السلام عليكم
بعد إذن حضرتك أنا خطيبي مسافر عمان ومش هيعرف ينزل في العيد وبعتلي عیدیتى 5000 ج على فودافون كاش بقولو المفروض كنت
تبعت 50 جنيه زيادة حق سحب الفلوس من عند الراجل اتخانق معايا وبيقولي آنتي استغلاليه وزعلني من كلامه معايا بالطريقة ديه ومش بكلمه من يومها ومش عارفه أعمل إيه ؟, Society Problems
أبريل 16, 2024
-
النهارده بس
مشاكل الخطوبه
- كتبو Society Problems
مواقف: كل الاوقات | النهارده بس | الاسبوع الماضي | الشهر ده | السنه دى
انا كنت مخطوبه لمحامي وهو لما كان خاطبني كان معه عربية بعد الخطوبه بست شهور باع العربية عشان بيدعى أنه عنده ظروف فبقوله مينفعش تخطبني وانت عندك عربية وبعد الخطوبه تبيعها ،قالي انتي مخطوبه لي ولا مخطوبه للعربية قولتله عادي البنت بتوافق علي العريس لعدة أسباب وانك معك عربية دا من ضمن الأسباب ، قالي تمام وانا مش هعرف اكمل معاكي وكل شئ نصيب انا فكرته مضيق وبيهزر ولكن أخته جت عايزة حاجته وفركش بقالي اربع شهور معرفش عنه حاجه ومش بينشر حاجه علي صفحته ، لحد ما لقيت من شوية بوست أن كتب كتابه بعد العيد والفرح بعد العيد الكبيرعلي وحده تانية ،
انا مقهوره اوي مش عارفه انا عملت و غلطت في ايه ،
حسبي الله ونعم الوكيل, Society Problems
أبريل 14, 2024
-
النهارده بس
مشاكل الخطوبه
- كتبو Society Problems
حسبي الله ونعم الوكيل ع حرقت قلبي انا عروسه جديده بقالي شهر ونص متجوزه و سلفتي كل يوم تبعت في ابنها لما تشوف جوزي رايح الشغل ابنها عندو 8 سنين ديما بشكل متكرر يقعد عندي باليوم كامل ومش بعرف اخد راحتي و يدخل كل اوضه ويفتش ف تلاجه و ساكته قلت يمكن فرحان بيا جوزي جاي من الشغل لقيتو بيقولي انتي بتخونيني انصدمت بتجيبي راجل في بيتي انصدمت يا بنات قعدت احلف قتله كذب تخيلوو قالي ابن اخويه شافك بعينه لي هو 8 سنين وفضل يدور في البيت لقه ساعه رجالي و خاتم واقع تحت الركنه و لقي مفتاح واقع ع السلم لي بيطلع ع شقتي قالي أن كان في واحد هنا ولمه عرف أن جوزي جه هرب أنا بسمع وانا مصدومه و اتاري سلفتي هيا لي عملت كدا و بعتت ابنها يعمل كدا ويحط الساعه والخاتم نفسي افهم هو في أم تعلم ابنها يعمل كدا في واحده تخرب بيت كدا تخيلوو جوزي طردني وانا عروسه اتصلت بي ابويا جالي لقاني وقفه في الشارع ليه بس تاخدو بنات الناس عشان تبهدلوهم طب لو في وحده هتخون جوزها في أول شهر جواز طب في واحده هتخون جوزها في بيت عائله ربنا يقعدو في بناتك يا ظااالمه حد يحط نفسو مكاني بس مش عارفه اعمل ايه حسبي الله ونعم الوكيل فيكي هيا هنا في الجروب قلبي مكسور اوووووووي يا بنات حسبي الله ونعم الوكيل ربي ينتقم منها, Society Problems
أبريل 11, 2024
-
النهارده بس
مشكلات زوجية
- كتبو Society Problems
