السلام عليكم ورحمه الله وبركاته جماعة انا عندي استفسار انا اخويا عمل حادثه من حوالي ١٥ يوم وهو راجع من شغله، كان خاطب وفسخ الخطوبه ولكن خطيبته الشهادة والامانه لله كانت بنت محترمه وجميله وابويا وامي واخواتي وعيالي بيحبوها وانا كمان عمرها ما قصرت بالعكس كانت هي الى دايماً معانا ووسطينا ولما عرفت ان اخويا في المستشفي جت عشان تزوره ولكن انا منعتها من زيارته بطريقه مهذبه مع العلم ان حالته تسمح بالزيارة ويوجد كسر فقط باليد اليمني ولكني استشفيت انها اتحرجت هل ده غلط منى ؟, Society Problems
مايو 10, 2024
-
النهارده بس
مشاكل الخطوبه
- كتبو Society Problems
مواقف: كل الاوقات | النهارده بس | الاسبوع الماضي | الشهر ده | السنه دى
انا كنت اطلقت من حوالي سنه رافعت قضية طلاق للضرر واتحكم ليا بالطلاق وكان سبب الطلاق عدم الخلفه والسبب كان منه واخدت قايمتي وكان ناقص منها حاجات وهو قال انه هيسددهم فلوس مع فلوس المؤخر لانه مكنش معاه وقتها فخالي وماما مضوه على ايصالات أمانه بالفلوس ديه عشان امضي اني استلمت كل حاجه والقضايا تتقفل المشكلة دلوقتي انه مات من شهرين وملحقش يسدد اللي باقيلي عنده
وهما 25 الف باقي فلوس المؤخر هل ده يعتبر دين متعلق في رقبته ولازم اهله يسددوه ولا لأ ؟ ارجو الرد ضروري هو اهله ظروفه مش قد كده عشان هو اللي كان بيصرف على امه وأخواته الصغيرين لان ابوهم مات من وقت طويل وهو كان المسؤل عنهم فالحل دلوقتي ايه احنا معانا الوصل اللي بالفلوس ديه نعمل ايه وياريت لو في محامي يقولنا من الناحية القانونيه نتصرف ازاي, Society Problems
مايو 10, 2024
-
النهارده بس
مشكلات زوجية
- كتبو Society Problems
السلام عليكم محتاجه رأيكم واسفه علي الأطاله انا مخطوبه بقالي ٣ سنين بسبب ظروفي وظروف الاهل من الناحيتين والده لما اتفق اتفقو علي سنتين علشان ظروفنا احنا الاتنين في التجهيز وعشان ظروفه مد هو سنه كمان و خلال فتره السنتين المتحكمه في الرأي والدته في كل حاجه و متتدخله في كذا موقف وكل مره يجي يقولي والدتي قالت وفي اي موقف صعب وكان رأي اللي حواليا اني هتعب في حياتي وانا كنت شايفه بعد الجواز كل دا هتنتهي بس مع العشره والمواقف الصعبه يقولي والدتي اللي قالت مفيش دور ليه في اي موقف مصيري في حياتنا بالرغم الفلوس فلوسه شقيان فيها ومفيش اي مساعده منهم كان دايما يقولي الكلمه كلمتي لكن كل موقف مصيري مش بلاقي دا سواء الكلام في صالحي او لا ملوش اي تدخل في اي حاجه بي الرغم في كل مناسبه مبيجبش حاجه وحالته الماديه كويسه وأهله حالتهم الماديه كويسه بس اهلي مركزوش في كل دا ومش مشكله يجيب ولا لا وأهلي مبصوش للماديات والمواجب حتي الحاجات البسيطه مجبهاش واحنا مستونا الاجتماعي مرتاحين بالنسبالنا عادي ومبصتش لي حواليا ولا تقديرهم لأهلي حاليا والدي بيتفق علي يوم الفرح اهله قاله مش جاهزين ونمد سنه كمان بالرغم انه جاهز واختو مخطوبه حاليا و اتقاله شيل نفسك ومفيش مساعده ودائما امه بتحطنا في مقارنه بيني وبين بنتها وبتقولها في وشي اشمعنا بنتي وعايزين ياخدو جزء من فلوسه يجهزو اختو وانا اقعد سنه كمان وأهم حاجه بنتهم الكلام دا قالهولي ليا بيني وبينه وقت زعله دلوقتي المشكله هما اخدو قرررات قبل فرحي بشهر يغيرو الميعاد واي حاجه فيها فلوس بيحصل مشكله قبلها في جزء بيقولي كملي وجزء يقولي ان هيفضل مشاكل بعد الجواز وانا مش بتاعت مشاكل وخايفه مش عارفه اخد قرار لو انا سيبته دلوقتي هبقا بظلمه وحرام ولا استني ؟, Society Problems
