مواقف: كل الاوقات | النهارده بس | الاسبوع الماضي | الشهر ده | السنه دى

معلش لو هطول عليكوا .. جالي عريس من حوالي اسبوع كدا محترم جدًا و طيب أوي و عمره ما كلم بنت لما قعدت معاه و اتكلمنا لقيت كلامه إلي حدٍ ما عاجبني بس هو كان خجول بدرجه لا توصف و دايمًا حاطط وشه في الأرض مش عارفه دا نتيجة كسوفه ولا عنده مشكله صحيه و طبعًا مش هروح أسأله لعدم الإحراج ، اتكلمت مع أهلي بخصوص كسوفه و قعدته قالولي طبيعي دي أول مره يدخل بيت ناس و يقعد قصاد بنت ، بعد يومين هو صلي استخاره و قال موافق و انا برضو صليت و إلي حدٍ ما مرتاحه ، المشكله بقا ان مش حاسه اني هحبه يمكن لان شكله أصغر من سنه و مش بيروح چيم و يلعب رياضه و كدا و لأني حرفيًا مبقاش في حاجه حلوه جوايا نتيجة علاقات صداقه مع بنات كانوا صحابي و خذلوني دي أكتر حاجه مأثره فيا و مخلياني مش عارفه أثق في حد ، و صعبان عليا نفسي أوي أتعلم و أدخل الجامعه و أنجح بتقديرات عاليه و في الآخر أقعد في البيت + عندي زمايل ولاد من الجامعه مش عارفه اقوله ازاي ولا امتي .. انا عارفه كويس ان حرام في ديننا الاختلاط و مسيرنا هنبعد و كل حد يشوف حياته لكن دول بقالنا 3 سنين مع بعض اخوات و عارفين كل حاجه عن حياتنا و كدا و طبعًا في حدود بيننا .. اعمل ايه ؟ , رايك يهمنا