يا جماعة بصوا
عندي واحدة صاحبتي بتتصرف تصرفات غريبة جدا ومش عارفة اعمل اية عرفتها في سنة تالتة فالكلية وبقينا شلة فالدفعة ١٠ بنات. المهم هي فالاول مكنتش قريبة مني اوي كنا صحاب عادي، فاجأة بقى بقيت قريبة مني اوي بس هي اللي بتقرب مني وانا بحب اتعامل مع الكل بنفس المحبة و كدة مش بحب حد اكتر من التاني و كدة. وبدأت تعمل حاجات مريبة كدة نبقى واقفين عادي تقوم تــبوسـ ـ ـنى تحضني تنام على كتفي حاجات من بتاعت المخطوبن واللي لسه متجوزين دي. ملحوظة هي بتعمل كدة معايا انا بس. مع الباقي بتتعامل عادي. موقف تاني حصل برضو مرة كنت خارجة مع صحابي من كلية تانية و كدة هي اتضايقت و عرفت بعديها انها مش بتحبهم وانهم بيأثروا عليا بطريقة سلبية وانهم بياخدوني منها دايما. وده كلام قالته مش ليا بس هو مش احساسي انا. مع كمان صحابي دول كويسين والله دي غيرة منها وكذا حد من صحابي قالي كدة بس كنت بطنش الموضوع ده و بقول عادي بس الموضوع زاد بطريقة رهيبة الفترة اللي فاتت وبتتضايق برضو لو انا مش برد عليها هي اول واحدة لو انا اونلاين ودي حاجة اصلا بتضايقني طب حتى لو انا شفت المسج و مش عايزة ارد دلوقتي مش ده حقي ارد وقت منا عايزة. و حاجات كتيرة بقى من دي غير كدة انا دايما لازم احاسب على كلامي و على تصرفاتي عشان متتقمصش وانا بحب اخد راحتي مع صحابي اقول و اعمل اللي انا عايزه. و كمان دايما عايزة اننا نتكلم مع ان بنشوف بعض كل يوم فالجامعة عادي بننزل ٦ ايام ده غير اننا بننزل مستشفيات طول الوقت مع بعض و طلعت من نفس البلد اللي انا عايشة فيها. وانا بصراحة مش بحب الكلام الكتير و مليش في جو بقى السوشيل ميديا و كدة. عايزة اخلي علاقتنا صطحية نبقى صحاب عادي بس مش عارفة اقولها ازاي من غير ما تزعل مني. عايزة اعرف لو انا غلطانة ولا ايه ولا شخصيتنا مختلفة عن بعض ولو كدة في حل وسط ممكن نوصله ولا لا؟ , Society Problems
نوفمبر 08, 2022
-
السنه دى
مشاكل الاصدقاء
- كتبو Society Problems
