معلش عاوزه رايكم
انا منفصله وعندي بنت 5سنوات وأبوها متزوج المهم اخد بنتي يشوفها وتقعد معاه يومين وعشان محرمهاش من باباها وافقت وبعد يومين البنت عمها جابهالي بس كانت معيطه ومتبهدله اول ما شفتها لقيتها بتترعش من الخوف وسألتها مالك حكتلي أنهم كانوا بياكلو وبنتي كانت بتشيل الكوبيات بتاعت العصير وقعت وتكسرت ومرات ابوها تعصبت عليها وضربنتها وقالت لها انتي عارفه طقم الكوبيات ده بكام البنت بمنتهي العفويه قالتها هما ال وقعو من ايدي عشان الكوبيات تقيله وكانت خايفه راحت ضربتها وقالتها ده بدل ما تعتذري مش قادره اوصف لكو حرقه قلبي كانت عمله ازاي المهم اتصلت بيها بقولها هما الكوبيات يستاهل انك تضربي طفله زي دي قالتلي ده تمنهم اغلي من عشره زي بنتك اتصلت بابوها اشتكيله قالي محصلش حاجه كانت بتربيها عشان انتي معرفتيش تربي جيت واخده خواتي ورحتلها البيت بقي ورزعتها علقه محترمه ودغدت النيش علي دماغها والناس دلوقتي مغلطاني وبيقولولي كنتي خدتي حقك بالقانون وعملتي محضر ولازم دلوقت تدفعي تمن التلفيات ومحدش حاسس بحرقه دمي علي بنتي
الحل أي بقي, Society Problems
أبريل 15, 2023
-
النهارده بس
مشكلات زوجية
- كتبو Society Problems
