مشاكل قديمة Archives - مشكلتى ! مشاكل يوميه طبيعيه

مواقف: كل الاوقات | النهارده بس | الاسبوع الماضي | الشهر ده | السنه دى

انا لو عاوزه أطلق وجوزي بيهددني أنه ياخد مني بنتي وأهلي مش قد أهله وقعدني من الشغل علشان ميبقاش معايا فلوس أبقا مزلوله ليه انا مش معايا حد ومش عارفه اتصرف ازاي معقدني في حياتي وبنتي نفسيتها تعبت مش بيصرف عليا ويقولي عيشي ولو اتطلقي مش هسيبك في حالك ويهددني باي حاجه لو اعترضت علي اي حاجه هو عاوزه محدش يقولي جوزك وليه حكم عليكي علشان انا متقيه ربنا فيه ومعنتش مدياله أمن خايفه حتي وانا معاه ياخد بنتي ويعمل محضر اني ضيعتها , A7A

أبريل 16th, 2021

- مشاكل قديمة -كتبو اسما

انا لو عاوزه أطلق وجوزي بيهددني أنه ياخد مني بنتي وأهلي مش قد أهله وقعدني من الشغل علشان ميبقاش معايا فلوس أبقا مزلوله ليه انا مش معايا حد ومش عارفه اتصرف ازاي معقدني في حياتي وبنتي نفسيتها تعبت مش بيصرف عليا ويقولي عيشي ولو اتطلقي مش هسيبك في حالك ويهددني باي حاجه لو اعترضت علي اي حاجه هو عاوزه محدش يقولي جوزك وليه حكم عليكي علشان انا متقيه ربنا فيه ومعنتش مدياله أمن خايفه حتي وانا معاه ياخد بنتي ويعمل محضر اني ضيعتها , A7A

