انا مكتوب كتابي والفرح كمان خمس شهور امبارح كنت بشتري حاجات من السوق وهو اتصل قالي انتي فين قولتله بعدها لقيته اتصل اتنرفز عليا اني نزلت مع اني قولتله قبل ما انزل لأنه كان قايلي ماتنزليش من البيت لمدة أسبوع عشان الفترة اللي فاتت كان اخويا بيجيب العفش بتاعه وكنت بنزل كل يوم تقريبا بس البيت كان محتاج اكل فنزلت واخويا اللي قالي انزلي جيبي اصلا المهم قالي انا مستنيكي فب مكان كده قريب من السوق سيبي اللي في ايدك وتعالي فكنت بجيب حاجة وخلاص بوزنها قولتله حاضر هوزن وأجيلك قالي لا واتنرفز هى كلمة واحدة في لحظة ألاقيكي قدامب ولو جيبتي الحاجة دي هرميهالك في الشارع قولتله ليه يعني أنا بقالي فترة واقفة أنقيها حرام وقولت للراجل اوزن لو سمحت لقيته بيغلط فيا بالأم والأب وشتىيمة آخر قلة أدب ف قفلت فى وشه السكة وقفلت الفون واخدتها وقولت هكمل الشرا ولما أروح هحكي لأخويا ببص ورايا لقيته جاي عليا متنرفز وبيقولي يلا يا بنت كذا بعلو صوته وراح آخد من ايدي الطماطم قالي اهي اللي كسرتي كلام جوزك عشانها وراح رماها ع الارض كلها والسوق كله اتفرج عليا والناس قعدت تقوله عيب يابني ايه قلة الادب دي راح شدني من الفستان قدامهم وانا حرفيا مصدومة مانطقتش نهائي ودلوقتي انا عايزه افركش الموضوع وأتطلق وأخويا رافض وبيقولي لا وازاي تنفصلي من قبل ما تتجوزى ومش هينفع مع العلم أن بابا وماما متوفين ياريت رأيكم من غير تجريح, Society Problems
يوليو 19, 2023
-
النهارده بس
مشاكل الخطوبه
- كتبو Society Problems
