مواقف: كل الاوقات | النهارده بس | الاسبوع الماضي | الشهر ده | السنه دى

أنا مشكلتي ممكن تكون بسيطه وسهله وكلكم مريتو بيها قبل كدا، بس حقيقي مش هيحس بيا إلا اللي فاكر ألمة ومعاناته لما مر بتجربه حب او علاقه عاطفية وفشلت. انا مشكلتي مش ف انها فشلت، انا مشكلتي إني بدمن الشخص دا يا جماعة والله انا لا عارفه اشوف مستقبلي ولا عارفه اشوف غيره انا مش عندي شغف ولا طاقه للحياه انا كإنه كان مهجتي، وسبيل سعادتي الوحيد. المشكلة إنه مشي بسببي المشاكل بينا كترت جدا وانا كنت عارفاه وانا صغيره جدا جدا كنت ١٣ سنه وقت ما عرفته وهو كان ١٩ او ٢٠ ف هو حب طفولتي وحب مراهقتي وحتي حب الجامعة، مشكلتنا انه مش بينسي وانه جابلي تصرفاتي من وانا ١٣ سنه؟ وكل غلطه عملتها علي مدار علاقتنا.. علي مدار ٦ سنين جابلي كل وحش عملته ف خلال ال ٦ سنين اللي ارتبطناهم. أنا عافرت كتير، وحاولت كتير وهو عمل نفسه بيحاول بس كان مخلي انا لوحدي اللي اسوق المركب، يجماعه علاقتنا انتهت بمعني كلمة انتهت. والله ما في سبيل خالص لرجوعنا وانا اقتنعت بده من قريب.. بس انا قلبي مش راضي؟ انا خاتمه القران وبصلي وبصوم وبقضي فروضي، لما هو بعد زدت ف صلاتي بدل فىوض بس بقيت فروض وسنن بقيت بقرأ البقره عشان يردهولي، بقيت بقوم اصلي الفجر بدعي دايما انه يردهولي ف حلاله، بس طال انتظاري اوي لحد من يومين كنت بعيط كتير جدا عشانه ف قعدت اقرأ فالمصحف ووقريت اذكار النوم وقومت اتوضيت ونمت ع وضوء، حلم اني بتجوز واحد تاني غيره، المشكله مش ف كدا، المشكله اني صحيت ع أذان الفجر وان اعتقادي ان دي رؤيه، فضلت اعيط واقول يا رب لا يارب ارجوك انا عايزه هو بس صحيت تاني يوم الصلح لقيت فيديو للشيخ الشعراوي بيتكلم فيه عن اننا ندعي الأحسن ليا وبلطف ربنا ف غيرت دعوتي بس قلبي مش بيدعي بصدق انا لحد دلوقتي فكره اني ابقي مع حد غيره او انه يبقي مع واحده تانيه غيري دي قتلاني انا الضحكة مكنتش بتفارق وشي، انا دلوقتي الناس بقيت بتكره تقعد معايا من كتر ما انا حزينه انا بحبه ومش لاقيه طريقه ولا مخرج اقدر انقذ نفسي من حبي فيه كان هو سبيل نجاتي الوحيد للنجاه من العالم دا، بكل تماثيله انا من غيره مش قادره اكمل مش قادره اكون سعيده عايزه حل اقدر انساه بيه واكمل حياتي، هو دايما دايما مكنش بيردني لما قليت من كرمني وكلمته، كان دايما بيستقبلتي، بس دلوقتي معدش بيستقبل وبقي لما يعرف انها انا يقف السكه ف وشي او يعملي بلوكات وحاليا برضه هو رافضني رفض تام بحجه انه بذل كل مجهوده وبرضه ملناش نصيب ف بعض انا مؤمنه بالقدر وهي فعلا علاقتنا ملهاش طريقه للإنقاذ لانها زي الغريق اللي مات ف نص البحر مش هنعرف نلاقي جتته. حل، عايزه اعرف ازاى اكون سعيده، انا مش فاكره مني السعاده والله عايزه انساه عايزه اكمل حياتي! عايزه حل ارجوكم لاني تعبانه فعلا وارجوكم ارجوكم ادعولي، وان ربنا عزل وجه يردهولي.. , رايك يهمنا