واحدة صاحبتي دفعتى مهندسة مدنى هتتخطب لمهندس ميكانيكا كان خاطب قبل كده شهر واحد بس وعندها فضول رهيب تشوف البنت دي كان شكلها إيه بيكوز جيرلز طبعا قولتلها بااااصيلي الأكونت بتاعه وإن شاء الله ربنا يكرم كده ونعرف، قالتلي عصرت الأكونت عنده خلال الشهر ده ولا الهوا قولتلها بس هاتيه،عملت كوباية نسكافيه وفتحته جبت كل بوستاته خلال الشهر ده تعليقات ولايكات مفيش اي حاجة، بالصدفة لاقيت تعليق من أخته عنده وعرفت انها اخته من الإسم يعني مش محتاجة ذكاء، دخلت عند أخته جبت بوستاتها في خلال نفس الشهر منهم بوست معمول عليه لايكات خمسة منهم ريأكت لاف وكام بوست كده، فيه منهم بنت متكررة في ٦ بوستات ريأكت لاف، شكيت فيها الصراحة علشان عارفة جو أول الخطوبة ده ولازم نبان كيوت وبنحب اخواااااته البنات، فضلت أسقط الاختيارات لحد ما الدايرة قفلت على البنت دي، فتحت عندها لاقيت الأكونت صحرا ومفيش بوستات وآخر حاجة عندها بابلك من ٢٠١٩🙄🌚 ميأستش وكملت وقولت بإذن الله هوصل، فتحت صورة عندها قديمة لاقيت تعليق من حد وهي ردت عليه ففهمت إنه باباها *الحمدلله فيه أمل أهو ولسه معانا أبوها*😂، فتحت عنده لاقيته كل يوم بينزل بتاع ٥٨ بوست من صفحات ثقف نفسك وعذب الكلام🙄😂 طب كده هسكرول عنده لحد سنة ٢٠٢٣🐸 المهم ميأستش وفضلت أسكرول عنده بتاع ٢ جيجا استهلاك كده! وأقسم بالله مكنتش مصدقة عنيا أنا لاقيت لايف الخطوبة عنده بتاع ٣٨ دقيقة بقى والعيلة كلها واخوااااته ومامته وهي وكمان مرة هي والدبل والشبكة والجاتوه والبلالين 😂😂😂😂😂😂 فالحمدلله تعبي ربنا مضيعوش هدر وكرمني آخر كرم، رجعت لصاحبتي باللايف قالتلي انا كنت طمعانة في صورتها تجبيلي الخطوبة 3D 😂😂😂😂 *خافوا مننا بجد*😂😂💪💪, Society Problems
يوليو 01, 2023
-
النهارده بس
مشاكل الخطوبه
- كتبو Society Problems
