 تنصحوني اعمل ايه قلبي وجعني, Society Problems
like
Dislike
أكتوبر 04, 2024 - - كتبو Society Problems
جوزي بعت ابوه دار مسنين عشان طلبت منه كده عشان مكانش فيه مكان يقعد فيه وهو ابنه الوحيد ودلوقتي جوزي بيقولي معيش فلوس ادفع للدار دلوقتي هجيبه يقعد في شقتنا لحد ما يظبط الفلوس وافقت بس انا من جوايا متضايقة و جيه بس طلباته مقرفة وبعمله اكل غير اكلنا عشان الامراض اللي عنده و زهقت و اشتكيت لجوزي قالي انه خلاص ظبط اموره و هيرجع بس ابوه فضل يعيطله و يقوله خليني في الاوضة اللي جوا و مش هخرج منها ومش عايز يرجع و جوزي بيتحايل عليا نخليه قاعد اسبوعين كمان اختي بتقولي لو وافقت مش هتعرفي تمشيه بعد كده اوافق👍 بلاش هيبقى حق مكتسب♥, Society Problems
like
Dislike
أكتوبر 04, 2024 - - كتبو Society Problems
من ساعة ماعرفت ان طليقتي هتتجوز وانا هتجنن يا جدعان مش طايق نفسي ولا طايق حد عندي رغبة امسك اللي هتتجوزه ده واخليه مينفعش يتجوزها ولا يتجوز غيرها. مش قادر استوعب فكرة انها هتكون لغيري وحد غيري هيقرب منها لما بفكر ف الموضوع بتجنن انا بقيت بشوفهم مع بعض ف كوابيسي مش قادر استحمل الفكرة ولا قادر اتقبل ان راجل غيري هيبقي ليه كلمة عليها واني مش هيبقي حتي من حقي ارفع عيني عليها وبقت حقه هو مش حقي انا انا خسرتها بغبائي بس مكنتش اعرف اني بحبها للدرجادي حل يا جدعان ابوظ الجوازة دي وارجعها عشان لو الجوازة دي تمت انا احتمال ارتكب جريمه يوم فرحهم محدش يقعد يقول اومال طلقتها ليه ومش عارف اي عشان الحوار كان غصب عني وعنها انا دلوقتي عاوز حل مش عاوز تقطيم, Society Problems
like
Dislike
أكتوبر 04, 2024 - - كتبو Society Problems
انا طلقت بسبب إن خلاص بقا فيه استحالة عشرة أديتها كل حاجة وكنا بنتخانق مين ياخد القايمة ولا انا عاوزها وهيا مكانتش عايزاها في الاخر أنا اصريت إن هيا تاخدها لأني مكنتش عاوز حاجة تفكرني بيها والطلاق تم بسلاسله من غير مشاكل وكل واحد راح لحاله بس في ولدين.. المشكلة مش في الطلاق المشكلة إني من ساعة ما طلقت بقالي سنة حاسس إني ملزم بيها يعني الولاد لو طلبوا حاجة بجيبلها زيهم وهيا لو طلبت حاجة بجيبها وبنفس راضية هو مش حب يعلم ربنا اني مش هينفع أرجعها تاني عشان محدش يقولي طب ماترجعوا عشان العيال أنا مش هينفع ارجعها الموضوع منتهي بس حاسس إنها مسئوليتي ولا تنسوا الفضل بينكم هيا مهتمه بالاولاد و شاطرين وبتتعب معاهم بس ناس كتير بتقولي المفروض تمنع عنها الي كنت بتعمله معاها وهيا علي زمتك عشان تعرف قيمتك. انا مش عايز الاحساس دا اصلا مش عايز احساس اشوفها ندمانه عليا أو حاسة بقيمتي مش لازمني الاحساس دا ولا فارق معايا انا كل الي لازمني عيالي بس حاسس من جوايا انه مينفعش دي مهما كان أم عيالي أنا بعمل كدا إكراما لعيالي مش ليها هيا السؤال هنا بس الي انا بعمله دا صح ولا غلط المفروض ابص لنفسي زي ما كل زمايلي واهلي بيقولولي عشان اعرف أشوف بنت أصول تكمل معايا ولا أفضل مهتم بيهم كدا مع العلم وأنا بعملهم الي هما عايزينه بكون حاسس إني مبسوط مش فارق معايا ابص لنفسي أو أشوف نفسي لحياه جديده بجد محتار اسمع كلام أهلي ولا أفضل زي مانا ماشي كدا انا عايز صوت العقل من حضراتكم😍, Society Problems