أبريل 16th, 2021

- مشاكل قديمة -كتبو من غير اسم

من فضلك اقرى المشكله متتجاهلهاش عشان محتاجه نصيحتك عشان انا دقيقه وهتفجر ويمكن اخد قرار غلط وسريع وقت ضيق حكى مشكلتى بس مش عايزه اسمى ينزل انا مخطوبه من فتره مش كبيره بس دايما عندى شك أن خطيبى بخيل بعد ما اتخطبنا بفتره جه يوم ميلادى وهو وقتها جابلى هديه وتورته كويسين يعنى وبعدين انا قولتله ليه كلفت نفسك دا كله ومعرفش اى فقالى وقتها انا عارف ان صحابك بيجيبو هدايا غاليه فمكنتش عايز حد يجيب احسن منى ، بعدها كان ف نفس الشهر الفلانتين وكده فهو فضل يقولى عايزه اى اجبهولك وكده وانا قولتله لا مشعايزه حاجه كفايه أن هديه عيد الميلاد وبس قفلنا الحوار غ كده فجه بقا يوم الفلانتين انا جبتله هديه طبعا فرح بس وقتها قالى يعنى ينفع كده تجيبى هو احنا مش اتفقنا اننا محدش فينا هيجيب فحسيت وقتها انى اتصايقت اوى من كلمته ، المهم موقف تانى واللى بجد مش قادره اتخطاه حرفيا هو عيد الام ومقفوله منه اوى ومش عارفه اتعامل معاه من يومها ، كان مسافر ف الشغل وكده وبعدين قالى انا عايز اجيب لمامتك عيد الام وكده وتاخدى كام عشان اديلك تجيبيلها عشان انا بحكم شغلى مش هعرف اجيب وانا طبعا قولتله ملهاش لازمه تجيب وكده وهو وقتها فضل يقولى لا لازم اجيب لمامتك وهجيب لجدتك كمان عشان هى عايشه معانا يعنى ف نفس البيت وهجبلك انتى كمان وهرى كتير كده وانا قولتله لا وكلام من دا وبعدين ف الاخر قولتله سيبها لوقتها لسه شويه ع عيد الام ، جه بقا بعد ما نزل من شغله قالى واحنا قاعدين مع بعض بقولك اى انا مش هجيب عيد أم ولا انتى تجيبى عشان انا ممعيش فلوس وكده ولو مامتك سالت قوليلها انك انتى اللى قولتى متجبش طبعا وقتها دمى اتحرق وفهمت أن اكيد مامته قالت متخليش خطيبتك تجيب عيد ام ولا احنا نودى طبعا أنا عرفع أن فيه ناس هتقول أنه ممكن معهوش وكلام من دا بس هو بيشتغل شغل كويس ماشاء الله ومرتبه كويس اوى ويقدر يجيب ونتاكده من دا وهو اصلا من النوع اللى كل شويه يقولى فيه كذا وانا عايز اجبهولك اى رايك ، وعايز اجيبلك وعايز اعملك ومبيجبش لا بيعمل معرفش بيستفاد اى لما يقول هعمل وهجيب من غير ما يعمل المفروض اصلا اللى عايز يعمل حاجه مبيقولش ، انا دلوقتى حرفيا مش قادره أتجاوز حوار عيد الام دا كان نفسى يجيب لماما هديه يفرحها عشان انا بحب ماما اوى اوى انا بجد مش عارفه اتفتحله من يوم الموقف دا يا ريت حد يساعدنى اعمل اى خايفه يكون مش بخيل وانا اللى ظلمته وأنه ممكن يكون ع نياته او اى سبب اه موقف كمان معلش طولت اوى عليكو انا عارفه بس انا حاسه انكو هتساعدونى لانى دمى بيفور كده ومش عارفه اتعامل ، طبعا للى فاهم أن الارياف عندهم حاجه اسمها مواسم وكلام من دا هو بقا اول ما اتخطبنا قالى انا اتفقت مع اهلى مش هنودى مواسم والكلام دا وهيبقى الموضوع منى ليكى بالمعنى العامى هديلك فلوس يعنى وكده وجه الموسم وعدى ومشوفتش منه حاجه انا حتى مش لاقيه سبب اقول إنه ممكن نعهوش او مزنوق بس للاسف معاه ومش مزنوق لانه لسه مبداش فى الشقه ولا حاجه انا مببصش غ أنه بيدينى أو كده انا الحمد لله من عيله كويسه ومش مخليينى محتاجه حاجه ومش مستنيه منه حاجه فعلا بس المساله بالنسبالى مساله تقدير موقف كمان احنا اول ما اتخطبنا هو قالى اجبلك فون وكده كاى عريس لما ييجى يخطب بيجيب لعروسته موبايل فإنا قولتله لا انا معايا وطالما موبايلى شغال خلاص بس جه بعد فتره موبايلى حصل حاجه فيه والشاشه اتحرقت وكده واتصلح بس كان تقيل فهو قالى هاتى ابيعه واكملك عليه واجبلك واحد أو اخده انا واجبلك واحد تانى طبعا الموقف ضايقنى لابعد حد انا عارفه ان المواقف دى باينه وضوح الشمس أنه بخيل بس هو أفعاله بخيله بس كلامه بيقول عكس كده ، يعنى لما بقوله عايزه حاجه بيقولى ماشى واحلى حاجه ليكى ومبيعملش انا مش محتاجاه يعملى حاحه انا حرفيا محتاجه اطمن أنه مش بخيل وانا وقتهغ والله ما عاوزه ولا هاخد منه حاجه وزى ما قولت الفكره بالنسبالى تقدير انا حاسه ان اهلى اتضايقو من حته الموسم وعيد الام دى بس هما مبينوش ليا وخصوصا ان ماما كانت بتقولى ع حوار عيد الام دا متخليهوش يجيب ولا يكلف نفسه واحنا بس اللى هنودى وخلاص عايزه حد يساعدنى بجد وياريت محدش يتريق ولا يقول حاجه تضايق وانا هتابع الكومنتات , A7A

أبريل 16th, 2021

- مشاكل قديمة -كتبو ايه منصور محمد

انا كنت ضامن شخص من زمان جدا اكتر من 20 سنة وهو خد قرض ومسددش وكان بيجي موظف يسال عليا على فترات متباعدة على عنوان زمان كنت موجود فيه وحاولت اوصل للشخص ده كذا مرة لكنه كان بيتهرب ولما وصلتله قالي بعدها انه راح البنك وخلص الموضوع الكلام ده من 5 سنين تقريبا لكن افاجئ ان في شخص تاني جه من فترة بسيطة وطلع ان الراجل ده كذب عليا ولما كلمته رد عياله قالو انه توفى وكان قايلهم نفس الكدبة ممكن حد يساعدني ويفهمني موقفي القانوني ايه وازاي اخلص من الورطة دي ملحوظة : انا مكنتش ضامنه لوحدي , A7A

أبريل 16th, 2021

- مشاكل قديمة -كتبو بدون اسم

انا دلوقت كنت مخطوبه لابن خالتي وانا مش عاوزاه ولا حباه اصلا وسمعت كلام اهلي ووافقت وحاولت ابقا كويسه بس انا مش مرتاحه نهاءي وخلاص الموضوع انتهي واتكلمت بكل صراحه معاهم وقولتلهم مش عاوزاه هما كانو مجهزيني وكدا عشان اتجوز دلوقت لقيت ماما بتقول وخلاص الجهاز اللي جبناهولك ده هنديه لاختك ومعرفش ايه انا مصدومه من كلامها انا طبعا معنديش مشكله ان اختي تاخدهم طبعا ابدا مستحيل مفيش مشكله بس الفكره نفسها ان الحاجات دي كانت جيالي وان انا اللي مختاراهم وتقولي كدا ف الاخر عشان ممشيتش علي مزاجها وهتجوز اللي اختاروه ليا بتكلم علي اساس ان انا مش هتجوز او هتخطب تاني مثلا او كدا صعبان عليا نفسي من طريقتها وهي بتقولي كدا والله انا مش عارفه اعمل ايه او اتصرف ازاي انا حاسه اني هموت او هيحصلي حاجه , A7A

