اخويا امبارح راح يتقدم لواحده زميلته معاه ف الجامعه واحنا ف الطريق كمين وقفنا وسحب من ابويا الرخص بتاعت العربية ابويا بقا مضايق جدا ف امي بقت تهدي فيه وتقوله خير بعد ماوصلنا وطالعين ع السلم واخويا شايل الجاتوه 3 عيال صغيره كانوا بيجروا ع السلم خبطوا ف اخويا راح الجاتوه وقع ف الارض واتبهدل ف ابويا بقا عمال يخبط دماغه ف الحيط واضطرينا منطلعش راح ابويا قعد اخواتي وامي ف العربية وراح يجيب جاتوه من اقرب حلواني ف المنطقة وبعد ماجبنا الجاتوة وطلعنا والعروسة بتقدم الحاجة الساقعة اخوها الصغير كان معاه مسدس خرز راح ضربها بيه راحت وقعت الكوبيات ع ابويا واخويا راح ابويا قايم متنرفز ومزعق راح ابو العروسة فضل يتأسفلوا وخد ابويا بيسندوا عشان يدخلوا الحمام راحوا الاتنين متزحلقين ووقعوا ع الارض وبعد ماقومناهم وقاعدين بنتكلم ف تفاصيل الجواز ام العروسه راحت مصوته واغمي عليها ف المطبخ بسبب انها لقت فأر واقف بياكل ف الجاتوه, Society Problems
like
Dislike
أكتوبر 05, 2024 - - كتبو Society Problems
انا مخطوبة لشاب بيشتغل ف الامارات محترم و كويس جدا و اي بنت تتمناه من حبه ليا و حنيته عليا واحترامه و مع اهله معيشهم عيشه تشرف و مستوي راقي بس في عيب بسيط انه بيشغل فلوسه مع ناس عرفنا انهم بيتجاروا في الحشيش و حاجات من النوعية دي و ماما بتقولي انتي مالكيش دعوة ولا هو دول صحابو اللي يتعاقبوا هو بيبعت للشغل لكن مش هو اللي بيبيع و لما كلمته قالي ده مصدر رزق كبير و مش هعرف ابطل وانا مش بشتغل انا ببعت بس محتارة مابين حبه ليا و بين اني خايفه نصيحة بادب, Society Problems
like
Dislike
أكتوبر 04, 2024 - - كتبو Society Problems
واحد زميلي عايز يتقدملي قالي ممكن اشوفك بعلم اهلي نعرف بعض اكتر واهلي وافقه نزلت اشوفه و انا في الطريق لاقيته بيقولي هتغديني ايه النهارده ضحكت قالي انا بتكلم بجد افتكرته بيهزر اتقابلنا لاقيته بيقولي يلا نروح مطعم مشيت معاه دخلنا طلب اكل بفلوس كتير وبعدها لاقيته بيقولي عايزه اغرمك وخرج اتكسفت دفعت الحساب لانه وقف بعيد بعد مارجعت البيت معرفتش احكي لاهلي وشكلي كان زعلان وقولت لي ماما مفيش نصيب مش مرتاحه وهو مبكلموش وكل شويه يكلمني برد ع اد الكلام ليه عمل كده يابنات مع العلم هو بيقبض حلو ومرتبه كويس ؟؟؟؟؟, Society Problems
like
Dislike
أكتوبر 04, 2024 - - كتبو Society Problems
انا ساكن قدامي بنت متجوزه مشأء الله تبارك الله جميله جدا على درجه عاليه من الجمال دائما بشوفها وهى بتلم غسيل او بتنشر او واقفه فى البلكونه بيكون نفسي اكلمها واتعرف عليها لدرجه ان بكون ببصلها بشده بكون مش عايز اشيل عينى من عليها انا فى فى الشارع من قبل ماهى تيجى تسكن فيه ومش من طبعى ان اقف فى البلكونه او افتح شباك لانى اعزب بس من وقت مشوفتها وانا دايم فى البلكونه على العلم ان شوفت احلى منها بس هى مختلفه عندها ثقه فى نفسها غير طبيعيه خالص بشوفها وهى ماشيه فى الشأرع او خارجه من العماره على العلم إني اي بنت تتمنى تكلمنى وتتعرف عليا بس هى مختلفه وغيرتلى حالى كل مرجع من الشغل افضل فاتح البلكونه عشان اشوفها بقالى سنه ونص على الوضع دا محتاج نصايحم ارجوكم, Society Problems
like
Dislike
أكتوبر 04, 2024 - - كتبو Society Problems