like
Dislike
أكتوبر 04, 2024 - - كتبو Society Problems
انا زوج غيور و للأسف شكاك شوية انا متجوز من ٣ شهور مراتي كانت رايحة فرح صحبتها كان هيبدأ ٧ قولتلها في البيت تكوني ٩ ونص حاولت معايا تتأخر لاخر الفرح و ان هي كدة كدة معاها عربيتها يعني مش هترجع في أوبر او مع حد و ان ديه صحبتها جدا و مينفعش بس انا رفض تماما قولتلها اخرك ساعتين و ترجعي و كنت كل شوية اطمن عليها و انها في الفرح و أكد عليها ميعاد رجوعها البيت و هي بتكون متضايقة بعدها لاقيت الموبيل اتقفل و الوقت اتأخر و انا مش عارف اوصل ليها دمي اتحرق و غلي و اتعصبت جامد و رجعت البيت الساعة ١٢ و انا فعلا كنت على أخرى من اللي حصل، ان الموبيل اتقفل بس بصراحة هو طلع فصل منها شحن بس في نفس الوقت رجعت متأخر سمعتها كلام وحش و عيب جدا شدينا مع بعض فضربتها جامد نزلت فيها ضرب بشكل بشع فضيت غلي و عصبيتي كلها فيها لأن في اللحظة ديه كنت واصل مرحلة صعبة جدا من العصبية اتجننت مشوفتش قدامي، اتعورت و كانت بتنزف جامد و كسرت اوضة النوم كنت واصل مرحلة صعبة من العصبية جت تروح لمامتها منعتها و شدتها و اخدت منها الموبيل و شلت التليفون الأرضي و بقالي يومين لما اروح الشغل اقفل باب الشقة عشان متخرجش و لما ارجع الاقيها قافلة عليها باب اوضة الأطفال لما هديت شوية عرفت فعلا اني بالغت في ردة فعلي و ندمان ندم وحش لدرجة مش عارف انام خبط عليها الباب عشان تفتح ليا و اعتذرت ليها من وراء الباب رافضة ترد عليا، عايزة بس اني اطمن عليها خايفة تكون تعبانة جامد، مشكلتي الغيرة و الشك دايما ملازمني لاني متأزم من الموضوع ده بسبب قصة حصلت معايا و مش عارف اعالج الموضوع ده انا بكلمكم كواحد فعلا نفسه يحل المشكلة ديه و مدمر من اللي هو فيه و هيدمر اللي حواليه و مش عارف هتصرف معاها ازاي, Society Problems
like
Dislike
أكتوبر 04, 2024 - - كتبو Society Problems
أنا أم 3 بنات وجوزى اتجوز وربنا رزقه بولدين وانا ورثت من والدي الله يرحمه قطعة ارض فطلب منى اكتبها باسمه علشان اولاده يورثوا مع بناتى لكنى رفضت وقولتله ده حقي وحق بناتي بس علشان يعاقبنى منع عنى انا وبناته المصروف و امتنع عن حقى الشرعى مش بيدخل عندي شقتي وبيجي من بره شايل ومحمل طلبات البيت التاني ويطلع بيهم على زوجته في الدور اللى فوق مننا وانا اشتغلت وبصرف على بناتي بقالي سنه وحاليا هو ظروفه الصحيه مش تماما ومحتاج عمليه لكن بيقول مش معاه فلوس وجه اترجاني ابيع جزء من الارض اللي ورثتها واعالجه بثمنها لكن بصراحه انا خايفه ابيع الارض ويرجع يرميني تاني محتاجه نصيحه ارجوكم, Society Problems
like
Dislike
