مواقف: كل الاوقات | النهارده بس | الاسبوع الماضي | الشهر ده | السنه دى

انا مشكلتي مع ابويا مش مشكلتي لوحدي اختي نفس النظام برضه مضايقة منه بسبب طريقته هو الحمدلله المفروص مقتدر ماليا بس احنا منعرفش تفاصيل حياته هو اللي بيحب يخبي دخله وخارجه ومحدش يعرفها غيره بنحسه كلنا بخيل ومستخسر فينا مش عايز اظلمه في الكلام بس هو اه بيأكلنا احسن اكل وبنلبس وبنخرج بس مشكلتنا معاه انه فعلا مش معيشنا في المستوى اللي المفروض احنا نكون فيه وانا دلوقتي بطلت اتكلم معاه وبقيت متجنبه وده مزعلني وحاسس بالتقصير من ناحيته بس انا مش عايز اتخلي عن موقفي عشان هو واخد باله فبيعاملني بالمثل، مش عايز تكلم معايا فانا كمان مش هتكلم معاك, فالمشكلة انه مش شايف نفسه مقصر وانا لو تخليت عن موقفي هحس نفسي بتنازل عن حقي اني اعيش حياة كريمة فالمستوى اللي المفروض اعيش فيه انا والله مش وحش بس انا فعلا طريقته بتقلبني لشخص وحش عينيه في حاجة صحابه وبدأت احس بالغل والحقد مش عشان هم عندهم حجات نفسي فيها لا لو المشكلة كانت مادية فهقول الرزق ده بتاع ربنا اما انا بحسدهم ان اهاليهم بتحاول تبسطهم وتجبلهم كل اللي نفسهم فيه وانا اللي لا فعايز حل ازاي اعيد علاقتي حلوة معاه وافهمه ان احنا فعلاً مستوانا بقا زبالة عشان يرجع يقدرنا وخصوصا اننا هنتخرج قريب , A7A
عندي 16 سنه و متقدملي عرسان كثير ومنهم ابن خالي وهو كويس ومحترم وماما واخواتي عايزين اوافق عليه هم شايفينه كويس بس انا مش مرتاحه و حاسه ان الحاجه دي لسه بدري عليها ممكن تساعدوني خايفه استنى شويه ما لقيش الفرصه دي تاني , A7A
انا بحب بنت وبصراحه هي قمر جدا مش زي شكلي 🙂🙂المهم احنا بنتكلم فون وكل حاجة والدنيا تمام وعايز اصارحها بس خايف اعمل ايه , A7A
البوست ده للبنات بس ♥️ طويل شويه بس هايغير حياه ناس كتير ان شاء الله ♥️موضوع الميكب والفستان والناس اللي بتقول ١٠ الاف 😦🙂😦 انا بنت متجوزه من اكتر من سنتين اتخطبت سنتين وشويه خطوبتي كانت كلها مشاكل بمعني مشاكل خطيبي كان مسافر ووالدي منفصل عننا مالوش دعوه بينا والدتي واختي هما كل حاجه واختي متجوزه في محافظه تانيه ♥️ المهم خطيبي وقتها اللي هو جوزي حاليا ربنا يبارك فيه ويحميه ويخليه لينا عملي خطوبه كبيره في قاعه وجابلي فستان وعملت ميكب وعملنا سيشن تصوير وكان جابلي دهب ب حوالي ٣٠ الف اقل بحاجات بسيطه كدا وفي الاتفاق عمل هو العفش بتاعه وانا الاجهزه الكهربائيه وكان في الاتفاق عامل اكتر ما الناس بتعمل عندنا في القريه ربنا يحميه ويبارك فيه يااارب ♥️ احنا من قريه ومفروض البنت بتعمل ركنه او اوضه اطفال او انتريه بس هو قال لا هاعمل العفش كله والحمد لله ماكنش في اختلاف في الاتفاقات🙏 كانت خطوبتنا مليانه مشاكل وخلافات ع حاجات بسيطه وتافهه بس هو مابيحبش العند وانا كنت لمضه وفي العند مابتفاهمش 😂 وهو مابيجيش بالطريقه دي زي اي شاب في سنه المهم كنا بنتخانق ومانتكلمش كتير بتوصل لشهر عادي جداا وكذا مره نسيب بعض ونرجع وحوارات كتير من هذا القبيل ☹️ كنت زي اي بنت عايزه