انا متجوز من 3 سنين وبحب مراتي وبتحبني والحمدلله عايشين كويس اكتشف من فتره انها بتكلم خطيبها السابق فيس وعرفت انهم بيتكلموا من فتره قريبه تقريبا كام يوم بس ماعرفتش الكلام بينهم اتطور لحد فين... واجهتها انكرت وقالت ماحصلش... قعدت جنبها وقولتلها انسي اني جوزك اعتبريني اخوكي اللي بيكلمك وينصحك..... مفيش ست بتطلق بسبب راجل وهو بيتجوزها ومفيش واحد بيخرب حيات وحده وبيكمل معاها فكري في شكلك قدام نفسك فكري في شكلي قدامك فكري في بنتنا فكري في اهلك..... انا ممكن اطلقك دلوقتي لو حابه بس عايزك تعرفي كويس ان الراجل اللي بيصون هو اللي جا لاهلك من الباب واخدك وانتي اميره رافعه راسك مش شخص جاي يتسلل زي الحرامي يسرق حاجه حرام وهو عارف انها عمرها ماهتكون ليه... انا مش هتخانق ولا حتي هاخد فونك منك بس لو اللي حصل اتكرر ولو بعد 20 سنه لو روحي في ايدك مش عايزها....... انا مش عارف اللي عملته ده صح ولا غلط بدون تجريح لو سمحتوا انا مش ضعيف انا قوي جدا بس حبي لبيتي ومراتي وبنتي يخليني اديلها فرصه تانية, Society Problems فبراير 22, 2023