أكتوبر 04, 2024 - - كتبو Society Problems
جوزى اكتشفت انه عامل عـلاقات مع ستات متجوزين . وقدرت اسجل مكالمات ومحادثات لهم معاه وواجهته بيها . وقتها اتاسف وحايلنى كتير وجابلى هدايا . انا قلت حس بغلطه وهحاول اديلو فرصه تانيه وكان اوقات يطلب يساعدنى بالبيت واوقات تانية يصمم يعملى قهوة وجابلى قهوة بالبندق طعمها تحفه بيعملهالى بايديه . اتعودت على شربها جداا وكانت بتغيرلى مزاجى للاحسن اوى . واليوم ال مشربهاش ببقا عصبية انا شكيت بالموضوع اخدت عينه من القهوة وعطيتها لبنت اختى دكتورة تحاليل والنتيجه انه بيضيفلى ادية خاصه بالصرع ومهدئات عالية علشان يدمر لى جهازى العصبى ويشكك فى قواى العقلية والعصبية لو اتكلمت بعد كده عن علاقاته او اتعب نفسيا ووقتها يبقا ليه الحق انه يسيبنى لاهلى انا مش عارفه ابلغ الشرطة ولا ابلغ اهلى يقطعوه ولا اتطلق من سكات انا بقيت بنام صاحيه من خوفى منه ليموتنى او يشربنى حاجه غصب . عايزة راى كويس ارتاح بيه من قلقى وخوفى, Society Problems
like
Dislike
أكتوبر 04, 2024 - - كتبو Society Problems
السلام عليكم ورحمة الله وبركاته حرفيا انا هنجلط وهتفرتك بس اقرأوا للاخر انا خريجه تربية بس محبش الشغل فمش بشتغل وجوزي دكتور اسنان بس بيشتغل خارج مصر متجوزين من سنتين وشهرين وكنا مخطوبين سنه ونص يعني مع بعض من 4 سنين ولكن أسراره و كل مشاكل شغله والقرارات المصيرية في حياتنا لازم تمر علي اخواته وامه قولت تمام مش مشكله عادي دي امه واهله واتخاقننا في مرة بسسب اني مخبي دخله وراتبه عني وغضبت اسبوعين ورجعنا تاني ولكن له بنت اخته كانت ثانوية عامه السنادي ومجموعها مجبش غير صيدله حكومي وباباه قبل ما يتوفى كان امله انها تبقى طبيبه بشري ومامتها كمان اللي هي اخته لان بنتها كانت شاطره طول السنين في الدراسه وكانوا متنكدين بعد النتيجه ما ظهرت فتشاوروا مع بعض كلهم وقرروا يدخلوها طب خاص ب 160 الف سنويا واستغربت لان اهلها مستواهم المادي متوسط بس مرضتش اسال ولكن اكتشفت من اسبوع انه هو هيدفع لهم نص الفلوس كل سنه حوالي 80 الف وهيساهم معاهم في مصاريفها الشخصيه كل شهر لحد ما البنت تتخرج فلما عرفت كنت هتجنن من الغيظ اتصلت بيه وواجته انهارده فقال انتي مالك ادفع براحتي طالما عايشه مرتاحه طلباتك مجابه خلاص فروحت غضبانه عند بيت اهلي وفعلا المرة مش حابة ارجع خالص وقولت لماما قالتلي حرام عليه انتو معاكو طفل وهو بعيد عن بيته واهله عشان يصرف عليهم وعلى حاجه مش مهمه زي ديه وماما كلمته وفي اخر المكالمه قالتله حسبي الله ونعم الوكيل فيك وفي امك واختك وهو قفل السكه في وشهاده يرضيكم يا جماعه هي الواحده ازاي تحس بامان مع جوزها وهو كل حياته وفلوسه مع اهله انا عايزه تحكموا وتقولوا رايكم بصراحه انا مصممه على الطلاق لو مرجعش في موضوع بنت اخته انا عندي حق ولالأ لاني هخليه يشوف رأيكم وحكمكم ولو سمحت نزلها باقصى سرعه عشان كلنا مستنين راي الناس, Society Problems