ده خطيبي وكاتبين كتابنا هو مسافر برة مصر وكان ف مشكلة بينا كبيرة شوية

ده خطيبي وكاتبين كتابنا هو مسافر برة مصر وكان ف مشكلة بينا كبيرة شوية ف أنا زي ما انتم شايفين طلبت الطلاق ف طلقني الكلام ده من كام يوم جيه امبارح شال البلوك وكلمني وبيقولي أنه ما نطقهاش هو كتبها بس يعني يمين الطلاق ما وقعش السؤال هل فعلا بدل مش نطقها يبقى ما وقعش ولا لازم نروح لماذون عشان يرجعني تاني, Society Problems
like
Dislike
أكتوبر 04, 2024 - - كتبو Society Problems
بنات اتقدملي عريس وانا بصلي استخاره الدولاب وقع عليا ده معناه ايييه, Society Problems
like
Dislike
أكتوبر 04, 2024 - - كتبو Society Problems
مساء الخير المفروض كان فرحي بكره خطيبي قرر فجأه انه يسيبني بعد سنتين خطوبه اديتله كل الحب اللي في الدنيا ووقفت جمبه ودعمته سابني بشكل قاسي وحسسني اني قليله ومش كفايه وبدأ يوصلي ده بشكل غير آدمي اتقهرت وعيطت ومكنتش بنام من وجع قلبي واترجيته ميعملش كده بعد ما جهزت كل ركن في شقتي واخترت كل حاجه وبستعد لفرحي فجأه قرر يمشي استعوضت ربنا ف كل حاجه ورضيت والله بعد اسبوع واحد من يوم ما مشي اكتشف انه كان خاطب بنت تانيه وانا معاه ونزل صورته هو وهي ف كل مكان وكأنه قاصد يكسرني ويوجع قلبي ويموتني بالبطيء بكل جحود انا ذنبي ايه يعمل فيا كده  مش قادره انسي الاذي النفسي اللي سببهولي قبل مايمشي ولا قادره ااتجاوز الصدمه ولا قادره اتقبل الوضع انا عارفه ان كل الناس هتقولي كويس انه بعد عنك بس انا بني ادمه مش قادره استوعب ولاافهم ليه يحصل كده ليه يأذيني بالشكل ده والله ما قدمتله غير كل حاجه كويسه 💔, Society Problems
like
Dislike
أكتوبر 04, 2024 - - كتبو Society Problems
لو سمحت انا بنتي مخطوبه من سنه لشاب بيشتغل في الكويت ودخله ماشاء الله كويس وعنده تمليك بس لسه هيتجوزا السنه الجايه في الصيف على ما يكون شطب شقته وجاب الموبليا لانه لسه مشتري الشقه وخلصت كل اللي معاه دلوقتي لما كان هناك كانت بتقوله على حاجات زي لبس من شي ان وحاجات تجميل يعني كانت كل ما بتشوف حاجه عاوزاها على المواقع كانت بتقوله اشتريها وكانت لما بتحس انها تقلت عليه كانت بتقوله احتفظ بس بالفواتير عشان لما تيجي احاسبك عليهم عشان طبعا متحسسوش انها طماعنه فيه وهو كان بيجبلها فعلا لانها مش بتعرف تشتري من اللي بره مصر عشان مش بنعرف ندفع فلوسها بالفيزا عشان البلد مانعه الشراء اون لاين من بره مصر هو دلوقتي نزل إجازته وجابلها حاجتها واتفاجت انه فعلا جايبلها الفواتير وعاوز منها ٢٣ الف جنيه حساب الحاجات ديه هي والله افتكرته بيهزر لكن هو طلع بيتكلم جد وعاوز الفلوس طبعا هي قالتله هجهزهم وهبقى اديهملك وكان عاوزها تقوله امتى يالظبط بس قالتله ربنا يسهل وهي متاثره اوي من الموقف ده وزعلانه منه ومتغيره معاه وبتقول ده بخيل وجلده ازاي يطلب مني تمن حاجه انا قولتله اني محتاجها مع العلم انه مجلبهاش غير حاجات بسيطه هديه زي برفيوم وشوز وساعه حاجات عاديه مش ماركات فكنت عاوزه رايكم هل كده فعلا هو بخيل ومينفعهاش وبخله ده هيتعبها فيما بعد ولا رايكم ايه انا والله بهديها دايما عشان تديله فرصه ومتحكمش عليه بالبخل وعشان متفكرش تسيبه لانها تاني خطوبه لها, Society Problems
like
Dislike
أكتوبر 04, 2024 - - كتبو Society Problems

