مواقف: كل الاوقات | النهارده بس | الاسبوع الماضي | الشهر ده | السنه دى

ملخص حياتي عن الاكتئاب مبدئيا كده انا عندي حاله نفسيه صعبه بقالي 3 سنين وهي الاكتئاب جاتلي اول ما ابويا توفي دا غير اني كنت طفل انطوائي جدا امي من كثر خوفها عليا مكانتش بتخليني اشوف الشارع يعني انا مشوفتش الشارع الا ف اولي اعدادي الابتدائي مكنتش باخد دروس وكانت بتروح معايا المدرسه وتيجي تاخدني بعد ما ابويا مات بقيت حزين جدا وانعزلت فتره طويله جدا يعني كام شهر قاعد ف البيت ! بعديها لجئت للمخدرات مع صحابي المهم ان في واحد امنت ليه اكثر واحد بس دخلني ف مشاكل وتليفوني اتاخد مني فضلت حابس نفسي في البيت وزعلان جدا مكنتش بعرف انام غير بالمنومات بعديها مكانش قدامي الا اني اجيب كيس سم وافضيه في كوبايه المايه واشرب ومستني اموت النصيب اني فضلت عايش ومموتش ولحقوني وروحت المستشفي فضل عندي الافكار الانتحاريه وقاعد ف بيتي مش بنزل كل اللي بتفرج عليه افلام حزينه واغاني حزينه ولو حاجه فيها فرح بتضايقني ولحد دلوقتي ! بقيت باكل يوم كويس اوي وبشراهه ويوم يبقي رافض الاكل خالص ويوم بنام كثير اوي ممكن اوصل 18/20 ساعه نوم ويوم لو نمت ال 4 ساعات بحمد ربنا عليهم ساعات كثير ببقي قاعد نفسي اعيط بس مش عارف مشاعري اتبلدت من كثر الحزن مبقاش في عياط قلبي بقي حجر ! اه بقيت انزل مبقتش معزول زي الاول بس برسم ضحكه وانا مع صحابي عشان مبينش المي بس الضحكه دي بتتعبني لاني بكدب تاني مره امي كانت بره خدت من العلاج بتاعها كنت عايز اي حاجه ممكن اموت المهم جت بردو ودوني المستشفي بقيت كويس اخر مره حاولت انتحر بااني هطلع السطح ارمي نفسي من فوق وخلاص نويت كده لقيت الناس اللي فوق حاطين دولاب حاجزين بيه السطح ومعرفش حتي ايه السبب اللي يخليهم يعملوا كده انا قولت سبحان الله لاني كنت طالع اموت نفسي لاننا كنا في وقت الفجر مكانش حد هيحس بيا بس ربنا كان ليه راي تاني بجد انا زهقت ومحدش بقي حاسس واي حد يقولك صلي واقرا قران انت بعيد عن ربنا ويحسسك انك كافر اقسم بالله بصلي وبدعي ربنا هو ربنا مش عايزني انتحر بس انا تعبان جدا محدش بيفتكرني في ايام زي عيد ميلادي حتي البنتين اللي حبتهم سبوني لوحدي وانا كنت بعاملهم حلو بجد تعبت بحاول اخد قرار اني اروح لدكتور نفسي بس حاسس اني مش هعرف اتكلم ولا هعرف اتناقش معاه لاني مبقاش عندي القدره لاني اعمل محادثه حقيقيه مع اي حد زي زمان اما كنت كويس الاكتئاب وحش مدمر للنفس لاني دايما بعاني من الالام في جسمي خصوصا ضهري وبطني وصوابعي كثير وبحس دايما جسمي متكسر بجد ربنا يشفي كل مصاب بالاكتئاب اللعين يارب انا كان نفسي يكون عندي سرطان علي الاقل انا عارف اني هموت وعارف ايه اللي بيحصل وبتقدر تضحك اوقات كثير انما الاكتئاب دايما حزن وضحكه مزيفه وافكار انتحاريه مسيطره علي مخك يارب اشفيني واشفي كل مصاب به وده مجرد ملخص عن حياتي مش حياتي كلها بس محدش يستهين بالمرض ده وياريت تتعاملوا مع اللي عنده المرض دا بحظر لان في ناس بيشوفوا انك واحد بتتدلع وخلاص والحقيقه غير كده خالص انت المرض بس غلبك المريض النفسي مش مجنون لان الكلمه دي بتتعب نفسيا جامد واحنا اللي فاهمين غلط انا حاسس اني بكتب رساله انتحار يا جماعه ياريت تتعالجوا من المرض ده لو لسه في بدايته لانه اما بيشتد مبتبقاش حتي قادر انك تتعالج ولا عارف تتكلم و الافكار الانتحاريه مش هتسيبك بجد كنت متردد اني انزل بوست زي دا المهم ربنا يشفي كل مريض اكتئاب يارب وياريت تتعالجوا منه قبل فوات الاوان ومتخافش وتقول هيتقال عليا مجنون انت مش مجنون بس لازم تتعالج عشان متندمش زي مانا ندمت 🙂 , رايك يهمنا