انا مخطوبة بقالي اقل من شهر لحب حياتي و الحمد لله احنا كويسين بس في حاجه صغيره بتضايقني احنا كنا متعودين ننزل سوا ك أصحاب قبل الخطوبة و مكانش فيه بينا حساسية مين يدفع و مين ميدفعش يعني كان ساعات يحاسبلي و ساعات احاسب انا بس اغلب الوقت كان كل واحد بيحاسب لنفسه يعني بحكم ان مفيش بينا حاجه تلزمه يدفعلي من بعد الخطوبة انا بصراحة بقيت اعمل عبيطة و بطلت اعرض اني ادفع حاجه بس حصلت مرتين اننا خرجنا و عطشت في الطريق ف قولتله هنزل من العربية اجيب ماية .. راح قالي متنزليش هاتي انا اجيبلك .. و فضل مستنيني اطلع من شنطتي ٤ جنيه تمن ازازة الماية .. و النهاردا كنا سوا و عاوزين نوقف تاكسي ف قالي معهوش فكة غير ميات و متينات ف دفعت انا و واحنا مروحين بردو دفعت انا معزمش اصلا انه يدفع التاكسي هي فلوس صغيره اوي اوي عشان كدا انا مستغربة .. مش عارفه هل دا بخل ولا بيستخسر فيا ولا ايه مع العلم انه في عيد ميلادي مثلا بيجيبلي هدايا غالية يعني مش بيستخسر فيا و هو ظروفه المادية كويسة هل انا مكبرة الموضوع و المفروض مركزش مع كل دا ولا ايه ؟, Society Problems
مايو 22, 2023
-
النهارده بس
مشاكل الخطوبه
- كتبو Society Problems