اعمل كل حاجه واغلي حاجه مابفكرش في حاجه غير انا وبس الحقيقه كنت طماعه وشايفه ان الراجل يستحمل ويدفع دم قلبه زي ما بشوف البنات بتقول في الكومنتات كدا 😂 ووالدتي ربنا يخليها ليا عايزه تعملي احسن حاجه والناس كلها تتكلم عن فرحي وعفشي وخطوبتي زي اي ام عايزه بنتها اسعد واحده بس امي كانت عامله حساب للناس زياده شويه وانا كنت كدا مش هاكدب وكان هاممني اوي المظاهر الكدابه دي ولازم احسن فرح واحسن قاعه واغلي فستان وميكب وكل التفاصيل دي 🙂 وكان اي مشكله بينا معايا حق مش معايا والدتي في صفي وعمرها للاسف ما قالتلي انتي غلط لا كل مره انا الصح وخطيبي الغلط مع اني كنت مستفزه وطول الوقت بفكر في نفسي طبعا كنت غلط😦 لحد ما اخر مره كنا خلاص بنفركش الموضوع وكنت هاموت لو فركشنا بس العند اللي جوايا كان مخليني اعمل مش فارق واقول خلاص مانكملش عادي والاهل اتدخلوا واختي جاتلي كانت متجوزه بعيد عننا في محافظه تانيه وخدتني معاها يومين وكلمتني ♥️وكان اجمل يوم في حياتي يوم ما كلمتني ♥️علمتني في اليوم ده ازاي احافظ ع خطيبي وبيتي وابقا بنت اصول بجد مش كلام وبس ♥️ربنا يبارك فيها ويحميها ويبارك في اولادها واقدر اكون ام زيها كدا يارب ♥️ قالتلي اول حاجه عمر ما في بيت ربنا بيبارك فيه بالاسراف والطمع والانانيه والاسراف والفشخره👏 فهمتني ان خطيبي ده هايكون جوزي وابو ولادي وكل قرش نوفره احنا هانتبسط بيه وان المظاهر كدابه والناس مش مهم كلامهم الاهم حياتك في بيتك ♥️ ان البركه بتيجي من اننا بنراعي بعض ونحس ببعض وتكوني امه مش عدوه وتخافي عليه اكتر منه وتفكري فيه زي ما بتفكري في نفسك ♥️ ان لو عندك ابن وحياته زي خطيبك وانتي امه هاتقبلي يصرف الفلوس دي ع الفستان والميكب والفرح والحاجات اللي والله لا ليها لازمه ولا بتنفع في حاجه غير انها بتكون سبب في بدايه حياتكوا بمعاناه وديون ع جوزك اللي هو بقا حياتك وبيتك قولتلها لا طبعا ما اقبلش ع ابني يتمرمط كدا 😂 قالتلي ان الفشخره الكدابه بيبص عليها الناس الجعانه بس اما الشبعان عينه مليانه وبيراعي ربنا وبيحافظ ع فلوسه وفلوس غيره ♥️ كل بنت عايزه تفرح طبعا بس الفرحه مالهاش دخل بفرح غالي واغلي فستان واغلي ميكب وكل الافتري ده ♥️♥️ والله العظيم الكلام يومها كان من بوقها لقلبي ع طول ماخرجش منه لحد اللحظه دي وان شاء الله عمره مايطلع ♥️♥️خطيبي وقتها كان مسافر لسا وبيبدا حياته ووالده متوفي ومالوش اخوات وكل حاجه عليه هو وكان كلمه مطحون دي ما تجيش حاجه جنب حياته حبيبي ربنا يجازيه خير ع كل يوم غربه وكل لحظه تعب وكل يوم اتمرمط فيه علشان يكون نفسه ♥️كان دايما يقولي بلاش حاجات كتير في جهازك هاتتركن حسي ب امك وراعي انها بتتعب مش لازم تجيبي حاجات كتير هاتي اللي هانستخدمه بس وكان بيتخانق معايا والله اما بجيب حاجات كتير وغاليه ربنا يحميه ويخليه لينا يارب ♥️♥️امي كانت عايزه تجيبلي احسن حاجه زي ما قولتلكوا وتفرح بيا وهي احسن ست في العالم طبعا ربنا يبارك فيها ويجازيها خير ع كل دقيقه تعبت فيها علشاني ♥️♥️بس كان موضوع الناس فارق