مواقف: كل الاوقات | النهارده بس | الاسبوع الماضي | الشهر ده | السنه دى

انا متزوجة من ٢١ سنة تزوجنا عن حب وكان يكبر عني ١٣ سنه وعندي منه اولاد ومنهم عروسة فى الجامعه كان البيت هادي لفترة قريبه حتى اكتشفت انه على علاقه بوحدة وقالي انه راح تقدم لخطبها وهو متعلق بها جدا وعن قريب يتم الزواج وانا حسة انى هموت لان كنت مخلصة وتحت رجليه وكان قلبي دائما عليه وعلى فلوسه كنت مشية بما يرضي الله زوجي طيب جدا وكريم وعنيد جدا وانا بحبه جدا ومش عارفه اعمل ايه وعيالي زعلانين علشان طلبت منه الطلاق بيقولي عيشي علشان الاطفال اللي معاكي وانا مش قدرة اكمل , رايك يهمنا
عايزة اخد رايكم ف حاجة وقولوا مين الصح من باب الفضفضه لو حبيتي واحد وهو حبك واتقدم لاهلك ودخل من الباب وكان محترم ومن عيله محترمة جداااا ومهندس وفيه كل الصفات ال تحتاجها اي بنت بس عيبه انه منفصل ومعاه ولد عنده سنه وشهر واهلي رفضوا للسبب ده لان هو مفهوش اي عيب تاني للعلم هو من المحلة وانا من اسكندرية واما والدتي رفضته قالي اصبري شوية ونحاول تاني بس هو ايامها كانت نفسيته وحشة لانه كان بيتفاوض مع مراته ع رؤية ابنه فكان ع آخره حسيت ان رفض اهلي هيزود عليه الحوار وهيزود همه وطبعا كلام اهلي من نوعية ممكن مراته تغريه وترجعه ويحن عشان ف بينهم طفل بس هو مش كده خالص وشاف منها كتير للاسف وحش وكلام من نوع العيال مش هيحبوا بعض وانتي هتبقي بين نارين وممكن كل شوية مراته تعالي شوف ابنك عمل وخلي وسوي وانا اغير يعني بس انا كنت واثقه انه عاقل وكان هيعرف يعمل توازن لكل ده بالعكس كنت مرحبه جدااا ان ابنه يعيش معانا لو اتربي ف وسطنا هيطلع يحبني وهيبقي مفيش كره بينه وبين اخواته لان والدته طبعها صعب فاضطريت ساعتها ابعد اختفيت قفلت نت وغيرت رقمي وبعدت عن الفيس فترة 8 شهور بس هو فضل ف بالي واول ماعملت فيس تاني قولت ادور عليه واسال عليه بس سالنا ع بعض رحب بيا وقال انه مبسوط بس بعدها عاتبني وقالي سبتني وانا محتاج وجودك وبقيت قاعدت ابرر بس وانا مكسوفة ومش عارفخ اتكلم معاه اقول ايه وع فكرة هو مطلق وكده بس صغير 29 سنة قولولي اعمل ايه او اقنع اهلي ازاي او مين فينا ال صح , رايك يهمنا
أنا كنت مرتبطة بشخص محترم وهادي بس مشكلته الوحيدة إن شخصيتة ضعيفة مع اهله مبيعرفش يقول لا،كل حاجة يقول حاضر ونعم حتي لو غلط او هتحرجة قدام حد متحكمين فيه ومسيطرين عليه زيادة عن اللازم انا مقولتش يعصيهم بس ع الاقل يكون ليه رأي ومحدش يتكلم بلسانه ف غيابة ف حاجة ميعرفهاش اصلا،انا بقي كنت فاكرة انه بيحبني زي ماكان دايما يقول بس طلع العكس لما اهلي قررو فسخ الخطوبة لأن اهلة غلطو ف حقنا كتير وهو ساكت بيقول نعم وحاضر وبس،كنت فاكرة انه ممكن يتمسك بيا ويحاول يصلح الغلط علشان منبعدش عن بعض لكن للأسف معملش كدا وطبعا دا كان رأي اهله مش محتاجة كلام……. , رايك يهمنا
أنا كنت مرتبطة بشخص محترم وهادي بس مشكلته الوحيدة إن شخصيتة ضعيفة مع اهله مبيعرفش يقول لا،كل حاجة يقول حاضر ونعم حتي لو غلط او هتحرجة قدام حد متحكمين فيه ومسيطرين عليه زيادة عن اللازم انا مقولتش يعصيهم بس ع الاقل يكون ليه رأي ومحدش يتكلم بلسانه ف غيابة ف حاجة ميعرفهاش اصلا،انا بقي كنت فاكرة انه بيحبني زي ماكان دايما يقول بس طلع العكس لما اهلي قررو فسخ الخطوبة لأن اهلة غلطو ف حقنا كتير وهو ساكت بيقول نعم وحاضر وبس،كنت فاكرة انه ممكن يتمسك بيا ويحاول يصلح الغلط علشان منبعدش عن بعض لكن للأسف معملش كدا وطبعا دا كان رأي اهله مش نحتاجة , رايك يهمنا