السلام عليكم محتاج رأيكم انا فسخت الخطوبة في شهر ٢ اللي فات بسبب باباها ، كنت متفق في بداية الخطوبة علي أن المدة سنة ونص بداية من شهر ١ /٢٠٢٣ جيه هو فشهر ١١ قالي انت ناوي علي أمتي ، قولتله شهر ٦ ، قالي لا شهر ٦ كتير ، قولتله والله ده اتفاقنا ياعمي ولو قدرت قبل كدة ليه لا ، ربنا ييسر الحال والأسعار والتشطيب وبعمل كل حاجة مفيش حد بيساعدني في حاجة المهم عدلنا الاتفاق علي شهر ١ ، جيه شهر واحد ومش ملاحق قولتله خلاص شهر ٢ وانت شايف ياعمي الاسعار وانا كنت معرف خطيبتي اني مش معايا فلوس تكمل اللي باقي عليا ، وكانت هي كمان بتضغط انا عايزه اتجوز فشهر ٢ المهم كان باقي عليا اعمل الرخام بتاع المطبخ والسجاد والستائر والمراتب والعفش و ملحقتش اعمل حاجة وروحت اتفقت مع نجار يعمل العفش عمولة وقالي هاخد ٥٠ يوم ، أو شهر كمان بعد شهر رمضان وانا بصراحة لقيت شغله كويس واسعاره كويسه، فدفعتله عربون وبكلمها اتناقش معاها فالعفش والأشكال ولسه مروحتش من عند النجار لقيت باباها عرف منها أنه النجار هياخد ٥٠ يوم لقيته اتصل بيا ، سألني انت عملت ايه مع النجار ،قولتله قالي ٥٠ يوم ايه ، اخرك معايا خامس يوم العيد ، يا كدة يا ملكش دهب عندي ، انا مصدوم من كلامه بقوله ايه الكلام ده يا عمي قالي هو .ين ام كلامي كدة وقفل السكة فى وشي وهو صوته عالي قفلت معاه وكلمتها ، وقولتلها اللي حصل ده مش مقبول ولا هقبل بيه وانا بعامله باحترام ، قالتلي هو اللي سألني فقولتله وهو مش قاصده ، وهو انت برضه غلطان علشان اديته اكتر من ميعاد و٥٠ يوم كتير برضه وكان المفروض تستأذنه قولتلها انتي عارفه كل اللي معايا كام ، قالتلي قوله مش معايا فلوس ، قولتلها اللي ما يشوفش من الغربال يبقي اعمي يعني المفروض يقف جنبي ويصبر عليا انا مش شغال حرامي وبعدين انا غلطان اني عدلت الاتفاق قولتلها انا هكلم عمك ، قالتلي انت معاك بابا وعمي مش هدخل فالموضوع ده روحنا قعدنا انا وبابا وعمها وباباها المهم شدوا مع بعض وباباها مش مغلط نفسه فوالدي اخد عمها علي جنب ، وقال كدة الموضوع صعب وكل شيء قسمة ونصيب ، بعد ما نزلنا عمها قال كدة ملكمش دهب قولتله كدة حرام هو السبب في فسخ الخطوبة قالي لا ملكش دهب ، كلمت ابوها قالي ملكش دهب واللي انت عايز تعمله اعمله كلمتها قالتلي فبداية المكالمة ملكش دهب ، هو ده اللي همك قولتلها هضطر ارفع عليكي وعلي ابوكي قضية قفلت فوشي والدي ووالدتي راحوا لجيرانهم من ورايا قالولهم علي مشكلة الدهب وأنهم مش عايزين يرجعوا الدهب فالوقت نفسه اللي انا كنت متضايق اني بحبها وحصل كل ده قعدت ابعتلها فرسايل واخلي قرايبي البنات يكلموها ويروحولها البيت لحد لما عرفت أنها وبنت خالتها وامها راحو الشغل عندي واتقابلوا مع مديري فالشغل قالوله خلي أهله يبعدو عننا علشان منعملوش هو وأهله محضر فالقسم ( كل ده وانا لسه مكنتش خدت دهبي ، وكنت بحاول اصالحها ومعملتش حاجة علشان تقول هعملهم محضر فالقسم ) المهم عرفت قولت كدة خلاص الموضوع استحالة يرجع وكلمت عمها قولتله كدة عيب وعايز حاجتي بالأدب والمعروف قالي ابوها مش عايز يرجعلك حاجة ، وقال تدفع ١٠ آلاف وتاخد دهبك ، قولتله بتوع ايه ده الخطوبة فالبيت وانا اللي جايب فستان الخطوبة والميكاب والجاتوه والبيبسي انا اسف يعني اني بقول ده ، بس بتوع ايه قالي علشان هو اتكلف فالخطوبة وبنته اتخطبت سنة قولتله ماشي مش مشكلة واخدت الدهب كدة انا ظلمتها أو غلطان ؟! ورغم كل اللي حصل ده لسه بحبها ومش قادر اتخطي فكرة غيابها وزعلان علي أننا كنا هنتجوز فشهر ٦ وكنت خلصت الشقة ,انا عندي ٣١ سنة وسني بيكبر ينفع ارجعلها ولا ممكن هي وأهلها بعد كدة يبهدلوني في حياتي مش عارف افكر, Society Problems
