ازيكم يا حبايبي عاملين ايه
عندي مشكلة بسيطة دلوقتي اخت جوزي جت فجأه عندنا
وقالت لجوزي عيزاك في موضوع المهم ونا معديه سمعتها عايزه منه فلوس سلف عشان تدفع مصاريف مدرسة عيالها هم في مدرسة خاصه وتسدهم بعد شهر ونص طب متدخلهم حكومي مثلا ولا هو فقر وعنطزه المهم مرضتش ادخل مليش دعوه هي كانت طالبه 22الف جني قالها عشر ايام كدا ويكونو جاهزين
ف انا مليش دعوه ومدخلتش
المهم روحت عاينه غويشتي وتلفونه وهو نايم عملت نفسي نزلت وجيت وقولتله اننا اتسرقنا من الشقه والشقه مش امان وعايزه باب حديد و و وقولتله انا مرعوبه وهروح عند اهلي فهو عشان يلم الموضوع اضطر يجبلي غويشه وجاب فون لنفسه وعمل باب حديد وكدا ف بعدها قال لاخته اديكي شايفه فمش هقدر والله اسلفك والحمد لله مدهاش حاجه
انا مدخلتش بينهم بس انا دلوقتي معايا فون جوزي ومعايا غويشه زياده بيعتهم الاتنين وشيلت الفلوس عند امي المهم ف امي لما عرفت زعقتلي بس عمرها ما هتقول لحد بس هي كدا ممكن تصرف منها ونا مقدرش افتح بقي لان طبعا هخاف تقول او بابا يعرف ونا الفلوس دي مش عيزاها لحسابي انا مش هصرفها غير في بيتنا وعلى عيالنا فـ بجد اعمل ايه انا محتاره اوي وزهقانه
اخده من عندها وافتح بيهم حساب👍
اسيبها على الله وخلاص 👎 , Society Problems