انا كنت مخطوبه في وقت لما طلع اشاعه ال30 الف بتاع صندوق الدوله وكان فاضل علي فرحي شهر ونص وخطيبي فضل بتحايل علي بابا عشان يكتب الكتاب ويقوله اقف جمبي انا جمعت وجهزت نفسي بالعافيه وانا ولدي متوفي ومحدش هيساعدني لو فعلا القرار اتنفذ وهو صعب علي بابا وبابا وافق تاني يوم بالضبط بعد كتب الكتاب اتصل بيا قالي انزلي هنتمشي قولتله بابا قالي متنزليش من غير اذني فهو اتعصب وقالي ازاي انتي مراتي وفضل يزعق وراح لبابا قدام الجامع مستنيه قولتله ادخل صلي معاه ولما يطلع اتكلم معاه في الموضوع قالي لا واقفلي وهو استني بابا برا لحد ما خلص صلاه وبعدين بيقوله انت بتقولها ماتنزلش معايا ليه دي مراتي وتكلم باسلوب وحش مع بابا واتصل بأختي وقالها انا مش هخلي ابوكي يشوفها تاني وقال لو خالي عرف هيقلب الدنيا وقالي انا ممكن اطلع اخدك بالعافيه دلوقتي ومحدش يقدر يعمل حاجه واتغير 180 درجه وقال انا هروح الغي القاعه ومفيش فرح بابا لما عرف عمل حاجه انا استغربتها منه قرر انه ينهي عقد الجواز وطلقني وقال انا وقفت جنبك وانت في الاخر بتقولي مش هخليك تشوف بنتي وبابا طلقني وقالي اتنازلي عن كل حاجه والدهب سبته له كل حاجه بنيه ان ربنا يعوضني خير انا نفسيتي تعبت ومش عارفه هل الناس هتبصلي بنظره اني واحده مطلقه ولازم اخد واحد مطلق زيي انا لسه صغيره علي اللقب دا انا عندي21 سنه واتجوزت علي الورق بس, Society Problems
فبراير 11, 2024
-
النهارده بس
مشاكل الخطوبه
- كتبو Society Problems
