أنا متجوز من مدة صغيرة أنا بقبض نص الشهر مش أوله مراتي ده كان أول مصروف البيت بالشهر اديهولها عشان تمشي البيت خدت المصروف صرفت نصه ف حاجات لنفسها لبس اونلاين معرفش غسول وايه للجسم والنص الباقي نزلت السوبر ماركت جايبه سناكس و بيبسي وشيبسهات وجبن وبرجر وناجتس وصوصات وبطاطس جاهزه واندومي والمصروف خلصته كله ومجبتش اي خضار او لحوم ولا دفعت فلوس كهربا ولا غاز ولا نت وجاية منشكحة تقولي الفلوس مكفتش ف اتخانقت معاها خناقة كبيرة وراحت لأهلها وأبوها بيقولي معلش اصل هي مامسكتش مصروف ولا تعرف البيت بيمشي ازاي انت كنت مفروض قبل ما تديها الفلوس تقولها هتعمل ايه وندفع ايه مش تسيب الدنيا وتسيبها تتصرف بدماغها وجاي تتخانق معاها انت غلطان قبلها وأخوها يقولي خلاص اللي صرفته ده انا هدفعه ومتزعقش فيها ولا تتخانق معاها وكلهم مش مغلطينها وعايزيني أنا كمان اللي أصالحها وأصلا معرفش ازاي همشي البيت وأدفع الفواتير لحد ما أقبض تاني ومش طايقها بجد دلوقتي اتصرف معاها ازاي عشان والدها صالحنا ورجعها البيت و أنا عايز اربيها طول الشهر بقي عشان تحس باللي عملته, Society Problems
مارس 30, 2024
-
النهارده بس
مشكلات زوجية
- كتبو Society Problems
