انا متجوزه بقالي ٨ شهور وعايشه في السعوديه مع جوزي بعيد عن اهله وجوزي محترم جددا ومتدين وبيصلي غير اهله خااالص عنده اهله بجد حسبي الله ونعم الوكيل فيهم وعلي طول عايزين ينكدوا علينا وهما بعيد عننا لدرجه اللي انا قررت هنزل استقر في مصر لما امه تموت من الشر اللي هي فيه بعد جوازنا طلعنا عمره وهو عليه ديون ومصاريف بس كنا عايزين نبداء حياتنا ب عمره ده كان حلم حياتنا المفروض الواحد بيقول النصيحه اخدنا بيها اخدنا مخدناش حاجه ترجعلنا هي مش هتمشي حياتنا وبيتنا انا مسؤله من راجل المهم قالتله متطلعش والديون والمصاريف والعمره من عندنا رخيصه مش غاليه المهم قالت لجوزي برحتك ولما عرفت اننا طلعنا عملتلنا بلوك علي الفيس الحمدلله رجعت من العمره ربنا كرمني وحملت وكنت بتصل عليها عشان افرحها مردتش عليا ومكنتش اعرف الحوار اللي دار بينها وبين جوزي غير لما اتصلت بيها كتييير ومردتش عليا واكتشفت بعدها انها عملتلنا بلوك علي الفيس ولما سالت جوزي حكالي اللي حصل كبرت دماغي ورجعت كلمته وانا كلمتها عادي عشان جوزي وقولتله اهلك لما هكلمهم هيكون الكلام قدامك ومن عندك عشان ميحطونيش في حوارات معاهم ولما يتعاركوا معاه ينزلوا بوستات يلقحوا عليا ويكتبوا مرات اخويا ويشتموني من غير اي سبب حماتي من وقت الخطوبه متصلتش عليا ولا مره حتي في حملي مش بتتصل تسال عليا عمري ما شوفت مكالمه ليها عندي المهم جوز بنتها سافر من قريب وكان عايز يحول فلوس ل مراته زوجي عشان الحساب البنكي بتاعه في مشكله بعت لجوز اخته الحساب بتاعي وقالي حول عليه جوز اخته قاله انا عايز احول الفلوس بالدولار وكانت مامته بتتناقش مع جوزي في مكالمه هي وبنتها علي تحويل الفلوس بالمصري احسن ولا بالدولار وجوزي قالها لو كده نحول بالمصري احسن عشان الرسوم علي حساب البنك بتاعي في مصر وحد من اهلي يبعت الفلوس ل اهله واخته قالتله لا لو كده حول بالدولار المهم بعدها كلم مامته قالها خلاص يا ماما لو كده هحول بالدولار زي جوز اختي ما عايز وطلب مني هي قالتله برحتك وقفلت السكه في وشه اليوم ده انا كنت مراوحه من الشغل لقيتها بتتصل بيا الصراحه بيني وبين نفسي فرحت اووووي عشان كانت اول مره ترن عليا وبرد بكل حب وفرحه وبقولها اي ماما ياحبيبتي عامله اي قالتلي باسلوب شرشحه كده بقولك اي اسالي امك كده اللي امه تغضب عليه لا بيكسب ولا بيربح حسبي الله ونعم الوكيل فيه وقفلت السكه في وشي المهم اتصلت عليها مرتين وانا عارفه ان هي مش هترد بس قولت عيب بردو اتصل عليها اعمل اللي عليا وخلاص وبعدها عرفت ان هي كانت تقصدني انا بالمكالمه ان جوزي سمع كلامي وانا اللي قولتله حول الفلوس بالدولار بلاش بالمصري علي الحساب بتاعي وانا اصلا ولا فارق معايا مصري ولا دولار التحويل واحد والكلام ده من قبل العيد بشهرين وبعدها خرجنا انا وهو نزلت ستوري واخته شافته امه عملتلنا بلوكات تاني جوز اخته كلمه وقالي يعني في مشكله بينك وبين مامتك وانت عايش حياتك وخارج مع مراتك ومش همك قولتله هي فين المشكله هي علي طول عايزه تعكنن علينا حياتنا المفروض ان هو يعكنن علي بيته ومراته واخته نزلت ستوريهات كتييير اخر قله ادب وتلقيح