عايزة اسال سؤال المفروض أن كل واحد بياخد ال ٢٤ قيراط بتوعه ف الدنيا ..طب انا مطلقه ٣٢ سنه بسبب أن جوزى مكانش بيخلف وكل اللى اتقدمولى بعد الطلاق اسوء من بعض ..وانا كشكل قصيره وتخينه وقمحيه بس مقبوله وروحى حلوة بشتغل مدرسه ..مرات اخويا دكتوره بشريه معاها ولدين مع انها لسه متجوزه من ٣ سنين بس وبيضه وطويله وجميله ولا يبان عليها انها متجوزه اصلا .بتعمل رياضه دايما وبعد مكانت متجوزه ومبتعرفش اى حاجه اتعلمت وبقت أستاذة طبخ وبتعمل كل اكل المطاعم فى البيت وذكيه جدا بتعرف الكلام اللى اخويا هيقوله من قبل ميتكلم ومخها آله حاسبه شاطره فى كل المواد حتى الماده اللى انا يدرسها فى المدرسه اشطر منى فيها ومهتمه بنفسها وبشرتها جدا وشها بينور فى الضلمه وبتستغل اى حاجه فى شقتها وتعمل منها تحف ..شقتها زى المتحف ولا كإن فيها اطفال بـيبهدلوا كل حاجه ..وبتعيش بأى حاجه عمرها مطلبت من اخويا حاجه ..ونضيفه وشاطره ..ودلوعه ورومانسيه أخويا عصبى جدا عمرها مبترد عليه ومحدش يعرف عنهم اى حاجه مع انها عايشه معانا ف نفس البيت ...حتى الخياطه بتخيط لأولادها لبس تحفه من غير متتعلم .هى لوحدها كده ...واخويا بيعشقها ودائما يشكر فيها ومش حارمها من اى حاجه .انا بغير منها جدا وبحسدها على عيشتها وكل أما احسدها لازم يحصل مشكله بينها وبين اخويا ...وهى كمان مبتحبش تنزل عندنا كتير ومبتحبش تتعامل معانا علشان حاسه أننا بنكرهها وبتلقح عليها بالكلام علشان الجهاز العره اللى أهلها جابوهولها مع أن انا كنت جايبه جهاز احسن منها واتطلقت ..عايزة افهم ليه واحده زى دى فقيره تعيش العيشه دى وواحده زييى أهلى كانوا جايبينلى احسن جهاز فى الاخر أطلق ..واتحرم من الخلفه, Society Problems
أغسطس 19, 2023
-
النهارده بس
مشاكل عائليه
- كتبو Society Problems
