مواقف: كل الاوقات | النهارده بس | الاسبوع الماضي | الشهر ده | السنه دى

انا واحدة عايشه برا مصر مع جوزي وعيالي واحنا مدخلين العيال هناك مدارس انترناشونال والسنه دي جوزي عايز ينزلنا انا والعيال عشان شغله بيتنقل كل فتره وانا وافقت انزل وكنت بدور على مدارس كويسه لعيالي ف لقيت مدرسه قريبه مننا وانترناشونال وسعرها كويس وجوزي وافق عليها بس كان بيكلم اخته ف سألته عن عياله هيدخلو ايه لما ينزلو قالها ع المدرسه دي ولما عرفت مصاريفها قالت لأخويا ليه كدا دي بتخلى العيال منحرفين ويشربو مخدرات وقعدت تحش في دماغه كلام يامه مع العلم هي دايماً بتقارن عيالها بعيالي ومقهوره جوزي اقتنع ان المدارس الانترناشونال سمعتها مش كويسه ومفيش احلى من التعليم الحكومى وقالي هندخلهم حكومي وانا هنا وقفت له قلت له انت بتمشي ورا كلام اختك فضل يزعئلى وقال دول عيالى وانا ادرى بيهم وانا بقالى اسبوعين مش بكلمه وسفرنا كمان ٩ ايام وانا لو عارفه المستوى المادى بتاعه مش كويس مكنتش طلبت منه يدخلهم انترناشونال ومش عارفه اعمل ايه , رايك يهمنا