مارس 7th, 2021

- مشاكل قديمة -كتبو B

مشكلتي مع بنت هنا على البيدج كانت معايا في الثانوية و شبعنا تلميحات و بعدين دخلنا كليات مختلفة بس نفس الجامعة و عرفت انها عملت فيس و كدا حاولت اكلمها عملتلي بلوك عملت صفحة فيك و كانت بتشوف الرسايل و ما تردش لكن كل ما انشر بوست تعملو شير لكن انا بحبها جدا و كل ما اقول موضوع الخطوبة دا يقولو لسا بدري وانا خايف احسن تتخطب و كدا لكن هي لو اتكلمت معايا هرتاح نفسيا جدا جدا بدال التفكير اللي بالساعات طول الليل دا آراء إيجابية بالله عليكو , A7A

فبراير 20th, 2021

- مشاكل قديمة -كتبو من غير اسم بليز

من غير اسم من فضلك مشكلتي دي رساله لناس كتير يمكن انقذ حد ميعيش زيي رساله لكل زوج ظالم وخاين واب فاشل انا بابا مات واتدفن من كام يوم الظلم مات خلاص السنين ال ماما عاشتها قهر وعياط بسبب معاملته وخيانته ديما ليها خلصت خلاص بس هو اكيد مش مرتاح احنا كلنا شايلين منه بلاوي كبرت جوانا من سنين هو كان شايف نفسه صح بس دلوقتي عايزه اساله شايف ايه من هناك شايف ال كان بيخون امي معاهم وهم مش فارق معاهم موته ومشيو مع غيره شايف السمعه الوحشه ال قعدت ليا ولاخواتي شايف السنين ال عذبنا فيها بجحوده والعقد النفسيه ال كبرنا بيها شايف اننا مش عارفين نترحم عليه من قلبنا واننا عمرنا ما حاسينه انه اب زي باقي الابهات شايف امي ال الامراض هدتها بسبب مشيه الغلط احنا بقي مش هنتدخل حد تاني في حياتنا عشان مرعوبين يطلع زيه احنا كرهنا حياتنا بسببه رساله لاي راجل ارجوك اختار من الاول صح وقبل ماتخلف اتاكد انك اخترت صح متجيبش اولاد وتعيشهم بامراض نفسيه تهدهم لو مش قادر تكون اب متخلفش او مش قادر تكون زوج متجوزش لان والله لو طلعت من الدنيا وانت مكروه ومحدش زعلان عليك يبقي ياريتك ماجيت فيها اصلا حسبي الله ونعم الوكيل ف كل اب ظالم وحسبي الله ونعم الوكيل ف كل زوج ظالم , A7A

فبراير 13th, 2021

- مشاكل قديمة -كتبو Sara

السلام عليكم. مبديا كدا انا كنت عايشه مع امي في الاول وامي وابويا كانو منفصلين وانا مكنتش اعرفه اوي ولا كان ليا علاقه بي وكنت بشوفه كل فين وفين ده حتي مكنتش اعرف شكله غير لما كبرت هو بيتحوز كتير وعندي اخوات منه ٣ ولاد و٤ بنات غيري منهم ولدين وانا شقايق والباقي كل واحده وواحد من ام المهم ضيع عليا ٣ سنبن دراسه بعنده مع امي انه هيخدني اعيش معاه بالعافيه وانا كنت ضحيه وكان بياخدني ويقعدني مش بروح مدارس ومش بيحولي ورقي ولا بيعبرني وبالعكس مره ضربني كتير اوي وانا مكنتش عملت اي حاجه لاني كنت هاديه جدا وانا صغيره المهم في يوم من الايام اخد القرار انه ياخدني وحولي ورقي ومدرستي ودنيتي كله اللي بنيتها من الغردقه للصعيد عادي قولت هكمل حياتي عادي وكلها كام سنه واتخرج وارجع تاني وبصراحه كانت نيتي هروب وكنت هعملها المهم فضلت هناك وكل بوم اشوف عك وستات وقلع ادب وبسكت لحد ما اعصابي تعبت وبدات يحصلي حاجات غريبه زي اني اقطع في وشي اخبط دماغي قي الحيط اعيط علي طول غير ان اهل ابويا مش بيقبلوني من فير ما يعرفوني لمجرد اني ناجحه في حياتي والناس اللي حوالبا بتشكر فيا بدات الف ورا ابويا واعرف بيكلم مين وبيعمل اي لحد ما عرفت كل حاجه ومسكت عليه حاجات وقولت همشي ولو فكر يقربلي ههدده بما اني خلاص كل حاجه باظت فيا بسببه بقيت اكرهه اوييي وفعلا عملت كدا بس معملتش حاجه باللي معايا ورميته ورميت كل حاجهً وقولتله انا بس مش عايزه منك حاجه غير انك تبعد عني وفعلا عمل كدا وقعد ٦ سنين لا انا اعرف عنه حاجه ولا هو واللي كان بيجيبلي سيرته كنت بتشنج وبتعب واعصاب بتبوظ لحد ما جه من سنه كدا بيحاول يصالحني انا مكنتش عايزه بس بكلمه عادي جدا وبيصعب عليا بس مش قادره انسي اعمل اي؟ , A7A