معاها اوي وعايزه تخلي كل الناس تتكلم عن فرحي والعفش بتاعي المهم مفروض العفش في القريه بيلف من بيت العروسه للعريس خطيبي كان رافض المبدأ ده وانا وامي موافقين ولازم طبعااا يلف 😂 بعد كلام اختي فوقت وحسيت قد اي انا انانيه وطماعه فعلا وبهتم بالفشخره ومش حاسه بخطيبي وقررت يومها اللهم لك الحمد احسن قرار في حياتي كلها ♥️مافيش فرح 😁 مافيش لف بالعفش 😁 مافيش احسن ميكب مافيش اغلي فستان 😎 اها والله زي ما بقولكوا كدا ساعتين كلام مع اختي قلبوا حياتي ♥️ خطيبي كان مصدوم وازاي امبارح واحده طماعه وانانيه بتكلمه تتحول كدا 😂 امي طبعا قعدنا ايام مناقشات وخناقات لحد ما اقنعتها بمسانده اختي ربنا يخليها ليا ♥️♥️ قولتلها كلمتين اختي قالتلي احفظهم 😂 تختاري ياماما اكون مبسوطه في الفرح والعفش بس ولا باقي حياتي مستوره وسعيده وبخير ♥️ عيطت طبعا وقالتلي اكيد يابنتي فرحتك وسعادتك واقتنعت الحمد لله مع انا كان الفرح بالنسبالي اهم من العريس نفسه 😂😂 اها والله 😂 عملت ميكب عند واحده كانت لسا جديده ب ٨٠٠ جنيه وواحده صاحبتي كان عندها فستانها اخدته منها واديتها ٥٠٠ جنيه ايجار والله 😂 كنت هانزل اشتري فستان من القاهره في رنج ٢٠٠٠ من عباس العقاد قالوا في ناس كتير بتبيع وكنت مقرره مافيش ايجار هاشتري وبعد كدا يطلع لله ♥️ والحمد لله كتبنا الكتاب واتصورنا بالفستان والبدله وزفه عربيات وفل اوي الحمد لله ع كدا ♥️ يوم فرحنا بقا بعد ما وصلنا البيت واحلي يوم في حياتي ♥️♥️♥️ صلينا واكلنا وهزرنا واتكلمنا واليوم الحمد لله سهل وبسيط وووالله ربنا مبارك في كل حاجه ♥️♥️ الاقي جوزي مطلع فلوس كتير ازيد من ٤٠ الف يومها ويقولي دول تقولي عايزه تعملي اي ووالله لا يتنفذ لو عايزه تاخديهم كلهم ليكي ♥️♥️ حبيبي ربنا يحميه ويخليه لينا يارب قولتله بكل ثقه والله وقتها وكانت من قلبي وحسيت بالكلام ان ده طبعي وحقيقه قلبي مش تمثيل وطمع زي الاول 😂 قولتله خد دهبي بيعه ويبقا معانا فلوس مركونه لاي ظرف او لا قدر الله حصل حاجه مش عايزه فلوس كفايه انت عليا ♥️♥️ ووالله كنت صادقه في كل حرف وربنا شاهد ع كلامي ♥️ من فرحته بيا وبالتحول اللي حصل في اخر كام شهر قبل الفرح مش مستوعب مين دي 😂 وجالنا فلوس كتير من صحابنا وقرايبنا وكان ربنا مبارك والله في كل حاجه لدرجه والله كنا ناكل نحس الاكل ما بيخلصش 😂♥️وسافرنا اسبوع هاني مون كان مفرض ٣ اسابيع قولتله لا بيتنا وحشني وصممنا نرجع بيتنا والمفاجاه بقا بعد حوالي شهرين كنا سافرنا وعملنا اجمل حاجه في حياتنا عمره وشوفنا بيت ربنا وكنت هاموت من الفرحه اقسم بالله اول ما شوفنا الكعبه قدامنا كدا كان نفسنا في توأم ودعينا كتير وربنا كرمنا الحمد لله ربنا يحميهم ورينا بيرزقنا من وسع دايما اللهم لك الحمد وبيتنا بقا مبارك الحمد لله من ربنا♥️مهما اقول والله مايكفي في حبي ليه ورجولته وتربيته واصله اي حاجه مهما اقولها قليله عليه ربنا يحميه ويبارك فيه واقدر احافظ عليه واكون استاهله ♥️ طولت جدا عليكوا بس عيطت كتير والله وانا بكتب وزعلت ع كل يوم كنت طماعه