مايو 10, 2024
-
النهارده بس
مشاكل الخطوبه
- كتبو Society Problems
انا متجوز لسه مكملتش سنه و اخويا و مراته معانا في نفس العماره المهم مرات اخويا دي كانت تقعد تهزر مع مراتي و كل لما تشوف حد تقعد تقول ده مز عايزين نغير الصنف و مراتي عشان مبتعملش حاجه من ورايا حاكتلي الصراحه انا اللي شكيت فيها و مكنش عندي طريقه غير اني اخلي مراتي تقرب منها و تثق فيها عشان تحكيلها كل حاجه و قد كان و حكت لمراتي انها بتكلم واحد من 6 سنين و بتبعتله صور بهدوم بيت بيت يعني هي عندها ولد و بنت اطفال و خليت مراتي تسجلها و هي بتكلم معاها و كلام زفت
في طلاق و خراب بيت هي من بلد فلاحين وعايشه في القاهره و هو الواد اللي بتكلمه شغال في اسكندريه بس بيت اهله في البلد دي لما هي بتسافر لاهلها البيه بينزل يقعد اجازه في البلد عشان يشوفها و بيجبلها شكولاته و زفت و من ضمن الكلام بتقول انه ساعات
بيقل ادبه بس هي بتسكت او تضحك بس بتحلف انها معملتش حاجه و ده اخرهاا
و ده طبعا كدب .. انا لو حكيت الكلام ده لاخويا هيطلقها
و البيت هيتخرب و في نفس الوقت مقدرش اسكت .. و كلمت حد في التليفون في الافتاء قال انك اتجسىست و عملت كبيره من الكبائر و انك تحط لسانك جوا بوقك و تسكت انا الصراحه مبلعتش الكلام ده داخله في سكه
قـ ـ ــذرة و كبيره اللي انا قولته ده نص الحقيقه .. انا بجد مش عارف افكر ازاي هتجنن و دماغي هتشل بجد ., Society Problems
أبريل 27, 2024
-
النهارده بس
مشاكل عائليه
- كتبو Society Problems
السلام عليكم ممكن رايكم انا خطيبي شهرياً كان بيديني الف جنيه مصروف عشان لسه في الجامعه ، كان فيه فرح وحده زميلتي في محافظه تانيه وقالي متروحيش فأنا روحت ، وهو مقالش حاجه من يومين كان المعاد اللي بيديني فيه المصروف ، لمحت له كده ، قالي زي مانتي بتقولي مالكش حق تقولي روحي وتعالي الا لما اكون مراتك فانا مش ملزم اديكي مصروف وانتي مش مراتي ولو مش عاجبك نفركش عادي ، وقام قافل المكالمه ، انا مش فاهمه ازي ربطت الموقفين ببعض ، مش عارفه اكمل معه ولا اسيبه, Society Problems
أبريل 25, 2024
-
النهارده بس
مشاكل الخطوبه
- كتبو Society Problems
انا عندي ٣٧ سنة و كنت مخطوبة لشخص ١٠ سنين حرفيا و كل الصبر ده هتقولو ليا ليه هقولكم عشان والدته
كانت مريضة كنسر و كان بيعالجها لأنه ابنها الوحيد و اكيد
مش هيرمي امه و بقيت اشتغل و اديله الفلوس لدرجة اني بقالي ١٠ سنين بلبس هدوم اختي القديمة و مش بجيب حتى قلم روج عشان الفلوس تكفى و شكلي بقي مبهدل اوي اوي اوي و عشان يكمل فلوس علاجها انا
اتبهدلت اوي من اهلي عشان قاعدة مستنياه و من سنة والدته
اتوفت و قعد حزين عليها و من كام يوم قالي انا تعبت من الوحدة و لازم اتجوز قلتله تمام ي حبيبي فعلا احنا كبرنا قاللي احنا مين لا طبعا انا مش هينفع اتجوزك انتي
مش شايفة منظردك انتي كبرتي و انا عاوز ست حلوة و خلفة و عيال و سابني تخيلوا انا مش عارفة اعمل ايه انا غلطت عشان كنت بنت اصول ادعولى, Society Problems
أبريل 23, 2024
-
النهارده بس
مشاكل الخطوبه
- كتبو Society Problems