معلش نزلي مشكلتي ضروري انا من الناس اللي باحب الاكل قوي وجوزي عارف كده النهارده انا عملت فرختين زي كنتاكي كده بالبيض والبيجيتار انا باحبها قوي بالطريقه دي المهم استنيت جوزي على الغداء ما جاش اكلت نصف فرخه وانا باحضر له الاكل اكلت نصف فرخه ثانيه كده باقي فرخه واحده واحنا قاعدين بناكل بيقول للفراخ دي صغيره قوي قلت له انا كنت عامله فرختين انت واحده وانا واحده انا اكلت بتاعتي اثناء النهار عشان انت تاخرت قوي في الشغل قال لي خلاص كلي انت مكرونه الفرخه بتاعتك انت كلتيها المهم لما قعدنا ناكل لقيته فعلا اكل الفرخه بتاعته كلها صعبت علي نفسي قوي وهو عارف ان انا بحب الفراخ قوي قوي لما لقيته اكلها كلها اتخانقت معه وابتديت اعيط قال لي خلاص ما تزعليش بكره اعملي ثاني وكلي براحتك حسيت انه بيرد علي بكل برود ومش مراعي اي شعور لي المهم يعني تخانقنا خناقه كبيره ونتج عنها ان كف ايده اتخيط اربع غرز بسبب ازازه السفره اللي اتكسر هو اتصل باهلي يجوا بكره علشان يشهدوه المشكله بقى ان لما يجيء اهلي حماتي هتطلع وسلفي هيطلع وهيعرفه ان انا اتخانقت معه بسبب فرخه مش هيفهموني ابنهم طفس وكل الفرخه كلها لوحده تعديل .... الناس اللي عماله تقول فرختين واكلته فرختين وطبخت فرختين ايوه يا جماعه والله انا قلت ان الفراخ صغيره الفرخه ما تجيش كيلو ونصف اصلا وبعدين انت سبت البوست كله ومسكته ان انا باطبخ فرختين في اليوم وسيبته ان هو راجل اناني واكل الفرخه كلها وما اداش لمراته ولا حتى حته حرام ما يرضيش ربنا وبعدين انا شايفه ان اغلبيه ستات اللي علقوا قالوا ان هم وجوازهم بيقسموا الاكل سوا هو ما لوش دعوه بفرختي هو المفروض يديني ه من فرخته هو اه وهو فعلا طفس احد يقول لي حل للمشكله عشان لما يجوا الناس بكره, Society Problems نوفمبر 07, 2022