يا ريت تنزليها عشان المشكلة تعباني نفسيا بجد بجد حتي لو مش مستعجلة بالنسبالك
مشكلتي مع اخويا دكتور وصل ٣٨ سنة و مش راضي يتجوز دماغه لسة عايشة في القرن ال٢٠ مبدأه في الحياة يا اعمل الحاجة مظبوطة زي ما في دماغي يا ما اعملهاش خالص أحسن . اخويا لو هيروح يحلق بيروح مكان بيدفع فيه ١٥٠ جنيه لما بيسافر يتفسح مع صحابه اخر ٩ سنين سافر دبلن و تورنتو و روما و سنغافورة و السنة الجاية مرتب علي سفر لإسبانيا . حياته و صحابه كلها كدا لما يشتري لبس لازم ماركة لو عربية لازم مواصفات معينة لو ملقاش كل المواصفات اللي عايزها ميشتريش خالص ، راح مدرسة طبخ عشان يتعلم يطبخ لنفسه صح و ميشتريش أكل جاهز .
البيه بقي في الجواز عايز واحدة تصحي قبله تحضر له الفطار و يرجع من الشغل يلاقيها مستنياه و محضراله الغدا و مجهزاله الحمام و رافض مبدأ ان مراته تشتغل بعد الجواز و عايزها تقعد في البيت تهتم بالعيال و عايز بيته علطول نضيف و مترتب و متنظم
ريلي لسة عايش في القرن ال٢٠ و مش فاهم أنه الدنيا اتطورت و مفيش خلاص الكلام دا فطار و غدا ايه اللي تحضرهم و تنضيف و تربية عيال ايه بس في القرن ال٢١ احنا عندنا كاريرنا و طموحاتنا و اهدافنا مفيش بنت بتعمل الحاجات دي مش فاضيين و هو دماغه ناشفة و بيقول يا أعيش الحياة اللي متخيلها يا قلته احسن و طبعا كل ما يتقدم لبنت و تيجي سيرة شغلها اللي هو رافضه الموضوع يتفشىىكل قولتله بدل المرة الف مفيش بنت هترضي باللي في دماغك و هو مش فارق معاه يتجوز او لأ و صحابه نفس دماغه لحد ما كلهم عنسىو و داخلين علي ال٤٠ من غير جواز
هو علي الصفحة يا ريت تعقلوه و تفهموه انه اللي بيطلبه مستحيل و مش هيلاقيه احنا لينا طموحاتنا و اهدافنا معندناش وقت نقعد نربي في العيال و نطبخ و نغسل و ننضف الحاجات خلاص انقىرضت و هو مش فاهم, Society Problems
نوفمبر 21, 2023
-
النهارده بس
مشاكل عائليه
- كتبو Society Problems
