انا متجوزه ومش بقالي كتير عايشه في بيت عيله انا في الدور التالت وحماتي في الدور الي تحتي تمام واخو جوزي مسافر ومتجوز برا لحد كدا حلو حماتي باه ست كفيفه مش بتشوف علي عيني وعلي راسي ساعات لما بعمل اكل بنزلها طبق وكدا بفتكرها يعني مش بعمل زي باقي الستات المتجوزه ودا حقي اني اقعد في شقتي ومليش دعوه بيها وهو يجيب واحده تطبخ ليها هو ابنها متكرم بينزل يساعدها وكدا هو حر هي امو انا متجوزاه هو وهي مش ملزومه مني بس لما بعمل اكل ساعات بنزلها طبق واطلع شقتي تاني بقول لوجه الله المهم باه والي منغص عليا عيشتي انه الاستاذ بيطلعها تبات عندنا بليل معرفش ليه كأن عفـ ـ ـريت مثلا هياكلها ماهي قاعده طول النهار لوحدها مش فاهمه هيجرالها ايه وانا كدا هي مأيده حريتي بصراحه حاسه روح ثالثه معايا في شقتي بتختق وهي ايوا مش بتشوف بس بتسمع يعني حتي احتراما للواحده في اوضتها مش بعرف اخد حريتي ياجماعه يعني هتاخدي بالك من الاصوات هي مقيداني بجد ولما بتصحا الصبح بتقوم بدري ٥ الصبح تقوم تسند وتعمل اصوات وتفتح باب الشقه وتنزل وطبعا بتقلقني من عز نومي انا نومي خفيف اوي مش عارفا اعمل ايه ومكنتش متخيله الوضع هيكون بالشكل دا لما اتجوز وهو مكتبش كدا في القايمه اعمل ايه هو طبعا انا لمحتلو بيشوفني بنفخ وكدا بس مش عارفا وصول الي عاوزا اقولو ولا موصلوش واوصلو دا ازاي بطريقه كويسه لو سمحتم ؟, Society Problems
يوليو 21, 2023
-
النهارده بس
مشكلات زوجية
- كتبو Society Problems
