كنت خاطب واحده من 8 سنين وملبس شبكه ومحدد معاد الكتاب سنه من تاريخ الشبكه مر علي خطوبتنا 6 شهور كنت بروح عندهم كل جمعه امي اللي شارت عليا بيها بس حبيتها بجد لدرجه اني كنت بخاف المس ايدها متهيألي انها بلور هيتوسخ او يتكسر في ايدي ومرت الايام ورايح هناك كالعاده يوم جمعه لقيت الناس كلها بتبص عليا كاني عامل حاجه علي نفسي بدأت اشك في كدا المهم وصلت بيت خطيبتي لقيت عندهم نور ودى جي عرفت انها بتلبس شبكه علي واحد تاني بدون م يبعتو شبكتي او يقولو كل شئ نصيب مكلمتش جالي شبه خرس ولفت وشي ورجعت لمحت في عيون الناس شفقه وناس شمتانه دموعي اتحجرت في عنيا مبقتش شايف حاجه معرفش وصلت بيتنا ازاي رغم اني سايق عربيه بعد الحاح من امي حكيت لها اللي حصل بس تعبت واكتأبت واتحبست في قوضتي امي نامت زعلانه علشاني جالها جلطه جرينا بيها علي الدكاتره والمستشفيات شهرين وماتت
مليش في الدنيا غيرها اخواتي كلهم متجوزين ولهم بيوتهم 2 في القاهره و2 قريبين من بيتنا مرعلي وفاة امي 8 سنين محاولتش ادخل بيت حد ولا احب حد مش عارف دى عقدة نفسيه ولا مرض مع العلم اني فضلت اتعالج سنه من اكتئاب بعد وفاة امي بمارس حياتي عادى جدا وموظف بشركة ادويه
معرفش انا اتعودت ع الوحده ولا محتاج علاج تاني مع العلم ان عمري حاليا 33 سنه, Society Problems
فبراير 23, 2024
-
النهارده بس
مشاكل الخطوبه
- كتبو Society Problems
