السلام عليكم ورحمة الله وبركاته
أنا كنت متجوز واحدة بتهتم بشغل البيت والعيال وابويا وأمي بس لا بتهتم بنفسها ولا بيا وعندها اهمال شديد من ناحيتي كزوج .. اتشديت لواحدة زميلتي في الشغل وارتبطنا وكنت ناوي اتجوزها ومراتي عرفت
وطلبت الطلاق وسابت البيت
وناس قالولي هترجع بعد ماتتجوز عادي لان حصلت معاهم...
بس لقيت الناشز رافعة عليا خلع وكسبتها
ومفرقش معايا واتجوزت زميلتي بردو وشوفت أجمل أيام معاها.. وروحت لطليقتي علشان ارجعها بس رفضت فقولتها نخلي النفقة ودي وأنا هصرف علي عيالي وهبعتلك كل اللي عايزاه من غير محاكم... لقيتها بتقولي لا أنت خد عيالك واصرف عليهم براحتك وخليهم معاك وعرفت انها اتخطبت لابن عمها وهتتجوزه...
دلوقتي مراتي بتقولي انها مش ملزمة لا بخدمة أهلي ولا بخدمة عيالي حتي الأكل بيستنوا لما أجي انا عشان أأكلهم ولما قولت أجيب خدامة لقيتها عايزة ٦ تلاف في الشهر والوقت مش مكفيني لخدمتهم وحتي هي لما خيرتها بين خدمتهم والطلاق اختارت الطلاق عادي وانا مقدرش اتجوز عليها لان الظروف المادية متسمحش... ابويا وامي كبار مش بيتحركوا وعيالي صغيرين ٥ سنين و ٤ سنين..
عايز حلول بعد اذنكم, Society Problems
يونيو 22, 2024
-
النهارده بس
مشكلات زوجية
- كتبو Society Problems
