النهاردة بابا قالي قوم اعمل السحور ف بقوله ي بابا انا تعبان وهطلع انام شوية قالي انا قولت قوم اعمله وزعق ف وشي قولتله حاضر روحت قايم وبعمل السحور من غير مزاج وانا بعمل الفول حطيت عليه شوية سكر بدل الملح ورجعت ادوق الفول لاقيته مسكر اووي روحت حاطط معلقتين ملح عشان يتظبط رجعت ادوقه تاني لاقيته حادق اوووي وطعمه غريب اوي ومش عارف اعمل اي المهم ماما كانت عامله محشي انهاردة وشوية شوربة روحت واخد الشوربة حاطط شوية منها علي الفول يظبط الاداء لاقيت طعمه انيل من الاول روحت قايل والله ل اصفي الماية ال ف الفول وهخليهم ياكلو ع كدا المهم حطيتلهم الاكل وبيقولو بسم الله اول ما بابا داق طعم الاكل قالي هقولك كلمتين انت عظيم اووي وكل يوم هتعملنا السحور ف اتصدمت هو في اي دا بجد ولا بتهزرو بابا قالي انا بقي اللي هعمل الشاي فعمل الكوباية بتاعتي وحطلي فيها ٣ معالق ملح وحلف بالطلاق لازم اشربها كلها…, Society Problems مارس 27, 2023