فبراير 12th, 2021

- مشاكل قديمة -كتبو Amena

السلام عليكم انا مخطوبه من حوالي سنه خطيبي كان كويس جدا في اسلوبه معايا لكن بعد فتره اسلوبه اتغير بيقولي كلام كتير يزعل ويقعد بالايام ميكلمنيش خالص ولا يراضيني ولا بيبعت رساله مع اني كويسه جدا في اسلوبي معاه حتي كنا بنتكلم في حاجه الفرح بيفضل يقولي مش عامل هو مرتاح ماديا بس انا اصلا مش عاوزه حاجه زياده احنا كنا بنتكلم في الحاجات ال ضروريه زي الصالون والانتريه قال لا مش هعمل كذا ال عايز اعمله هعمله ولو مش عاوز اعمل حاجه مش هعملها. في الدهب قالوا احنا مش هنقدر نجيب غير ب كذا قولنا احنا مش بنبص للحاجات دي وعمري ما ضغطه في حاجه ابدا “انصحوني لو سمحتم” , A7A

فبراير 11th, 2021

- مشاكل قديمة -كتبو ريم عز الدين

سلام عليكم ممكن النشر بدون اسم انا كنت بحب واحده وانا في الكليه كانت اول حب ليا وهي كانت اصغر مني باربع سنين وفضلنا سوا اكتر من اربع سنين بسبب ظروف انها بتدرس وظروفي انها مقدرش افتح بيت لاني لما اتخرجت قعدت شويه لما لاقيت شغل المهم جالها عريس واضغط عليها عشان توافق وانا اهلي مرضوش اني اتقدم لها لظروف ما وتعبت بعديها جامد وقعدت فتره تعبان وكاره الدنيا ومبروحش الشغل لاني حبيتها اوووي ومكنتش قادر استغني عنها لاني مكنتش بعمل زي بعض الشباب بقضيها كانت هي دنيتي وكل حاجه ليا في الدنيا كل وفي بنات كلمتني عشان اسيبها وارتبط بيهم وكنت برفض وهي كانت ساعات بتختبرني والحمد لله كنت بنجح في كل اختبار لان بحبها ومش عايز غيرها يلا الحمد لله علي كل حال المهم بقي هي اتجوزت يعني من اكتر من سنتين وانا سافرت بره مصر بس لسه عندي احساس الحب ليها حتي لما نزلت اجازه من قريب شوفتها قلبي كان بيدق زي كل مره كنت بشوفها فيها و بدخل صفحتها ع الفيس اشوف صورها اشوف بوستاتها وببقي مبسوط وساعات هي كلمتني مره تطمن بحكم اننا كنا جيران بس كلام عادي وانا طبعا من ساعه ما هي اتجوزت بتمنالها كل خير ده انا ساعات بدعليها في صلاتي وهي كمان يمكن حملت كذا مره وسقطت بدعيلها ان ربنا يرزقها بالذريه الصالحه من كل قلبي عشان تبقي مبسوطه المشكله بقي اني كل لما بتقدم لعروسه او اهلي يجيبولي عروسه بصلي استخاره كتير وبعض الاوقات بتظهرلي في الحلم انها معايا وماسك ايديها وانا مبسوط معاها اوووي رغم انها اتجوزت والموضوع بيفشل بعدها رغم اني بعد الاستخاره بكون مرتاح اني اكمل واتقدم للعروسه بصراحه مش عارف ايه الحل انا الحمد لله بصلي ومبفوتش فرض الحمد لله اه ساعات بقصر بس مفيش يوم بيعدي الا لما بصلي الخمس فروض ياريت حد يقولي اللي عندي ده ايه والحل ايه اسف لازعاجكم وجزاكم الله خيرا , A7A

يناير 22nd, 2021

- مشاكل قديمة -كتبو محمد