انا متجوز و دي تاني جوازة ليا عندي ٣٨ سنة وسبب طلاقي لزوجتي الأولى انها
مقدرتش تستحمل امي لاني عايش معاها في شقتها لاني الوحيد وامي مريضه وقعيده
مش بتتحرك وخلقها ضاق جدا من المرض وبقت صعبه جدا
فطليقتي مستحملتش وكانت عاوزاني اجيب شقة بره واسيب امي واجيبلها حد يخدمها
طبعا انا رفضت ومره رجعت من شغلي لقيتتها سابت البيت وحصل مشاكل وهي صممت
على الطلاق او اجيبلها شفة بره المهم طلقتها واخدت ولادي معاها
ودلوقتي اتجوزت بنت عندها ٢٢ سنه روحت جبتها من الصعيد علشان تستحمل امي
لان امي صعبه فوق الوصف بس الحمد لله امي حبتها وزوجتي بتحبها وبتخدمها بحب
وكل الأمور تمام
المشكلة ان اختي جت غضبانه من جوزها ومعاه طفل عنده ٧ شهور واختي متدلعة
شوية وجوزها غلبان معاها ومصممة انها مترجعش ليه وبتعامل زوجتي زي الخدامه
بالظبط دايما سايبه لها ابنها الصغير تشيله وزوجتي طول النهار تطبخ وتنضف
وتراعي امي وحرفيا زوجتي اللي شايله كل حاجه بما فيهم كمان الطفل الصغير
ومشتكتش
ودلوقتي حصل بينهم مشكلة علشان الطفل كان دخل في رجله حاجه واتعىور ورجىله
بقت كلها دم واختي مكنتش موجوده لانها بتسيب الولد وتخرج ورجعت لقت كده
قعدت تشىتم فيها وزقتها وقعتها على الأرض وهي حامل كمان
وانا كنت في شغلي رجعت لقيتها بتقولي دي تمشي من هنا وتوديها لبلدها
ومتقعدش في شقة بابا وانت وانا نخدم امنا لو على الخدمه والموضوع ده بقاله ٣
ايام وهي مصممة تمشيها وروحت لجوزها علشان يرجعها مش موافق والبيت دلوقتي
اصبح لا يطاق وانا بروح شغلي وقت طويل وخايف تعمل حاجه تاني معاها ومش
مستريح كده ومش عاوزه ترجع لجوزها وبيتها ومحدش عارف هي عاوزه ايه
ارجو النصحيه اتعامل ازاي في البيت ده, Society Problems
يوليو 19, 2023
-
النهارده بس
مشكلات زوجية
- كتبو Society Problems
