مساء الخير على الجميع
انا منمتش من امبارح وخايفه اوى اوى والله
انا متجوزه من ست شهور حماتي ساكنه تحت ايه في الدور الارضي وانا اول بلكونه انا جوزى وحيد امه وابوه المهم من اول يوم في جوزى وحماتي منعه تمام ان اى حد يدخل أوضة نومه وقالت هي من نوعيه الناس اللي تحترم الخصوصيات ما بتحبش احد يخش اوضتها كانت لما تدخل او تخرج منها تقفلها بالمفتاح الاول كنت مستغرب وبعدين بصراحه ظنيت ان هي مخوناني ان انا ممكن اسرق منها حاجه او حاجه المهم حطيت الموضوع او في بالي لغايه اول امبارح هي اغمى عليها كانت تعبانه قلنا الدور البرد اللي ماشي الايام ديت وبعدين طلبت مني اني اطلع شقتي و وما انزلهاش خالص وان هي هتبقى كويسه ان شاء الله وهي خائفه علي ان تعدي منها او حاجه المهم طلعت ونزلت لها امبارح الصبح جوزي كان عندها تحت رن علي وطلب مني ان انا انزل بعد ما نزلت قال لي خليك قاعده مع امي انا خائفه تمرض قوي عن كده المهم كانت نائمه في الصاله طلبت منها ادخلها اوضه نوم رفضت خالص وقالت لا وبعدين لقيتها بتعيط سالتها مالك قالت ما فيش خليك قاعده هنا هادخل اوضه نوم اجيب حاجه واخرج على طول دخلت اوضه نومها وغابت جدا استغربت وخفت عليها خبطت عليها الباب ما ردتش وبعدين سمعتها من جوه بتلطم على وشها وتعيط وتقول معلش سماح المره دي واخر مره والله وهي عمالها تعيط خبطت عليها كتير مرديتش عليا ولا فتحت الباب خالص انا فتحت الباب ودخلت لقيتها جالها هستيريا عماله تقولى اطلعى بره بصويت وهيا عنيها ومناخيره بينزفو دم انا خفت جدا وتسمرت مكاني وبعدين وحياه ابويا ده اللي حصل بابص على التسريحه لقيت فين انعكاس حماتي واقفه في المرايه وبصته في الارض واصلا حماتي قدامي على السرير عمال تعيط وانا مش فاهمه حاجه وفجاه حسيت حد اداني بونيه في صدري حدفني في اخره الطرقه انا قعدت اتعزم بالله من الشيطان الرجيم وحماتي تصرخ وتقول لي بس بس اسكتي لغايه ما لقيت عينيها لونها احمر زي الدم وبتضربني بالاقلام على وشي وبتطردني تقول لي اطلعي بره انا خفت نزلت من بيت حماتي على بيت ابويا هنا كلمت جوزي وانا بعيط جاي لي و وحكيت له كل اللي حصل قال لي مش فاهم منك اي حاجه حتى اهلي هنا قعدوا يقولوا لي رتبي كلامك المهم ابويا قال لي استعزى بالله من الشيطان وروحي مع جوزك وفعلا روحت معه وطلعت على شقتي على طول وهو دخل عند والدته وطلع لي بعديها بربع ساعه بيقول لي ان والدتي بتقول اللي انفتحت باب الشقه ونزلت من غير ما تستاذنيها انك رايحه بيت ابوك حلفت له بالله وعدت عليه اللي حصل ما صدقنيش ما جاليش نوم من امبارح بالليل وانا سهرانه لغايه ما جوزي نزل النهارده الصبح لقيت حماتي بتخبط علي فتحت لها الباب لقيتها بتقول لي يا ريت تحفظي لسانك وبطلي رغي كثير في اللي حصل ولا ما حصلش بابص في المرايه اللي وراء باب الشقه لقيت ان انا واقفه لوحدي وحماتي مش واقفه قدامي مع انها واقفه قدامي وبتكلمني انا مش فاهمه حاجه وخايفه جدا وعايزه احد فيكم يقول لي ممكن اعمل ايه ما اعرفش مين اللي طلع لي النهارده وازاي صورته مش طالعه في المرايه والله مش طالعه في المرايه صدقوني حتى لما ضحكت وهي نازله لقيت بقها ما فيهوش اي اسنان وانا حماتي عندها اسنان احد يقول لي انه مصدقني انا شغلت القران على الشاشه طول النهار لقيت حماتي بتكلمني في التليفون وتقول لي خلي صوت التلفزيون على قد ودنك مش عايزين نسمع حاجه وبلاش تبتدي بالشر انا وطيته خالص على قد ودني بس انا خائفه جدا وما فيش احد من هنا او بيت ابويا فاهمني ولا راضي يصدقني, Society Problems
ديسمبر 14, 2022
-
السنه دى
مشكلات زوجية
- كتبو Society Problems
