السلام عليكم عاوزكم تردو عليا بحق الله أنا دكتور شغال في الإمارات وعرفت بنت معاها تجاره ومعنديش مشكله خالص في فرق الكليات لكن المشكله عند أهلي وانا عارف كده من البدايه لكن ضحكت عليها بإسم الحب البنت دي كانت بتحبني اوي اوي وروحها فيا بمعني الكلمه وغيرت من نفسها عشاني قعدت سنتين مستغل حبها ليا بين إني شويه اقولها بحبك انا كمان وشويه أبعد خالص وهي من حبها فيا كانت معميه ومش قادره أنها تبعد عني جت فتره بعدت عنها ٥ شهور كانت هي بدأت تبقي كويسه وتتعافي وتتجاوزني وكنت بتقدم لناس وبيرفضوني فقولت أكلمها طالما هي الوحيدة اللي حبتني وقبل ما أنزل من سفري كلمتها وقولتلها حقك عليا وانا نازل أخطبك مخصوص وهكلم أهلي ووعد مش هتكوني لحد غيري وكانت فعلا نيتي كده قبل ما أنزل أهلي كلموني وقالولي في فلانه دكتوره وهنتقدم لها وكده وانا سمعت كلامهم والبنت اللي حبتني دي أنا عشان أبعد عنها قولتلها إنتي بتكلمي شباب ومش هينفع وكل شئ قسمه ونصيب وعملتلها بلوكات وطبعا إنهارت لإنها للمره المليون صدقتني ورجعت تاني لنقطه الصفر ونزلت من السفر وخطبت من اسبوع وخطيبتي دكتوره وكويسه ومحترمه وانا كمان مبسوط انا معرفهاش بس هي كويسه البنت دي لما عرفت إني جبت الشبكه كلمتني منهاره وكنت حاسس فعلا إنها هتموت وقالتلي ليه عملت فيا كده طب ليه رجعتني تاني لنقطه الصفر وقالتلي حسبي الله ونعم الوكيل فيك مش مسمحاك ليوم ما نقف قدام ربنا مردتش عليها وعملتلها بلوك وعرفت من برا إنها تعبانه جدا ومش عارفه تبقي كويسه انا قولتلكم كل حاجه حصلت بصراحه انا سؤالي هنا هل فعلا أنا ظلمتها ولا ليا حق أختار ودي حياتي أنا حر فيها, Society Problems
أبريل 07, 2023
-
النهارده بس
مشاكل حب
- كتبو Society Problems
