انا زوجي مسافر وهو محترم وطيب والحمد لله بس مشكلتي معاه اني من اول ماتجوزت وانا بنحرج اطلب منه طلبات شخصيه ليا أو فلوس اشتري حاجه عجباني مثلا ف لبس أو اي حاجه مع أن دا من حقي
فضلت كده فتره طويله قوي وللأسف اتعود علي كده اني مليش طلبات غير مصروف البيت الأساسي الاكل والشرب والكهربا والحاجات دي
ولما اتجرأت شويه وبدأت اطلب حاجات بسيطه
زي مثلا أقوله زودلي مع المصروف اجيب عبايه مثلا او شوز أو شنطه اي حاجه بيزودش ويقولي الحاجات اللي مش ضروريه دي ملهاش لازمه مشي نفسك باللي معاكي انا عايز اعمل حاجه لمستقبلنا وكلام من دا
وانا مش عارفه اعمل ايه وأي طريقه أقوله بيها عشان يرضى. الموضوع يبان صغير وتافه بس مأثر عليا نفسيا مش عايزه احس ان نفسي ف حاجه ومش طيلاها بقيت بقول يارب اشتغل أو اكرمني بوظيفه عشان متحوجش لحد
بس طبعا هو رافض الفكره
انا دلوقت عايزه اعرف لما يرفض الطلب اللي انا طلبته اقنعه ازاي واقوله اي لأن هو بيفكر ساعتها أن اهم حاجه عندي الفلوس واني ماديه وانا والله ماكدا بس هو متعودش مني اطلب, Society Problems
مارس 27, 2023
-
النهارده بس
مشكلات زوجية
- كتبو Society Problems
