فرحى قرب وابتديت انزل اشوف فساتين لقيت خطيبى قالى هنروح اتليه فمكان معين فقولت ماشى روحنا انا وهو وماما ومامته وابتديت اشوف فساتين وكل ما اقيس فستان ميقفلش عليا اجى اوريهم فالبنت تقولهم هنوسع شويه وهيتظبط قست اكتر من ١٥فستان وفالاخر لقيت وشه اتقلب وقالى يلا بينا قولتله طب فى واحد عجبنى هحجزه قالى بلا حجز بلا قرف لما تبقى تخسى كلهم شكلهم زى الخره عليكى فجاه لقيت الدنيا بتلف والناس كلها بصتلى ومامته قالتلى لا حببتى ميقصدش هما الرجاله ميعرفوش فالحجات دى وكل الفساتين اصلا بتتوسع بس كانى مسمعتش وكل اللى بيرن فودنى كلامه لقيت نفسى تلقائى قلعت الدبله ورمتها فوشه واخدت ماما ومشيت مامته جرت ورايا وتقولى حقك عليا ميقصدش وقلتها حقك عليا بس معلش مش هقدر اكمل معاه ومن ساعتها وهو اهله عمالين يتصلو بيا ومش برد ولما جه البيت مرضتش اقابله واخدت الشبكه رمتها اودامه على الترابيزه ودخلت اوضتى
مع العلم انى ٧٤ كيلو وطولى ١٦٦ سنتى
هل انا كده غلط !!
بجد مامته صعبانه عليا اوى وكانت بتحبنى اوى وانا فعلا بحبها بس مش قاده اشوفه بعد كلمته دى, Society Problems
ديسمبر 23, 2022
-
الشهر ده
مشاكل الخطوبه
- كتبو Society Problems
