انا مخطوبة من ٨ شهور صالونات خطيبي لما جه يمضي القايمة لقاها ب 400 ألف فـ سأل بابا قاله أمانة؟!
بابا قاله طبعاً أمانه قاله طب أمضى إزاي وأنا ماشوفتش الحاجات دي ومستلمتهاش ومبصتش في أمانة برضو سلم واستلم
بابا قاله اقرأ براحتك قاله لا سلمني الأمانة بند بند وكل بند بفاتورته وأنا أمضي مش همضي علي حاجة مشوفتهاش
بابا قاله كده إنت مش شاریني ولا شاري بنتي قاله ولا أنت شاریني طالما بتمضیني على حاجة مشوفتهاش ولا استلمتها بإیدي
بابا قاله كل الناس كده اشمعنا إنت قاله دي ناس مغفلة والفرحة بتنسيهم إن دي أمانة تسلم عند الطلب بابا قاله ليه بتفترض سوء النية قاله أبدًا دي أمانة ولازم أعرفها بند بند یا تسلمني بند بند على باب بيتك وانا أمضي یا تسلمني في الشقة عندي دي حاجة واني شاريك وشاري بنتك حاجة طالما ليك حق الطلب ليها في أي وقت المهم بابا رافض وفيه خلاف على كده
يتحل إزاي الخلاف ده هو شخص محترم جداً والله وبابا بيقول كده مش شاريكي وبيشك فينا قاله أنا راجل تاجر ومدام همضي على أمانة أشوفها وأستلمها وأمضي غير كده مش هيحصل وفاضل ٢٠ يوم على الفرح و مش عارفة اعمل إيه و خايفة الخطوبة تتفكرش, Society Problems
يناير 28, 2023
-
الاسبوع الماضي
مشاكل الخطوبه
- كتبو Society Problems
