مشكلتى باختصار انى غلطت غلط كبير جدا وفوقت متاخر ونفسي ربنا يسامحنى انا مش بنام من تانيب الضمير انا ضعفت وخونت جوزى خيانه لاتغتفر انا غلطت فى حق ربنا وحق نفسي وحق ولادى وحق جوزى فيه شخص دخل حياتى بعد معاناه في حياتى الزوجيه واحساسي ديما انى محرومه ومظلومه من الاهتمام فضل ورايا سنتين لغايه موقعنى في حبه انا شوفت مشكله علي الجروب واتشجعت انى انزل مشكلتى لانها شبيه ليا انتوا هاجمتوها عشان في شهرين سلمتله نفسها تقولوا ايه عليا انا في شهر عرف يخلينى انا اروحله ومقدرش استغنى عنه وكل ماحاول ابعد يمنعنى بالحب ان احنا خلاص مينفعش حياتنا بعيد عن بعض وان هو بيتنفسنى وكلام كتير لدرجه بيخلينى كل مره اروحله وانا بكامل فرحتى بعد مبرجع للاسف بضرب نفسي بالجزمه وبندم وديما اساله انا ايه في نظرك يقولي انتى احسن واحده في الدنيا وانا متاكده انه شايفنى رخيصه احنا بقالنا سنين مع بعض لكن نشات بينا العلاقات من خلال شهر وياريت لومره واحده ده كتير جدا انا ندمانه وبقالي يومين مش باكل ولا اشرب بعيط وبس مش عارفه انام مش عارفه حتى اكلمه ولا ليا نفس اكلمه وهو بيحاول بيحاول كتير يوصلي انا خايفه انه بعد ميفقد الامل فيا يهددنى او يبتزنى عشان ارجع اروحله هو ماجر شقه غير شقه الزوجيه كنا بنتقابل فيها بس هو كل يوم بياكدلي انه بيحبنى وبيخاف عليا ومستحيل ياذينى وهو علي فكره بيخاف علي شكله العام جدا لان هو ذات مركز كبير ومرموق وليه كلمه فى مكانه وبيخاف علي صورته قدام اولاده انا مش فارق معايا يعمل ايه انا خايفه ان ربنا يقلب حياتى جحيم بسبب ذنبي ده عرفونى ايه يكفر ذنبي انا كرهت نفسي ومش طايقه ابص في وشي في المرايه انا غلطت ونفسي ربنا يسامحنى ويطهرنى من اللى عملته وبقول لكل راجل اتقي الله فى زوجتك وبلاش تخليها تدور على الاهتمام بره علي فكره انا بشتغل وبصرف علي نفسي ومعايا فلوس كتيره وزوجى مركزه مرموق وغنى برضو لكن معيشنى سنين اشحت منه الكلمه واحاول اغيره لكن بيدينى قصاد اهتمامى بيه تجاهل رغم انه بيقولي انه بيحبنى لكن عيبه انه شايف طالما هو مش مقصر في العلاقه يبقا خلاص كده اسكت انا ضعفت والشيطان غلبنى وندمانه وقررت اعيش لولادى وبس بس ادعولي هذا الشخص يبعد عنى لانه بيقولي مش هيبعدنا عن بعض غير الموت حتى الموت هنموت مع بعض انا عملتله بلوك من كل مكان بس خايفه يجيلي البيت اعمل ايه , Society Problems
فبراير 26, 2024
-
النهارده بس
مشكلات زوجية
- كتبو Society Problems
