انا خريجة كلية علوم و جوزي خريج كلية زراعة و متجوزة بقالي سنة ، كل ما يشوفني يقول لي انا كنت استاهل احلى دكتورة و احلى ملكة جمال و مرة تانية قال لي انا استاهل واحدة في جمال جورجينا و مرة كنت لابسة و عاملة ميكب و قال لي مالوش لزوم تحطي ميكب انا مبشوفكيش اصلا حاجة تانية : انا لوني ابيض و شعري طويل هو كل شوية يقول لي الله على البرونزاج الهوانم بس شعرهم بيكون قصير اما الشعر الطويل بتاع
الفلاحين و الرقاصات النهاردة بقى اتخنقت و قلت له انت تستاهل جورجينا ازاي هي جورجينا هتبص لك بكرشك المترين قدام دا و لا بالصلعة بتاعتك و لا الترهلات اللي في دراعك بدل ما يكون فيها عضلات طب نزل الكرش الاول و بعدين اتكلم او اغسل سنانك الصفرا دي
تتجوز دكتورة ليه هو انت دكتور ثم اني اعلى منك درجة علمية و مادية و مرتبي ضعف مرتبك و بصرف في البيت انا اخواتي الاربعة دكاترة و انت اعلى حد في اخواتك معهد فني صحي !! شعري الطويل احلى بكتير من
صلعتك و احسن من شعر اخواتك سلك المواعين راح قام عشان يضربني و مسك شعري رحت
ضرباه بالبوكس في وشه مع العلم اخواته بيتدخلوا في كل تفاصيل حياتي و عاوزين ياخدوا مفتاح شقتي و راحوا قبل كدا المعمل يسألوا انا باخد مرتب اد ايه و انا باكبر دماغي بس النهاردة كان لازم اخد موقف عشان تعبت من قلة التقدير و الانتقادات و هو اصلا وش البرص انا كدا غلطانة ؟, Society Problems
ديسمبر 12, 2023
-
النهارده بس
مشكلات زوجية
- كتبو Society Problems
