هحاول اختصر مشكلتى على قد ما اقدر انا ٢٩ سنة اتجوزت صالونات لشخص مكنتش عيزاة وحصل النصيب واتجوزتو وخلفت بنت ٤ سنين جوزى طلع ابن امو اوووى سمعت مشاكل كتير عن الشخصيات دى وعمرى مكنت اتخيل انى اعيش المعناة دى شخصيتو ضعيفة جداا وامو مسيطرة علية جدا هو و ٢ اخواتة الولاد ست مسيطرة جدا بطريقة تخنق تتدخل فى لبسنا واكلنا وشربنا ونومنا وادق التفاصيل قسما بالله انا لية شخصية وبحب الاستقلال وبحب الخصوصية هما هنا مش كدة كل حاجة يحكيها لامة وحتى لو محكاش هى تفضل تدور وتنكش لحد متعرف كل اخبارنا وتقولو انا مفيش حاجة هتعدى من تحت ايدى كل حاجة هعرفها مع ان والله حجات عادية لما بتزعل مع جوزى بتهينو بمعنى كلمة اهانة وتشتكية للدنيا كلها وتطلعنا وحشين وتقول عليا اوحش الكلام كل دة علشان مش بنمشلها الى هى عيزاة ( زى مثلا اولد عن دكتور معين او اسمى البيبى باس معين او خرجنا ومستأذنهاش ) الخ فى كل حاجة بقا لما بتتخانق مع جوزى هو بيطاطى حرفيا علشان عارفها مجنونة وممكن تعمل اى حاجة وهى دايما بدوسلو على النقطة دى عارفة انو ضعيف هى تهينو وهو يقعد يصالح فيها واطلع انا الوحشة الى بحرضو اننا نخرج مثلا من غير منعرفها او يبقا لينا اسرارنا الخاصة الى مش من حق اى حد يعرفها حتى اهلى والله مبعرفهمش بتغير جدا جدا لو جبلى حاجة او عملى حاجة انا عيزاها تقعد تفهمو ان كدة غلط وان التساهل دة هيبوظنى وانو ميدنيش فلوس مثلا ولا يشحنلى رصيد ويقطع عنى النت وتقعد طول الوقت تحرض فية من نحيتى عملت مشاكل كتيرة جدا بس انا هرجع واقول جوزى السبب ان هو ضعيف ومش بيحط حدود فى التعامل وياخد موقف ويقولها انا كبير كفاية انى اخد قرارات حياتى وامشى بيتى بالطريقة الى تعجبنى ويخرها من حياتنا بس هو مستسلم ليها بتحركو زى العروسة اللعبة اقسم بالله مع العلم هو ٣٥ سنة مش صغير ومعاة ليسنس سيبكو من الى فات المشكلة دلوقتى انو نزل من نظرى جدا وحساة شخص ضعيف مبيعرفش يتعامل مع الناس ولا يعرف يدير الامور ولو اتحط فى مشكلة مبيعرفش يحلها عكسى جدا انا شخصية عاقلة جدا وعندى شخصية اكتر منو وبعرف اتعامل واحل الامور فا طول الوقت مستهيفاة وحساة قليل بسبب تحكمات اهلو فينا حتى فى بنتى بتتحكم فيها نعملها اى ومنعملش اية هو طيب ومحترم بس عمرى محسيت معاة بأمان او انو راجل كدة بجد بحس ان عقلو اصغر من سنو بكتير كارها حياتى وكرهاة ومش قادرة اتأقلم مع الوضع دة وفى نفس الوقت عند بنت خايفة اظلمها بانى اطلق وتعيش من غير اب
انا وهو عكس بعض جدا اجى اكلمو فى اى موضوع ملقهوش بياخد ويدى معايا كدة لا بلاقية فى كوكب تانى ردود غريبة مش فى الموضوع اصلا يا اما يسكت وانا اقعد اتكلم لوحدى شخصيتنا ظختلفة خااالص هو مبيحبش الخروج ولا يزور حد ولا لية صحاب من الشغل للبيت وبس مبيعملش اى حاجة فى حياتو خالص غير انو يروح الشغل فقط شخص غريب بينام بمعاد وياكل بمعاد حياتو روتينية باحتة وانا بتخنق جدا من الروتين بحب التغيير دايما بقالى داخلة على ٥ سنين متجوزاها ولا مرة خرجنا مع بعض ولا مرة اكلنا برة ولا اتفسحنا لما بحب اخرج او اسافر بروح مع اخواتى البنات حتى المصاريف بحساب وعندو لو خرجنا وطلبنا عصير او اكل من برة ان كدة تبزير وحرام انا جوايا كبت رهيب منو عكس بعض فى كل حاجة انا شخصية مرة وحساسة هو كتمو جدا وقليل الكلام وروتينى اة نسيت اقول انو بينقل كلام لامو ممكن يزعلها منى او يجى يقولى كلام يزعلنى من امو وعلى طول مشاكل وعك بسبب نقل الكلام مع العلم انى ممكن مكنش قولت عليها حاجة بس مجرد ميعرفها الحاجة الى انا مخبيها عنها دة فى حد زاتو مشكلة وكارثة بالنسبة ليها حسبى الله ونعم الوكيل فى كل حما خرابت بيوت, Society Problems
ديسمبر 25, 2022
-
الشهر ده
مشكلات زوجية
- كتبو Society Problems