like
Dislike
أكتوبر 04, 2024 - - كتبو Society Problems
الحمد لله ربنا رزقني بزوجة بركة ومدبرة بجيب ليها نص كيلو لبن يوميا بتعمل لينا منها شاي المغرب وتشرب منها الاولاد ونتعشي انا وهي منها فتة لبن رهيبة وتعمل لي كباية قبل النوم عشان تخفف لي الحموضة وتحط الباقي في التلاجة لشاي الصبح بعد ما تملأ منه ببرونه البيبي لانه بيصحي نص الليل جعان كدا كويس ولا ازود كمان ربع كيلو عشان يكفوا 3 ايام كمان, Society Problems
like
Dislike
أكتوبر 04, 2024 - - كتبو Society Problems
أنا مراتي رقيقة جدًا وبسكوتة خالص وأكلنا كله من بره تيك أواي، علشان بخاف على ضوافرها وأيديها من المية والغسيل والطبيخ والأكل حتى غسيل المواعين أنا اللي بغسلها علشان أيديها ناعمة ومش بتاعت الشقا والبهدلة زي باقي الزوجات المطحونات ،بس الله يسامحها ماما كنت عندها وقالت لي دي مراتك بروطة ومش بتعرف تعمل اي حاجة في البيت!، وبصراحة ماما سخنتني!، ‏جبت وانا مروح كبدة وقولت لها أعمليهالي وزعقت فيها ينقطع لساني يارب لو زعقت لها تاني ، ‏وهي بتعمل الكبدة الزيت طرطش على أيديها لسعها وعيطت واخدتها وجريت بيها على الدكتور وأنا بتقطع من جوا واداها مرهم كل ما تحطه تتألم وأنا دموعي مانشفتش وهي بتقولي مش مسمحاك جبت منين جمودية القلب دي!!، وعايزها تسامحني وأنا اسامح نفسي بس مش عارف إزاي!, Society Problems
like
Dislike
أكتوبر 04, 2024 - - كتبو Society Problems
دلوقتي جوزي في الامارات بيقولي انا هحجزلك زيارة عندي هنا تقعدي معايا شهرين بس قبل ما تيجي لازم تكوني عارفة اني قاعد في استوديو وكده فمش عارفة ايه الاستوديو ده صورهولي لقيته اوضة مفيهاش غير سرير وكنبة وشاشة صغيرة وحتة يصلي فيها وبوتجاز شعلتين بس والغسالة في الحمام وتلاجة مكتب ، قالي عشان متكونيش جاية غصب عنك شوفي نفسك الاول كده كده جايبك عشان افسحك بس اكيد وانا في الشغل مش هتنزلي منها غير لما اجي والمكان ضيق جدا والله مش بهزر ، قولت لماما قالتلي متروحيش دي قلة قيمة ويقعدك في استوديو ليه ميأجر شقة ولما تمشي يقعد فيها تاني ، بابا قالي مكان ما جوزك بيقعد اقعدي معاه وبرضه انتي حرة فمش عارفة والله اعمل ايه ؟ اروح وخلاص واستحمل ♥️ لا المكان ضيق هتبقي في خنقة 😭, Society Problems
like
Dislike
أغسطس 02, 2024 - - كتبو Society Problems
انا كنت متجوزه من ٤ سنين ونص كانت الجوازه التانيه ليا ومعايا ولد .. ويعلم ربنا انا اطلقت اول مره وكنت مظلومه ظلم محدش كان يستحمله المهم ربنا اشاء ان اتجوز تاني وقولت ده عوض ربنا ليا وابني بقي معايا بعد ماحملت وجبت ولد والاتنين هيتربو سوا من اول يوم انا ليا دخل وشغلانه خاصه وربنا فتح عليا من وسعه عشان ابني من اول يوم وانا بصرف عليه بحجه ان اي حاجه بجيبها ف البيت كانت عشان ابني.. قروض تتاخد انا اللي كنت ادفع وانا مبسوطه كفايه بقا ان ربنا عوضني بواحد قبل بيا وبي ابني وذلني ٤ سنين ونص عارف نقطه