وانانيه فيه وعنيده وشايفه ان الست زي الراجل كلمه بكلمه وموقف بموقف وتعمل يبقا هاعمل وده خلاني اخسر ايام كتير في زعل وخناق وبهدله ☹️ افهموا ان الراجل عايز الست زي بنته وزي امه قولوا حاضر ونعم وحقك عليا وانا اسفه مش هايتكرر تاني ولو حد غلط فيكي ما تقبليش غلط ولا حد يدوس ع كرامتك ولا تقبلي اهانه ده مافيش فيه كلام ♥️ البركه بتيجي من اننا نراعي ربنا ونحافظ ع نفسنا وفلوسنا وما نبقاش مسرفين انا مش شيخه ولا احسن واحده في الدنيا بس فهمت الحمد لله الصح فين ومشيت عليه وشوفت نتيجته في حياتي اللهم لك الحمد داخله ع ٣ سنين لا في كلمه وحشه ولا خناقه ولا قله قيمه كله الحمد بخير وسعاده حتي الزعل حلو ما بيعديش يوم ♥️♥️ امه واخته من يوم مادخلت بيته وانا بنتهم وشايلاهم في عيني وهما حاطيني جوه عنيهم وبقيت اغلي من ابنهم والله عندهم 😂 قرروا حياتكوا ووفروا المظاهر الكدابه ووفروا كل قرش ليكوا هاتفهموا ده بعد الجواز ♥️♥️ الفرح مش احسن حاجه في الدنيا ولا الميكب اللي هايخليكي نضيفه ولا اغلي فستان هايخليكي بنت ناس كل دي مظاهر والله ♥️ في اكتر بكتير اوي وانتي نايمه مبسوطه ومطمنه ومافيش زعل ومشاكل وربنا مبارك فيكوا وفي ولادكوا وحياتكوا ♥️ كل حاجه بنعملها هانتحاسب عليها والله والاسراف ده مش حاجه بسيطه هاتعدي كدا لا ده بيتكوا والله بيفضل باقي حياتكوا متاثر بيها والغم والزعل مالي بيتكوا خدوا بالكوا بالله عليكوا ♥️ اخيرا ادعوا لامي واختي وجوزي واهله وولادي وربنا يبارك فينا وفيكوا يارب ♥️ قره عيني هنا طبعا وهايشوف الكلام ده ربنا يخليك لينا حبيبي ♥️ , A7A
انا وجوزى بقالنا ٤ سنين اكيد في مشاكل من وقت لتاني بس اخر مشكلة طلقني وياريتها مشكلة كبيرة عشان اسمع كلمة زي دي المهم هو ردني بس انا مكسورة اوى من جوا ويمكن هو كمان هو بجد بيحاول يرجع الحب ونا بحاول على قد مقدر بس انا مكسورة اوي و مصدومة و متوقعتش ان ممكن يقلي كلمة زي دى و دلوقتي كل مشاعري متلغبطة و حزينة و حاسة بعدم الامان لانو يقدر يعدها تاني مدام حصلت فى اتفه المشاكل واني المفروض اتجنب اكون نفسي زي الاول مش عارفة اعمل ايه بجد حتى اني خايفة من الحمل عشان مكنش مسؤولة لوحدي لو طلقني , A7A
ولاد اخو جوزي اشقيا جداً و قللات ادب و هما اصلا لسه صغيرين اكبر واحد فيهم ف تالتة ابتدائي و انا ابني تمن شهور و بيلقط اي حاجة و مش عاوزاه يلقط منهم قلة الادب دي مع العلم اني مش هعرف ابعدو عنهم عشان احنا في بيت عيلة و حماتي بتقولي سيبيهم يلعبو دول ولاد عمو بس انا عاوزه اربي ابني تربيه سوية و ميشتمش ولا يغلط في حد اعمل ايه , A7A
انا متجوزه من ١٠ سنين واحدة صحبتي ضحكت علي منها لله نصحتني وقالتلي ان لو عاوذه جوزك يبقي زي الخاتم كل مايطلب منك علاقه قوليله لا وقوليله انك مش بتحبي العلاقه الجنسيه واستخدمي اسلوب سد النفس علشان يركعلك وانا ذي الهبله صدقت وعملت كدا وعملت كدا لمده ٧ شهور ودلوقتي هوا اصلا مابقاش بيطلب العلاقه الجنسيه خالص معايا حتي لما بقله بيقلي لا وقرفان مني جدااا انصحوني ابوس اديكم , A7A
