فوجئت بزوجتي من اسبوعين بتقولي بعد جواز ۲۰ سنه وخلفه ۳ اولاد انها غلطت مع صاحب الشغل اللي كانت بتشتغل عنده قبل الزواج وعملت عملية ترقيع للبكاره في الفترة اللي اتقدمتلها فيها قولتلها طيب ليه قولتي دلوقتي ومقولتيش ساعتها ، قالتلي عشان أبرأ ذمتي قدام ربنا قبل ما أموت وانت ليك تحاسبني بعد الجواز بس وشهادة لله ماشوفتش عليها حاجه بعد الزواج والحمد لله مربیه اولاد تربية كويسه اكبرهم في الاعدادي وعلطول بتصلي وتقيم الليل وتقرأ القرآن ، بس طبعا الموضوع ضايقني جدا ونفسيتي تعبت من ساعتها وكدر عليا حياتي وعلى طول سرحان ومهموم ، حاولت اعرف تفاصيل ازاي ده حصل قالتلي انها كانت خام خالص ومتعرفش اي حاجه في اي حاجه على الرغم من حصولها على مؤهل عالي قولتلها طيب امك مكانش فيه تنبيه من ناحيتها او اي تنبيه من اختك الكبيرة ، يعني تخلي بالك وكده زي ما الامهات بينصحوا بناتهم قالتلي امي تعليمها على قدها وعمرها ما فتحت معايا الامور دي دلوقتي انا مش عارف اعمل ايه انصحوني هل اواصل معاها عشان خاطر الاولاد بس ازاي هاتكون العلاقة بيني وبينها ولا اطلقها؟ ارجو النصيحة بما يرضي الله, Society Problems
أغسطس 12, 2023
-
النهارده بس
مشكلات زوجية
- كتبو Society Problems