أبريل 09, 2024
-
النهارده بس
مشاكل الخطوبه
- كتبو Society Problems
ازاي اتخطي حب اربع سنوات وبعد محاربتنا بين الظروف كلها اتخطبنا شهر واحد بس وسبني بسبب تدخل أهله وأنه بيعلقوا علي اي حاجه حتي لو صغيره وهو بحكم شغله صعب وضغوطات كتير هو مستحملش كمية الضغط اكتر حاسة اني في حلم ومش عارفه افوق منه حياتي واقفة حرفيا لاني كنت مكتفيه بيه هو بس ومليش غيره .. ادعولي ربنا يصبرني ويرجعهولي تاني ويهدي أهله عليا يارب ادعولي عشان انا تعبانه بجد منغيره .. وفي الاخر قالي تراكمات وانتقادات اهلي ليكي امي ثم لا احد لان باباه ومامته منفصلين وهي اللي كبرت وربت ومتمسك بيها وانا مش هيبقي مرتاح ولا مبسوط وشايف امي مش مرتاحه بسببك وأنها مش راضية عليكي واخر مكالمه كانت بنا قالي كلمي امي وارضيها وانا هبقي مرضي ..وفي الاخر قالي الجواز بالعقل مش بالحب الحب هيجي بعد الجواز فانا هرمي قلبي ومش هختار بيه تاني هتجوز بالعقل بقي لان بالمنظر اللي احنا فيه دا عدم تفاهم الأهل دا هيؤدي الي طلاق وخراب بيت قدام وانا مش هقدر علي خراب البيت بعدين ..ادعولي عشان ملحقتش افرح بجد بخطوبتي كل حاجة راحت في ثانيه وهل ممكن يرجع في يوم او لا, Society Problems
أبريل 07, 2024
-
النهارده بس
مشاكل الخطوبه
- كتبو Society Problems
انا كنت قايل لخطيبتي ان هديها ٢٠٠٠ عشان طقم العيد و انا فالجيش وكداا بس حصل ظروف ومعرفتش اوفر غير ١٥٠٠ ولما جيت اديهم ليها واحكيلها اللي حصل مرضيتش تاخدهم وبتقولي انا مش عاوزه حاجه وانته بتحسسني ان انا تقيله عليك ومتغيرة وبتقول انا مش عاوزه حاجه منك انا اهلي مش مخليني محتاجه حاجه مع العلم انا بخرجها كل اسبوع وجبتلها كل المواسم اللي بتيجي زي عيد ام وحب وحاجات رمضان ونص شعبان اديتها ٥٠٠ جنيه اعمل اي عشان كلامها ده تعبني؟, Society Problems
أبريل 06, 2024
-
النهارده بس
مشاكل الخطوبه
- كتبو Society Problems
السلام عليكم دلوقتي احنا لسه مرتبطين يا دوب قرأنا فاتحه والخطوبه كمان شهرين كنا اعدين مع بعض ومسكت موبيله عادي لقيت بنت عنده لما جيت اواجهه فضل يزعق اني ازاي امسك موبيله واني مش اد الامانه وقام ضربني بالقلم أنا خدت القلم وقمت مشيت جه عليا ومسك ايدي وقالي انتي مش هتمشي وفضلنا نزعق كتير قام كان عايز يضربني تاني والناس فضلت تحوش لحد ما سبته وركبت تاكسى جيت ناحيه البيت خلاص لقيته مستنيني تحت البيت وبيعتذرلي وأنه اد اي ندمان أنه عمل كدا وتتقطع أيده يوم ما يمدها تاني عليا وكلام من دا ومسبنيش حرفيا غير لما قولتله اني خلاص مش متضايقه أنا دلوقتي مش عارفه اكمل واعمل خطوبه واتجوزه ولا انهي الموضوع !!!, Society Problems
أبريل 03, 2024
-
النهارده بس
مشاكل الخطوبه
- كتبو Society Problems