ضعفي وهي طلاق لتاني مره وكان يدوس عليها مكنتش بعمل اي حاجه مش عجباني الا عليا الطلاق لتعمليها لتتطلقي كل حاجه كانت تبقي ع الراجل انا اللي كنت شيلاها مسوليتي انا نحيته وناحيه بيته وابنه مافيش انا اللي كنت شايله كل حاجه من دكاتره للبس لدخله مواسم لكله مكنتش لاقيه كلمه شكر كل اللي بسمعه انتي بتجيبي عشان ابنك .. بتصرفي عشان ابنك كنت نفسي يقولي كتر خيرك انا مش عاوزه اكتر من كدا والله كنت هديله اكتر من اللي كنت بعمله مكنش ليا مصروف زي اي ست .. مكنش ليا حياه ان اخرج واروح معاه .. انا لو حكيت هتقولولي انتي كنتي مستحمله اازاي بس مستحمله عشان ولادي جيت ف مره كان هيطلق رجعتله اتذلله واعيط له عشان خاطر ابنك اللي مكملش سنه ويقولي مش عاوزك واتذلييت واتحطيت تحت رجله عشان ولادي وكان يزيد فيها اكتر . من غير دخول ف تفاصيل اكتر من كدا شغله وقفه وقعد منه واخر مكالمه بييني وبينه بيتخانق وبيقولي نصا ( لو مشلتيش معايا ف الصغيره قبل الكبيره انتي ماتلزمنيش) جيت تعبت من الوضع ده وجبت اهله وحكيت كل اللي عندي وكنت منهاره وصريخ وف وسط القاعده قعد والده يعتزر ومااقبلش ع بنتي اللي حصل.. تاني يوم مجرد ماراحه لمامته وحكي كلام باباه اتغير احنا عاوزين نطلق انتي واحده غير امينه مستحملتهوش وفضحت سر من اسرار بيتها وتنزل من شقتها بهدومها هي وولادها هي فضحتني وكرامتي ومنظري قدام الناس مع العلم لو انا كدابه كان انكر اي كلمه بس ده محصلش .. جيت من كتر الضغط اللي كنت فيه ف ظرف يومين جالي جلطه ونزلت من بيتي ع مستشفي وهو مجاليش ولا عتبها مع ان نازله من بيته ف نفس اليوم كلم زميل والدي عشان يطلق وانا كنت ف مستشفي بين ايادي ربنا وولادي الاتنين عياط عليا وكنت بموت مافكرش فيا ولا ف ابنه كل همه هو واهله الشقه واالدتي رااحت تاخد هدوم ليا اخدو مفتاحي وانا كنت داخله المستشفي حافيه يومين ونزلو عفشي وسابو شقتي كانت ايجار وسلموها ومااعرفش عنه حاجه لحد دلوقتي واتظلمت ظلم انا حاسه ان ف كابوس قلبي انكسرر ع ابني ونفسي و ادمرت حياتي بيت بيتخرب وبيتهد عشان اي عشان اول مره اتكلم واطلب حق من حقوقي مااعرفش انا عملت اي اوصل لكدا كل اللي عملته ان مااقولتش مش هصرف انا قولتله شاركني شيل معايا الشيله تقلت عليا اوي بقت مسوليه طفلين ونفسي وبيت وكل حاجه كانت عليا ده يبقي جزاتي دلوقتي انا بقالي ٦ شهور وسايبني زي بيت الوقف وهو عاوز يطلق واتنازل عن كله بس هيديني نفقه الولد والقايمه بس انا المفروض اعمل اي اوافق وابقي طلعت بالجوازه دي بولد وخسرت نفسي وحياتي وعمري معاه جوازه سهله كدا مقدرش السنين اللي كنت ف ظهره معاه ولا اعمل اي عشان انا بجد تايهه ادخل محاكم وماسبش حقي من حقوقي وحق ابني, Society Problems
like
Dislike
أغسطس 01, 2024 - - كتبو Society Problems
القوانين | ازاى تستخدم الموقع | احنا مين | اعلن فى الموقع | اتصل بينا | الفيد

حقوق الطبع غير محفوظه © اعمل اللى انتا عايزو