عندي ٢٨ سنه عندي ٣بنات وحامل ف. الرابعه كلهم جم ع الوسيله ومعنديش مشكله معاهم خالص بفضل الله المشكله اني من شهر اكتشفت ان عندي لوكيميا بس الحمدلله لسه مرحله اولي وبسيطه وعلاجها هيكون سهل بدأ التعب يزيد بشكل مبالغ فيه اتحجزت. ف المستشفى وسبت عيالي التلاته عند اختي اللي اكبرهم ٤سنين ونص والصغيره سنه وشهرين اكتشفت بعد كده ف سرطان ف الكبد ومحدش لسه يعرف وف حاليا اشتباه بسرطان المرئ وفرحة وقئ مستعصي بقالي ٤ شهور برجع كل حاجه وكل الادويه بتساعد بس اني اشرب ميه او عصير وممكن اكل برتقاله اوي يوسفي جالي ازمه قلبيه ملهاش سبب غير الضغط النفسي المشكله كلها مش كده ابتلاء وبحمد ربنا عليه الف مرة المشكله ببص لعيالي واتخيل كل اللي بيحصل مين هيربيهم اكيد باباهم هيتجوز وحقه طبعا بس هي هتعمل معاهم ايه؟ انا بحب جوزي حب جنون تخيلي للحظه اني هسيبه هيبقي مع واحده تانيه مش بتنيمني ازاي هيجي ويلمس ويتكلم مع غيري حاليا ف تعبي انا لوحدي وده غصب عن الكل ظروف كل واحد حرفيا مش مساعداه يبقي موجود معايا يوميا ولا حتي أسبوعيا ف حجز المستشفى محدش كان معايا زيارات بس كل يومين او تلاته المصاريف كتير بشكل مبالغ فيه طبعا اهلي شايلين ٩٩٪ لان ظروف جوزي متسمحش وده تاعبني اوي حاسه اني حمل الموضوع قلب معايا اني بقيت بكره كله حتى عيالي لو قعدوا معايا نص ساعه بعيط و اصوت عايزاهم يمشوا وخصوصا اني باخد مسكن مخدر لأن عندي ألم مش طبيعي (روشته دكتور) انا ساعات بافور ف الجرعه غصب عني والله فكره الهروب اني اهرب ومحدش يعرف مكاني مسيطره عليا بس خايفه عيالي يرجعوني ف بفكر ف الانتحار الانتحار بالنسبالي هيبقي ب الافوره ف الحقن والمسكنات وكل علاج بيتقالي انه غلط باخده ومش عارفه اغير تفكيري بصلي وقربت لربننا بس برضه مش قادره انا طول الوقت حاسه اني حمل مش بتحرك مش بعرف اوصل للحمام لوحدي غير اني تقيله ماديا غير ان اي حد بيكلمني بكون بعيط وكلامنا بيروح لناحيه المرض والشكوى من التعب حاليا قلب معايا بسكوت محدش يعرف باقي تفاصيل مرضي بروح لوحدي للدكتور بتحجز لوحدي بدي الحقن لنفسي بعدت عن الكل علشان مكنش سبب نكد لحد حتى لو للحظات مليش صحاب انا بس عايزه اعرف اعمل ايه اعرف اتعامل منع عيالي الفتره دي انا عارفه اني قربت اموت ف عايزه اسيبلهم ذكرى حلوه مش صريخ وصويت كفايه انهم طول الوقت شيفني بتألم وباخد حقن طول الوقت بيعيطوا ويقولوي ماما قولي لربنا يشفيكي مش عايزينك تموتي وعياط طبعا ووانا مش بعرف ارد بتنح واعيط احساس عجز فظيع, Society Problems
مارس 27, 2023
-
النهارده بس
مشكلات زوجية
- كتبو Society Problems
