مواقف: كل الاوقات | النهارده بس | الاسبوع الماضي | الشهر ده | السنه دى

عاوزة انزل مشكلتي ع البيدچ انا من سنه بالظبط اتعرفت علي واحد وحبيته جدا وهو كمان حبني واعترفلي ب ده وانا كنت طايرة من الفرحة فضلنا السنة دي عايشين اسعد ايامنا ومفيش بينا مشاكل غير حاجات تافهة وبنتصالح ع طول بس دايما بيحاول ميطلعش غلطان غير لما بقعد اقنعه وف الاخر بيتأسفلي وانا بقبل اسفه وببقي عادي المهم هو من محاقظه وانا من محاقظه وشوفنا بعض مرتين بس هو قالي انه هيخلص جيش ودراسه وبعدين يجي يتقدملي وانا كنت موافقه وتمام وهستناه لأني بحبه اوي بس انا كنت بقعد اقوله يعرفني ع اهله مكانش بيعرفني عليهم وكان دايما بيحاول يتوه دماغي عن الحوار ده كان يقولي هعرفك علي امي واقوله امتي يقوم متوه وانا كنت بسكت ومكانش بيرضي يكلمني قدام اهله خاالص ولا اخواته و اغلب صحابه كمان مع اني كنت معرفه اهلي عليه وكلم مامتي واتعرف عليها بس بابايا مكانش يعرف حاجه عشان هيمنعني اكلمه طبعا فا للأسف بابايا عرف ومنعني اكلمه وخد تليفوني مني ومنعني من الخروج وكل حاجه انا كلمته من عند اختي عشان يجي يخطبني او يقرا فاتحه بس رفض تماما وقالي مش وقت مناسب لأن باباه ومامته متخانقين مع بعض وممكن يتطلقوا هو بصراحه انا كنت عارفه ان فيه مشاكل فعلا قبل ما يحصل عندي حاجه بس انا قولتله خلاص نستني اما باباك ومامتك يتصالحوا وتكلمهم عليا موافقش وقالي لما اتخرج وكده هاجي اقرا فاتحه ودلوقتي هكلم باباكي عشان يهدي ويعرف اني بحبك ومش هسيبك واني جد وكده انا قولتله طيب ع الاقل عرف اهلك انك هتكلم بابايا وعرفهم عليا يعني مكانش موافق وقعد يقولي انا ف ايه ولا ف ايه وهما مش فايقين ومش هينفع خالص لان انا كنت منهارة ومش عاوزة بابايا يشوفني ف موقف وحش وثقته الي ضاعت مني كنت منهارة اوي روحت قولتله انا مش هكلمك تاني غير اما تيجي تخطبني ومتكلمش بابا غير وانت جاي تخطبني وده هيبقي اخر كلام بينا ومكلمتوش لقيته بعد كام يوم كلم بابا من ورايا وقاله انه هيتخرج وهيجيب اهله ويجي انا دلوقتي حاسه انه بيحبني وحاسه انه لأ وحاسه اني ظلماه مش عارفه احدد هو بيحبني ولا لأ يعني اخواتي وصحابي قالولي كان ممكن يعمل اي حاجه عشان يجي يخطبك بس هوحتي محاولش يكلم اهله ورافض خالص انا مشاعري متلغبطة هو احنا رجعنا نتكلم دلوقتي بس اسلوبه معايا ساعه ماقولتله يجي يخطبني وجعني اوي وحسيت انه مبيحبنيش وكان ممكن يتصرف عشاني بس هو معملش كده وكلمني باأسلوب وحش اوي وانا كنت عماله اعيطله عشان يجي يخطبني فا انا مش قادره انسي اسلوبه بس انا بحبه اوي ومش قادرة ابعد عنه حتي لو شاكة انه بيضحك عليا انصحوني قولولي لو انتوا مكاني هتعملوا ايه , رايك يهمنا