أنا اتخطبت من ٤ شهور لواحد صالونات

اقبل ي أدمن بصوا ياجماعه أنا اتخطبت من ٤ شهور لواحد صالونات المهم من بعد الفاتحه بأسبوع وهو بيجي عندنا ٣ او ٤ ايام ف الاسبوع حاولت الفت نظره ان كده كتير انت مش من باقيه اهلنا مفيش دم بيجي بردو لدرجه انه بيخلص شغله يجي علينا وعايز يتغدي كل مره ومش اي غدا لا ده بيطلب اكل معين يعني يقولي أنا هعدي عليكي بعد الشغل اعمليلي بط اعمليلي مكرونه بشاميل وكل ده واحنا ف فتره التعارف ولو جه ف اليوم كنت تعبانه مقدرتش اعمل اكل بيزعل ويمشي بجد والله😂 ويفضل طول اليوم يتكلم اني معملتش اكل ومش بقدره وهو راجع من الشغل تعبان قولتله بدل المره الف أنا خطيبتك مش مراتك والبيوت ليها حرمه وعيب كده بابا مش عايز يكلمك ف الموضوع ده عشان ميحرجكش ألاقيه تاني يوم يقولي أنا جاي بقا لو بس تحمري حتتين بانيه وبيقعد يأكل زي الجاموسه المفجوعه ولا اللي مشفش الاكل بقاله سنه المهم بقالنا اربع شويه ع الحال ده وع الملل ده وانا مكنتش عايزه اظلمه من الاول بس اتاكدت بحركاته انه جعان ومعندوش كرامه ده غير انه بيدخل كل مره مش معاه اي حاجه وبيقولي البركه ف الحلو اللي هتعملي بعد الغدا😂 قولتله أنا مش مرتاحه وعايزه افشكل ونخرج باحترام يقولي انتي اكيد أعصابك تعبانه حاولي تقفي ف المطبخ تعملي صنيه جلاش ونحلي بالچيلي هتبقي تمام يعني لازقه ومعندوش دم وجعان وبيرن عليا كتير مش برد عشان ميجيش يجي بردو وأقسم بالله بيبقي ناقص يبوس ايدي عشان اشوحله حتتين كبدا المهم أنا بقالي اسبوع مش بعمله اكل ولا بعبره لقيته بيقولي الكلام اللي ف الاسكرين ده وانا بصراحه مقدرتش امسك اعصابي ورديت الرد ده مع اني عمري م حاولت اكسفه زي ماهو بكرش وع طول كاسفني ده بيقعد يتكلم مع ابويا عن فوائد الباميه وحاجه آخر هـبل المهم يعني أنا دمي محروق بسببه بجد وحاسه انه غلط فيا بعد ما بقالي اربع شهور بطفحه🤦🏻‍♀️ , Society Problems
like
Dislike
أكتوبر 04, 2024 - - كتبو Society Problems
السلام عليكم انا كنت بحب واحد وجالي اتقدم وخطبني بقاله سنه ونص هو مسافر في دوله عربيه والحقيقه انه جدع وكريم وعشان عارف ظروفنا اني بابا متوفي وماما واخواتي بيعملوا اللي عليهم فبيبعتلي مبلغ كل شهر من اول شهر بعد الخطوبه دلوقتي مع فرق العمله المبلغ حوالي ١٢ الف جنيه وكسور عشان بيساعدني في جهازي عشان عاوز اول ما ينزل اكون جاهزه هو خلاص هينزل اول الشهر اللي جاي والفلوس اللي كان بيبعتهالي كنت بكمل بيها حاجات في جهازي وقربت اخلص كل حاجه بس لما فتحنا موضوع القايمه رفضه نهائي ومش عاوز يمضيها لان هنكتب الكتاب اول ما ينزل وبعدها باسبوعين الجواز فهو بيقولي انا هدفعلك ١٠٠ الف اول ما اجي مهر وانا مجهز كل حاجه اجهزه وعفش وفرش والشبكه هو جايبلي شبكه بمبلغ وقتها ٥٠ الف وقالي ده كله مهرك والفلوس اللي كنت ببعتهالك كل شهر مش محسوبين و محدش يعرف بيهم عنده يعني اهله وكده بس انا ماما عارفه كل حاجه وعندي في البيت مش موافقين لازم يمضي على القايمه او الجوازه مش هتم وانا بقوله انت خايف ازاي كده وده عدم ثقه ومستحيل اخلي حد يعملك اي مشكله بس اصحابه مسخنينه وبحس انه بينقل الكلام منهم ويقولو ليا كلام سخيف جدا انا كمان رافضه انه ميكتبش قايمه ده ضمان للوحده في حالة الغدر يعني لو رفض انا هزعل جدا وممكن انا كمان انشف دماغي واعند قصاده دلوقتي هو لو صمم على كده اعمل ايه والشبكه تبقى من حق مين في حالة الفسخ طبعا الفلوس اللي كان بيبعتها كنت بشتري بيها حاجات فمش هينفع اصلا يتكلم فيها عاوزه اعرف اتصرف ازاي لانه بيستندل معايا ومكنتش متوقعه موقفه ده معايا وخوفني منه ومن مستقبلنا مع بعض, Society Problems
like
Dislike
أكتوبر 04, 2024 - - كتبو Society Problems
القوانين | ازاى تستخدم الموقع | احنا مين | اعلن فى الموقع | اتصل بينا | الفيد

حقوق الطبع غير محفوظه © اعمل اللى انتا عايزو