انا زهقت من جوزي عليه حركات تخلي الواحد يتجنن أنا بطبعي بحب النوم في الشتا وهو من النوع البيتوتي بالاخص في الشتا وعايزني اسهر معاه وأنا عشان بصحى بدري بنام بدري بيقعد يصحى فيا مش برضى اصحى الاقيه قايم مشغل الصب وعليه اغاني ويلم العيال ويقعد يرقص لحد ما اصحى وكمان عايزني ارقص معاهم ولما ارفض يزعل وكل ما يجي يلاقيني نايمه يجيب طبق مليان جزر ويقعد يقرقش جانب ودني زى القرد وهو عارف اني بضايق من الحركه دي يجيب خس المهم اي حاجه تعمل صوت جانبي عشان منامش يعني اقربها امبارح كنت نايمه صحيت لقيته مشغل جهاز الانذار بقوله فيه ايه وأنا واقفه فوق السرير مخضوضه لقيته بيقولي ده صوت انذار قلبي اللي صحاكي غير مواقف كتير والله بيعملها معايا يعني ابنى جايب صوفيره زى صوت الكروان كده قومت برضو لقيته بيصفر بيها في قلب الاوضه انا قربت افقد عقلي احنا مش صغيريين وكنت بقول بكره يعقل احنا عندنا عيال في ثانوي يعني معتش ينفع اللي بيعمله ده هو بره البيت راجل عاقل ومتزن لكن مش عارفه ليه بيتحول جوه البيت لما جيت اشتكى لامه قالتلي معلش احنا جوزناه صغير عشان كده بيحاول يعيش مع ولاده هو اتجوز 19سنه وانا كنت 17 هو عنده 37سنه تفتكروا هيعقل امته أو اتصرف معاه ازاى حقيقي
زهقت مش راضي يعقل, Society Problems
يناير 09, 2024
-
النهارده بس
مشكلات زوجية
- كتبو Society Problems
