مواقف: كل الاوقات | النهارده بس | الاسبوع الماضي | الشهر ده | السنه دى

انهارده. انا ليا صديقه بيست بتاعتي بقالنا ٤سنين مع بعض المهم هي من النوع اللي بتحتفظ بخصوصيتها جدا ومبتحكليش كل حاجه يعني مبتكشفش ورقها كله قدام اي حد ابدا حتي اصدقائها المقربين اللي هو انا يعني وانا احترمت ده وان كل واحد لازم ليه خصوصيته وكده. وعندها كبرياء فظيع اللي هو لو اتخانقنا ممكن متكلمنيش بالشهر وكده عادي. الشهر اللي فات بقا انا وهي ثانويه عامه وكنت بدور علي مدرسين وكده واكلم بنات وابعتلها اسكرينات عشان نبقي مع بعض ع الخط يعني وهي قالتلي انها كلمت معظمهم وهيبدأوا اول سبتمبر استنيت لحد اول سبتمبر وكنا متفقين اننا هنبدأ مع مدرس معين فا بتصل بيها اقولها المعاد قالتلي انها بدأت مع مدرس تاني وبدأت دروس في كذا ماده. سألتها مقولتليش ليه قالتلي مكنش عندي وقت. قفلت معاها وانا مصدومه وبعدها دخلت في نوبه بكاء لاننا دايما مع بعض وانا معنديش اي اصدقاء غيرها وانطوائيه جدا وهي طول فتره الحجر كنت بتحايل عليها تكلمني او تبعتلي تطمن عليا بحيث انا اسأل مره وهي مره واحس انها مهتمه وفاكراني لكن كانت دايما تقول انها مش فاضيه وتبقي فاتحه نت. بعدها انا كنت تايهه ومش لاقيه مدرسين وكلهم بدأوا وقفلو الحجز (وانا طبعا كنت مستنيه لسبتمبر زي ما اتفقنا) لغايه ما كلمت بنت كنت اعرفها وقالتلي علي مدرسين واستقريت الحمدلله. بعدها اتلاقيتها بتكلمني وتسأل علي مدرسين انا باخد معاهم مع انها بدأت فأنا كلمتها بعصبيه(مع اني كنت عامله حسابي اني اتجاهلها بس صعبت عليا العشره وانا بحبها) المهم عاتبتها وهي بقت تقولي انتي مكبره الموضوع بعد العشره دي تقولي عليا بتاعت مصلحتي يا خساره وقفلنا مع بعض وغلطتني انا. واتقابلنا لأول مره من٦ شهور في درس. اول ما دخلت اتلاقيتها راحت باصه في تليفونها ومكلمتنيش ولا عبرتني فقعدت علي كرسي وهي فضلت راحه جايه من قدامي مسلمتش ولا عبرت. وبعدها اتقابلنا في درس تاني بس مبنتكلمش وممكن نرد علي كلام بعض بس ك زمايل مش اكتر وهي دلوقتي عماله تنزل بوستات الاصدقاء اللي بتهون عليهم العشره والمشاكل اللي بتبين حقيقه الناس وحاجات كده وانا مش فاهمه انا غلطت في ايه. اسفه اني طولت عليكم بس عايزه اعرف هو انا الغلطانه فعلا واتعامل معاها ازاى لأني مش عارفه اتجاهلها(دي عشره وانا لسه بحبها) بدون اسم A7a , رايك يهمنا