سلام عليكم امبارح ليله راس السنه خطيبي كان واخذ اجازه من الشغل طلب من بابا ان احنا نخرج انا وهو واختي هنروح مول العرب نخرج شويه وهنرجع على طول المهم ماما كسفتني وقالت انها عمرها ما شافته وعايزه تيجي معنا خطيبي رحب جدا بها وفعلا جت معنا لفينا شويه في المول وبعدين خطيبي قال تعالوا نخش نتعشى جاء يطلب الاكل لقينا الواجب عشان تكفينا احنا الاربعه هتتكلف في حدود 500 جنيه وماما تدخلت وقالت له لا طبعا ما تشتريهاش قعد يحلف لها ان هو معه فلوس برده رفضت وقالت حرام تشتري وجبه غاليه كده انا طابخه في البيت هاروح نتعشى كلنا المهم لما رفضت عرض عليها نشتري عصير لقت كوبايه العصير ب 30 جنيه حلفت قالت له ابدا ما تشتريش حاجه وما حدش فينا عايز يشرب حاجه هو يحلف وهي تحلف المهم اتكسفتنا اخر كسفه وما رضيتش تخليه يشتري اي حاجه خالص لفينا شويه في المول وبعدين زهقت قلت له يلا نروح فعلا روحناه واحنا مروحين في الطريق بقول لها ايه لازم تخرجنا لما احنا ما اكلنا ولا شربنا حاجه قالت حرام يصرف الفلوس دي كلها عشان اكله واحنا كده كده هنروح نتعشى في البيت المهم هو روح معنا اتعشى معنا في البيت وقعدنا شويه انا دمي محروق قوي من امبارح ماما طريقتها كسفتنا جدا وضيعت علينا الخروجه كلها ومكسوفه اوى اوى هموت من الكسوف خطيبى زمانه بيقول علينا اى ان احنا ناس بيئه مش عارفه ودماغى صدعت من التفكير ممكن حد يقول لى احل العك ده ازاى وطبعا هستنى ردك يا سوما فى مشكلتى, Society Problems يناير 02, 2023