وانا مكنتش برد عشان جوزي وكانت منزله ستوري مكتوب عليه مراه اخويا وحرفي ومفيش غيره هو اللي متجوز في اخواته الولاد يعني تقصدني قولتله بعد اذنك تجيبلي حقي هما كده بيغلطوا فيك قبل ما يغلطوا فيا قالوا وهي تاخد الكلام علي نفسها ليه مع ان مكتوب مراه اخويا وحرفي في الستوري جيت الصراحه رديت عليهم باستوريهات تحرق الدم بكل ادب وهو بعت لاخته رساله هزقها فيها وعملها بلوك من عنده ومن عندي جوز اخته كلمه قاله انا لو اختي ومراتي ترد عليها انا اطلقها وقتي وكانوا بيسخنوا عليا جدددا وكل ده وانا بعيد عنهم وكلهم قطعوا ومامته مفكره اللي انا واخده اللي وراه واللي قدامه وانا اصلا شغاله وجوزي قاعد من الشغل بقاله فتره وكل ده بيدور علي شغل وانا بدفع ايجار الشقه والكهربا والاكل والمياه وشايله البيت وشايله جوزي الحمدلله لحد ما ربنا يفرجها عليه وكان عايز يأجر عربيه يشتغل عليها كان معايا غويشتين روحت بعتهم عشان يأجر العربيه يشتغل بيها ونسدد فلوس من اللي علينا انا بجد نفسيتي تعبانه ومش عارفه اتعامل معاهم ازاي حتي كتابه الطفل عايزه هي تكتبه علي اسم جوزها وبتقولنا انتم نادوا عليه زي ما انتم عايزين انا اللي هسميه وكلها كام شهر وهنزل اولد واكتب انا الولد باذن الله بنفسي حتي جوزي صعبان عليا اووووي من قبل العيد وهو بيبعتلها علي الواتس يا ماما ردي عليا عايز اعيييد عليكي انا ابنك وفي غربه كلميني وهي تشوف الرسايل ومتردش المهم هو كلم مامته من قريب وعايز يصلح بينا وبيقولي ماما عايزه تكلمنا وبتسأل عليكي قولتله لما تكلمها واسمعها بتقولك مراتك فين او عامله اي او عايزه اكلمها انا هكلمها علي طول وهنسي الظلم اللي شوفته من امك وانا معملتش حاجه قالي تمام المهم كلم مامته فيديو وانا سمعاها طول المكالمه بتقوله عامل اي واخبارك اي والدنيا معاك اي مقالتلوش حتي بالكدب عاملين اي هو كان متضايق انها مسالتش عليا المهم قفل معاها كلم اخوه قاله انا اتكلمت في الموضوع ده كتييير بس امك شايفه انك بتحب مراتك وهي اخدت الحب بتاعها جوزي قاله بلاش انانيه ربنا مش بيرضي بالظلم بنت الناس واقفه جانبي وفي ضهري واللي بيكلمنا من قرايبها اصغر حد ل اكبر حد بيسأل عليا قبل ما يسال عليها وهي معملتش حاجه وساكته ومستحمله اللي بيحصل عشاني وحامل الصراحه معجبهوش اللي حصل ويوم مكالمه مامته ليا لما قفلت السكه في وشي وشرشحت اليوم ده هي عرفت اللي انا بعت غويشتين بتوعي عشان اقف جانبه ومن يومها وهي مش طيقاني دلوقتي انا نازله مصر باذن الله عشان اولد ومامته عارفه ان هولد في شهر ١٠ المهم مامته لما كلمته قالتله انا هعمل عمليه فتق شهر ١٠ حددت الميعاد ده عشان الحر وهي قاصده تحدد وقت ما اولد عشان فرحه ابنها متكنش كامله وتعكنن علينا بجد حسبي الله ونعم الوكيل فيها علي الوجع والكسره اللي في قلبي منها انا مش عارفه اتعامل معاهم ازاي انا نفسيا تعبت بجد مكنتش اتمني حياتي مع اهل جوزي كده خالص ولما كنت اسمع عن مشاكل الحموات مكنتش بصدق كنت اتمني ان يكونوا اهل ليا ويكون في بينا كل احترام ومحبه, Society Problems
أغسطس 20, 2023
-
النهارده بس
مشاكل عائليه
- كتبو Society Problems
