محتاجه نصيحه لاني مش عارفه اعمل اي هو زميلي ف الكليه عارفاه بقالي ٨ شهور ومعجبين ببعض وانا خلال الفتره ديه شوفته شاب محترم وطيب وابن ناس كويسين وعريس حلو لأي بنت امبارح اتحايل عليا ننزل نتمشي سوا شويه وناكل ايس كريم ووافقت نزلنا وبنتمشي عادي بنتكلم ونضحك وكنت مبسوطه اوي وبعدين كان في شارع فاضي قالي تعالي كدا ثانيه وراح داخل ف الشارع دا واداني تليفونو وقالي استني هنا متتحركيش ثانيه واحده وسابني ودخل بيت كدا اربع ادوار وانا واقفه مش فاهمه حاجه شويه ونزل وجالي قالي بوصي هتطلعي علطول ومتبوصيش وراكي قولتله اطلع فين ؟ قالي فوق يلا في دور فاضي خالص ومفيش حد قولتله يعني اي فاضي مش فاهمه قالي انا بحبك اوي ونفسي احضنك هحضنك وننزل علطول يلا انا واقفه مصدومه قولتله انت عامل فيا مقلب صح هو انت بجد طلعت تأمن زي الحراميه وعايز تاخدني مكان فاضي ! وشتمته وقولتله انت زباله وواطي وشكلك متعود عالحركات الزباله ديه انت ازاي تفكر فيا تفكير شمال وسيبته ومشيت وانا متنحه ومصدومه اوي وهو فضل ماشي معايا يتأسفلي و يعتزر قولتله لو ما مشيتش هصوت قعد يتأسف ويقولي والله اول مره اعمل كدا عشان بس بحبك اوي كان نفسي احضنك بس وعيط جامد وقالي ونبي ما تسيبيني انا غلط وعارف مش هتتكرر تاني وقفت تاكسي وركبت بسرعه ومشيت وسيبته وهو من ساعتها عمال يبعتلي رسايل ويتأسف وانا مبرودش وف صدمه عمال يقولي ديه غلطه سامحيني واديني فرصه بس اعمل اي؟, Society Problems
يونيو 14, 2023
-
النهارده بس
مشاكل حب
- كتبو Society Problems
