انا متزوج ٢ ستات
عرفت من فتره ان زوجتي الاولى بتعملي سحر
كانت متجوزاني اصلا بالسحر
جلب
ولما اتجوزت عليها عملتلي سحر طاعه
وعملت لاهلي كلهم
حرفيا كننا خاتم في صباعها
وعرفت من حد مقرب منها واتاكدت بنسبة ٩٥٪
طلقت زوجتي التانيه وبعد كم شهر حالة الهيام اللي كنت فيها ناحية زوجتي الاولى راحت
وسمعت من التانيه ان الشيوخ قالولها كان معمولنا سحر تفرقه
ورجعت زوجتي التانيه تاني
الاولى قالت جملتين مره قالتلي ان شاء الله مش هتكسب ولا جنيه طول منتا معاها
والتانيه قالت اقسم بالله هتطلق وهو هيرجعني زي الكلب
وقتها مكنتش لسه عرفت انها بتسحر
لحد ما بدات الاحظ حاجات غريبه بتحصل ليا ولمراتي التانيه
مرض ووقف حال ومش طايقها وبضربها و(مبقدرش) اقربلها وشغلي واقف وكل حاجه فيا باظت
ورجعت منجذب للاولى بشكل وحش
وكمان بلاقيني غفرت حاجات كتير
حتى اني غفرت اني عرفت ان كان بينها وبين خطيب سابق ليها كلام واحنا متجوزين وهي انكرت بس انا شفت الشات بعيني
انا عايز راي الناس لاني عايز اميز بين رد فعلي الطبيعي وبين رد فعلي وانا مسحور كده
لان الشيوخ قالولي وانت مسحور رد فعلك بيكون ببرود وبتعديلها اي حاجه
انا عاوز الناس وهي بتنصحني تحط في اعتبارها اني مخلف من الاولى بنتين وانا خايف على بناتي
مش عارف اكمل ولا اطلق
وانا لما شغلت دماغي بقيت بصدق لان في شواهد كتير جدا على مراتي
ولما واجهتها اول مره حرفيا مسكت جزمتي ولحستها من تحت وقالتلي انا معملتش حاجه وسامحني
وحاولت تنتحر وتعمل افلام كتير وفي كل مره كانت بتقول بلاش نتكلم في الي فات ونبدا من جديد
خصوصا ان التانيه دلوقتي طالبه الطلاق وبتقولي جوازي منك خطر على حياتي ومستقبلي, Society Problems
مارس 27, 2023
-
النهارده بس
مشكلات زوجية
- كتبو Society Problems
