انا عندي 29 سنه اتجوزت وانا عندي 22 سنه وحصل مشاكل بيني وبين مراتي بسبب انها اتهمتني ان بخونها مع خالتها وبسبب كدا طلبت الطلاق وانفصلنا وحرمتني من اني اشوف ابني بس منكرش ان كنت بحبها اوي
بعدها بفتره اتعرفت علي واحده ست متزوجه من واحد جاري وكان هدفي من كلامي معاها ان انسي بيها طلاقي من مراتي وهي اكبر من بـ10 سنين و علطول ف مشاكل مع جوزها وحرفيا كنت انا حد قريب ليها اوي وشافت فيا اللي مشافتهوش في معاه
مع الوقت وكتر الكلام لقيت نفسي بقولها بحبك برغم ان كنت بقول كدا من غير ما احس بأي حب بس بقول عشان علاقتنا تستمر ومكنش ف دماغي واحد ف الميه انها تحبني بسبب اني كنت فاكرها انها حد ناضج وعمرها ما هتصدق اني بحبها بس للأسف مره واحده جت قالتلي هو انا لو طلبت الطلاق من جوزي عندك استعداد تتجوزني ونسافر بره محافظتنا خالص المهم قولتلها ايوة طبعا
دلوقتي هي طلبت الطلاق من جوزها وبالفعل طلقها وحطتني قدام الامر الواقع وحاسس اني اتدبست وضميري بيأنبني اوي ومش عارف اعمل ايه
مع العلم مينفعش ارتبط بيها لانها اكبر مني فالعمر ده غير انها من عيلة فقيره ومش من مستوايا ك تعليم وماديا وبرضو ضميري بيأنبني حاسس اني اذيتها, Society Problems
مارس 31, 2023
-
اغرب مشكلة
النهارده بس
مشكلات زوجية
- كتبو Society Problems