انا عايزه دكتور نفسي كويس في اسكندريه عشان حاولت احلها كتير مع بابا و ماما بس للاسف مفيش فايده اللي يعرف يقول , A7A
انا فتاه في ال١٨ و مشكلتي مع جدتي لانها تتشاجر معي هي باستمرار لانهم تريد مني ان استقبل الخطاب من الان وأتزوج اثناء الدراسةو ان لا ارفض اي عريس بمعنى اصح اتزوج اول رجل يطرق بابي و انا لا اريد ذلك .انا اريد ان ان يكون لي شروط مثل اي شخص و لا اريد استقبل الخطابين من الان و لا اريد الزواج اثناء الدراسة لانه صعب لكن لا تقتنع مهما قولت و انا سني غير مناسب لتحمل مسوؤليات الزواج او حتى لاختيار شريك حياه و لست مؤهلة لذلك .انا لا اريد ان اقوم بهذه الخطوة الان لكنها تريد ارغامي بالقوة على هذا الشي و ان رفضت تثور بشدة و انا في صراع نفسي كبير لانه ان سمعت كلامها ساخسر نفسي و لو فعلت ما انا مقتنعة به ساخسرها و اخسر اخوالي سيحدث مشاكل بالعائلة و ستشكو لاخوالي الذين مقتنعين بكلامها و هم يضغطون علي أيضا بقوة و تقول لي ساغضب عليك ان لم تتزوجي الان و بالنسبة لامي و ابي هم غير مؤيدين للزواج المبكر اطلاقا لكن جدتي تضغط بقوة .انا اريد ان اتزوج الشخص المناسب في الوقت المناسب .ان سمعت كلامها ساهلك لا محالة ومهما اخبرتها اني ضدالتسرع بالزواج تغضب و تثور علي انا و امي و تقول اننا لا نعرف شيئا و تشعرني اني اصبحت عانس مع العلم اني لم اتجاوز الثامنة عشر و عندما اخبرها ان الزواج يحتاج نضج تقول لي انه اذا كان شخص جيد لن يكون هناك مشاكل و بالنسبة لي كلامها غير واقعي هي و خالي يريدوني ان اتزوج مبكرا باي شكل و هذا غير منطقي و مهما اخبرتها اني صاحبة الشان فلنتركه لي تتشاجر معي و مع امي .اصبحت اشعر انها هي من ستتزوج و ليس انا من فرط تدخلها كما انها تقول حجج واهية مثل كيف تساعدي احفادك في زواجهم او لتساعدك امك اثناء ولادك او لتستطيع امك تربية اولادك بدلا عنك اثناء عملك و المشكلة ان العائلة كلها بتقولي ان الفرص الجيدة ليست كثيرة و تتحجج بالانجاب لان سن الانجاب لا يجب يزيد عن ال ٢٣ وانا لست مستعدة لاكون ام مبكرا و تتحجج ان ان امي تاخرت بالانجاب لانها تزوجت في ال٢٧ .ممكن حد يقولي لحداي عمر ممكن الانجاب بدون تاخر في الحمل او صعوبات لو واحدة تقدر تقل تجربتها في الموضوع يا ريت حد يفيدني لان حتى امي للاسف بدات تتأثر بكلامهم بسبب حجة الانجاب .ارجوكم أرشدوني لحل و اخبروني باجوبة و ردود لهذة الحجج الواهية و ادعوا لي ان تغير رايها. , A7A
عاوزه حل من فضلكم جوزى كان عايش برا ولما رجع مسكت موبيلو اكتشفت انو كان بيخونى مع واحده اجنبيه و لما قولتلو انى عرفت اتلكك و قالى دى مسيحيه و كان عاوز يدخلها فى الاسلام و انا عديتها عشان بيتى وولادى بس من جوايا لسه شايله من الموضوع ده اوووووى هو معاملتو معايا جافه اوى و بيتلكك على اى حاجه برغم انى وقفت معاه فى حاجات كتير صعبه و خايفه اعاملو نفس معاملتو ليا يقول بعمل كده عشان قاعد مش بيشتغل الفتره دى برغم ان والدتى مش منقصانى حاجه و مش بطلب منو حاجه غير بسيط اتصرف معاه ازاى😭 , A7A