انا مطلق من ٤ سنين وعندي ٣٤سنه ومعايا بنتين امهم سابتهم ليا وخدت كل شيء من قايمه ودهب ومتعه كل حقوقها حرفيا ورفضت تاخد البنتين المهم وقفت على رجلي جبت سرير ننام عليه انا والبنتين ومرتبه وغطا وطول ٤ سنين امهم مسالتش ولا نعرف عنها حاجه كنت لوحدي في تربيه البنات في كل شيء وكان بنتي التانيه صغيرة وقتها كانت عندها ٣ سنين رعيتهم واتعلمت الطبخ والغسيل وازاي اضفر الشعر واسرحلهم واحميهم اروح شغلي ارجع اعمل مصالحهم كلها وانام من التعب مش لاقي حياتي ومش زعلان لأنهم فعلا حياتي وارضي ناس كتير بتنصحني بالجواز انا نفسي اتجوز بس اتجوز عن حب مش معنى اني مطلق ومعايا بنتين يبقى مينفعش اعيش قصه حب بالعكس والله نفسي احب من جديد ويبقى في فترة خطوبة وتعارف و لحظات الخطوبة الحلوه ويتم الزواج كأني بتزوج لأول مرة بس في وحده هتتقبلني بظروفي دي بصراحه مش عارف دورت حوليا كتير كلهم مش مناسبين اللي ترفض عشان البنتين واللي ترفض عشان هي أكبر مني مع اني مش بيفرق معايا السن قد ميفرق معايا الست او البنت نفسها مبقتش عارف حياتي هكملها ازاي, Society Problems
ديسمبر 12, 2022
-
السنه دى
مشكلات زوجية
- كتبو Society Problems
