عزمنا اختي و جوزها عندنا عالغدا بعد ما رجعوا من شهر العسل
دخلوا حاطط ايده على كتفها و بيسلموا علينا و هما لازقين في بعض ..
عالسفرة مفيش حد قاعد معاهم هي تأكله و هو يأكلها و يوشوشو بعض في ودنهم و يضحكوا احنا كنا هوا
دخلت معاه الحمام و هو بيغسل ايده عشان تغسل معاه و ضحك و مرقعه و هما جوا
بنشرب الشاي بعد الغدا ف اتلسعت عشان سخن ف خدها قعدها على رجله و قعد يبوس في ايدها و ينفخلها مكان اللسعه اللي هي من كوباية الشاي مش من فرن و لا حاجة
و هو قاعد جت من وراه غمت عينه و هو بيسال مين راحت باسته على خده ف قالها حبيبتي اكيد عارفها
دخلت تجيب حاجة من المطبخ جوزها قالي ربنا يرزقك بحضن ينسيكي الدنيا زي ما حضن اختك منسيني اسمي ..
بجيبلها بيبسي عشان طول عمرها بتحبه و بتشربه بدل المية قالت لي لا لا خلاص بطلته عشان حبيبي قالي مضر و هيزعل مني لو شربته تاني
خدتها على جنب و قلت لها تخف محن شوية مش كده قدام اخواتك و ماما .. قالت لي بطلي نفسنة بكرا لما تتجوزي مش هنقدر نبعدك عن حضنه و كل المتجوزين بيعملوا كده اظهار المشاعر مش حاجة عيب عشان نخبيها .. قلت لها ربنا يسعدكم
السؤال بقا .. هل كل اللي حكيته ده كل المتجوزين جديد او قديم بيعملوه قدام اهاليهم عادي ؟ و لا انا اللي منفسنة و محرومة و بطلع احقادي على اختي و لا ايه مش فاهمة, Society Problems
فبراير 09, 2024
-
النهارده بس
مشاكل عائليه
- كتبو Society Problems
